|
|
|
|
|
|---|---|---|---|
| 14301 | कापालिक | ना. | ४. कपालसम्बन्धी; खप्परसम्बन्धी। |
| 14302 | कापिनु | अ.क्रि. | १. कापमा पर्नु; चेपिनु; च्याप्टिनु। |
| 14303 | कापिनु | अ.क्रि. | २. दुई वस्तु वा समस्याका बिचमा अल्झिनु। |
| 14304 | कापी | ना. | १. धर्को भएको वा नभएको लेख्नका निम्ति प्रयोग हुने खाली कागतको पुस्तिका। |
| 14305 | कापी | ना. | २. पुस्तक, चित्र आदिको प्रति वा सङ्ख्या। |
| 14306 | कापी | ना. | ३. प्रतिलिपि; सरौट; नक्कल। |
| 14307 | कापी | ना. | ४. छाप्ने, छापिने आदि कामका निम्ति दिइने हस्तलेख। |
| 14308 | कापीराइट | ना. | लेखक, सङ्गीतकार वा कलाकारलाई कानुनले दिएको त्यो अधिकार जसअनुसार साहित्य, सङ्गीत वा कलाविषयक कुनै पनि कृति वा कार्यको प्रकाशन, उत्पादन र बिक्रीमा खास अवधिसम्मका लागि कानुनी सुरक्षा प्रदान गरिएको हुन्छ; लेखकाधिकार; स्वत्वाधिकार; प्रतिलिप्यधिकार; सर्वाधिकार। यसको अन्तर्राष्ट्रिय चिह्न यस्तो (।) हुन्छ। |
| 14309 | कापुरुष | ना. | काँतर पुरुष; नीच वा तुच्छ व्यक्ति; पानीआन्द्रे मान्छे। |
| 14310 | कापे | ना. | १. पढ्दा वा पाठ गर्दा किताब राख्न सजिलो हुने गरी बनाइएको काठको एक प्रकारको चेपुवा खटिया। वि. |
| 14311 | कापे | ना. | २. कापो परेको; काप भएको। |
| 14312 | काफर | वि. | हे. काँतर। |
| 14313 | काफल | ना. | लाम्चा पात हुने, गुच्छा गुच्छा राता साना फल फल्ने एक वृक्ष; त्यसैको गर्मी महिनामा फल्ने फल। |
| 14314 | काफलचरी | ना. | काफल पाक्ने बेलामा 'काफल पाक्यो' भनेर कराई हिँड्ने एक चरो |
| 14315 | काफल पाक्यो | ना. | काफलचरीले काफल पाक्ने समयमा बोल्ने र त्यस्तै सुनिने स्वर। |
| 14316 | काफिर | ना. | १. ईश्वरको अस्तित्व नमान्ने मानिस। |
| 14317 | काफिर | ना. | २. मुसलमानी धर्म नमान्ने मानिस। ३ दक्षिण अफ्रिकाका बान्टुभाषी जाति। |
| 14318 | काफिर | ना. | ४. अफगानिस्तानको सरहदमा बस्ने एक जाति। वि. |
| 14319 | काफिर | ना. | ५. नास्तिक। |
| 14320 | काफिर | ना. | ६. दुष्ट। |
| 14321 | काफिर | ना. | ७. निर्दय। |
| 14322 | काफी १ | ना. | चाहिएजति; यथेष्ट; मनग्य; पर्याप्त; प्रशस्त। |
| 14323 | काफी २ | ना. | १. खनायोका जस्ता झुप्पैझुप्पा राता रङका फल र चिउलीका जस्ता ठुलठुला पात हुने उष्णप्रदेशीय बिरुवा। |
| 14324 | काफी २ | ना. | २. त्यसैका साना साना बीजलाई यान्त्रिक प्रक्रियाद्वारा धुलो बनाएर तयार पारिने गाढा खैरो रङको र सुगन्धले युक्त एक प्रसिद्ध पेय पदार्थ; कफी। |
| 14325 | काबिल | वि. | खास खास विषयको ज्ञाता; पढेलेखेको र योग्य; विद्वान्; पण्डित; शिक्षित। |
| 14326 | काबु | ना. | १. कुनै व्यक्तिको नियन्त्रण वा अधीनमा रहने काम; अधीनता; नियन्त्रण; वश; हैकम। वि. |
| 14327 | काबु | ना. | २. कायल; साबित। |
| 14328 | काबु | ना. | ३. चेतबाबा भएको; पछुतो मानेर कान समात्ने। |
| 14329 | काबुज | ना. | बट्टाई चरालाई राखिने पिँजडा। |
| 14330 | काबुल | ना. | १. उत्तरपूर्वी भागमा पर्ने अफगानिस्तानको राजधानी। |
| 14331 | काबुल | ना. | २. सिन्धुनदीमा गएर मिसिने अफगानिस्तानको एक नदी। |
| 14332 | काबुली | वि. | काबुल प्रदेशको; काबुलसँग सम्बन्धित। |
| 14333 | काबुली चना | ना. | सेतो रङको ठुलो दाना हुने एक प्रकारको चना। |
| 14334 | काबू | ना. | हे. काबु । |
| 14335 | काब्रो | ना. | हे. काभ्रो। |
| 14336 | काभ्रे | ना. | १. नेपालको बाग्मती अञ्चलमा रहेको, काठमाडौँ उपत्यकाको पूर्व-दक्षिणमा पर्ने एक जिल्ला (काभ्रेपलान्चोक)। |
| 14337 | काभ्रे | ना. | २. काभ्रोसम्बन्धी; काभ्रो हुने वा पाइने; काभ्राको। |
| 14338 | काभ्रे चरो | ना. | फुस्रो रङको ज्यादै सानो एक चरो। |
| 14339 | काभ्रेपलान्चोक | ना. | हाल क्रमशः 'काभ्रे' नाउँले मात्र चिनिन थालेको, पहिले पूर्व १ नम्बरअन्तर्गतका काभ्रेपलान्चोक सिन्धुपाल्चोकमध्ये एक जिल्ला। |
| 14340 | काभ्रे माछो | ना. | एक प्रकारको माछोविशेष। |
| 14341 | काभ्रो | ना. | १. लाम्चा पात हुने, सेतो वा हरियो फूल फुल्ने, सेता बाटुला फल लाग्ने हाँगाभरि पातले झ्याम्मिएको एक वृक्ष। |
| 14342 | काभ्रो | ना. | २. अमिलो खालको तरकारी र अचार बनाएर खाइने तथा आयुर्वेदमा ठन्डा गुण हुने र रक्तदोष, मूर्च्छा, रिँगटा आदिमा फाइदा गर्ने भनी बताइएको त्यसकै फूल वा कोसा; काब्रो। |
| 14343 | काम्नु | अ.क्रि. | डर, अत्यास आदिले जिउ थरथर हल्लनु; कम्प छुट्नु; डगमगाउनु; कम्पित हुनु; थरथराउनु; डग्नु; थर्र हुनु; काँप्नु । |
| 14344 | काम १ | ना. | काम्ने वा कामेको अवस्था; कँपाइ; कम्प (जस्तो- कामजरो)। |
| 14345 | काम २ | ना. | १. कुनै कुरा, उद्योग वा प्रयोजनका लागि हातखुट्टा आदि शारीरिक अङ्ग चलाएर गरिने कार्य; मन वा बुद्धि खियाउने प्रक्रिया वा स्थिति; दशनङ्ग्रा खियाइ। |
| 14346 | काम २ | ना. | २. कुनै पनि कार्य वा क्रिया (उद्योगधन्दा, इलम-व्यवसाय, पठनपाठन इ.)। |
| 14347 | काम २ | ना. | ३. गर्नुपर्ने कर्म, कार्य, व्यापार। |
| 14348 | कामकाज | ना. | काम र काज; उद्योगधन्दा, इलम; व्यवसाय; रोजगार। |
| 14349 | कामकाजी | वि. | कुनै नोकरी, पेसा वा काममा लागेको; रोजगार समातेको; इलमी। |
| 14350 | काम कारबाई/कारबाही | ना. | कुनै काम, उद्योगधन्दा वा व्यवसायका लागि गरिने चाँजोपाँजो; बरबन्दोबस्त; कारोबार। |