|
|
|
|
|
|---|---|---|---|
| 14551 | कार्पेट ऊन | ना. | कार्पेट वा गलैँचा बनाउने खास किसिमको ऊन। |
| 14552 | कार्बन | ना. | कोइला, अङ्गार आदिमा विद्यमान रहने एक रासायनिक तत्त्व (हीरा र सिसालाई विशुद्ध कार्बन मानिन्छ); प्राङ्गार। |
| 14553 | कार्बन पेपर | ना. | टङ्कन आदिमा प्रतिलिपि निकाल्न कागतको बिचमा हाली प्रयोग गरिने एकापट्टि कार्बन लगाइएको पातलो पत्र वा कागत; प्राङ्गारपत्र। |
| 14554 | कार्य | ना. | १. काम; कृत्य; काज। |
| 14555 | कार्य | ना. | २. कर्तव्य। |
| 14556 | कार्य | ना. | ३. पेसा; व्यवसाय। |
| 14557 | कार्य | ना. | ४. धार्मिक कृत्य वा अनुष्ठान। |
| 14558 | कार्य | ना. | ५. प्रयोजन; उद्देश्य। |
| 14559 | कार्य | ना. | ६. नाटकको उपसंहार। |
| 14560 | कार्यकर्ता | ना. | १. खास उद्देश्य वा कारणले काम गर्ने व्यक्ति; कर्मी; कर्मचारी; श्रमिक। |
| 14561 | कार्यकर्ता | ना. | २. जिल्ला र गाउँगाउँ घुमेर राजनीतिक, सामाजिक आदि सिद्धान्तको प्रचारप्रसार गर्ने व्यक्ति। |
| 14562 | कार्यकलाप | ना. | कामसम्बन्धी गतिविधि; कामकारबाई; काम गर्ने विधि वा तरिका। |
| 14563 | कार्यकारण | ना. | कारण र कार्य; उद्देश्य र प्रयोजन; हेतु; संयोग। |
| 14564 | कार्यकारण भाव | ना. | कार्य र कारणको सम्बन्ध; उत्पाद्य र उत्पादक भाव। |
| 14565 | कार्यकारिणी | ना. | १. कुनै विशेष काम गर्न वा व्यवस्था मिलाउन आधिकारिक रूपबाट चुनिएका वा मनोनीत भएका विशिष्ट व्यक्तिहरूको समिति; सञ्चालक समिति; कार्यसमिति। वि. |
| 14566 | कार्यकारिणी | ना. | २. कार्यको व्यवस्था गर्ने वा मिलाउने (सचिव, समिति, सभा, परिषद् इ.)। |
| 14567 | कार्यकारी | ना. | १. विशेष रूपले कुनै काम गर्ने व्यक्ति; कार्यकर्ता। |
| 14568 | कार्यकारी | ना. | २. कसैको अनुपस्थितिमा त्यस व्यक्तिको सम्पूर्ण अधिकार उपभोग गरी काम गर्ने व्यक्ति। |
| 14569 | कार्यकारी | ना. | ३. कसैलाई कुनै विशिष्ट पद केवल सम्मानार्थ दिँदा विशेष अवस्थामा त्यस पदबाट गर्नुपर्ने काम सम्पन्न गर्ने अर्को व्यक्ति। |
| 14570 | कार्यकाल | ना. | १. काम गर्ने समय; मौसम; उपयुक्त समय वा अवसर। |
| 14571 | कार्यकाल | ना. | २. कुनै पद वा सेवामा रहँदा तोकिएको समयावधि; पदावधि। |
| 14572 | कार्यकुशल | वि. | सिपालु; प्रवीण; खप्पिस; निपुण; दक्ष। |
| 14573 | कार्यकुशलता | ना. | कार्यकुशल हुनाको भाव; ल्याकत; दक्षता; निपुणता। |
| 14574 | कार्यक्रम | ना. | १. कुनै विशेष काम ( समारोह, आयोजना, गोष्ठी; सेमिनार आदि) का विविध अङ्गको सम्पादन गर्न तयार पारिएको क्रम वा सिलसिलापछि हुने कुनै पनि कामको योजना वा प्रक्रिया। |
| 14575 | कार्यक्रम | ना. | २. त्यस्ता कामकुराको मुद्रित सूची; तालिका। |
| 14576 | कार्यक्षेत्र | ना. | काम गर्नका निम्ति प्रदत्त अधिकार वा निर्देशनको सीमा। |
| 14577 | कार्यटोली | ना. | निर्दिष्ट वा खास खास काम गर्नका निम्ति बनाइएको कार्यकर्ताहरूको समूह; काम गर्ने व्यक्तिहरूको विभाजित एकाइ; तोकिएको क्षेत्रमा गई काम गर्नेहरूको डफ्फा। |
| 14578 | कार्यदक्ष | वि. | काम गर्नमा योग्य वा सिपालु; कार्यकुशल। |
| 14579 | कार्यदक्षता | ना. | कार्यदक्ष हुनाको भाव वा स्थिति; कार्यकुशलता। |
| 14580 | कार्यनिष्ठ | वि. | काममा आस्था राख्ने; काममा अनुरक्त; काममा सङ्कल्पित; काममा संलग्न। |
| 14581 | कार्यपञ्चक | ना. | ईश्वरका पाँच विशेष कार्य (सृष्टि, स्थिति, प्रलय, निग्रह र अनुग्रह)। |
| 14582 | कार्यपत्र | ना. | सेमिनार, कार्यशालागोष्ठी आदिमा छलफल, टिप्पणी, आलोचना आदि गर्नका निम्ति प्रस्तुत गरिने कुनै पनि समस्याविषयक लेख; गोष्ठीपत्र। |
| 14583 | कार्यपद्धति | ना. | कुनै काम गर्ने स्वीकृत विधि वा तरिका; कार्यप्रणाली। |
| 14584 | कार्य परिषद् | ना. | कुनै काम र परिस्थितिअनुसार आन्दोलन आदि सञ्चालन, नियन्त्रण आदि गर्न गठित समिति वा औपचारिक अङ्ग; खास कामका निम्ति बनाइएको समितिविशेष। |
| 14585 | कार्यपालिका | ना. | सरकारका तीन अङ्ग - कार्यपालिका, न्यायपालिका र विधायिकामध्ये व्यवस्थापिका सभाले पारित गरेका कानुन वा प्रस्तावलाई कार्यान्वयन गर्ने र देशको प्रशासन वा शासनव्यवस्था सुचारु रूपले चलाउने एक प्रमुख अङ्ग। |
| 14586 | कार्यप्रणाली | ना. | हे. कार्यपद्धति। |
| 14587 | कार्यभार | ना. | कुनै पदमा रहँदाको सम्पूर्ण उत्तरदायित्व; सेवाअवधिको अभिभारा; आफूले गर्नुपर्ने कामको जिम्मेवारी। |
| 14588 | कार्यभार मुक्त | वि. | कुनै पद वा जिम्मेवारीबाट च्युत गरिएको; सेवाबाट अवकाश दिइएको वा पाएको; खोसिएको। |
| 14589 | कार्यभारी | वि. | कार्यभार वहन गर्ने; कुनै काम वा पदको जिम्मा लिने। |
| 14590 | कार्यमूलक | वि. | व्यवहारमा ल्याउन सकिने वा आउन सक्ने गुणको प्रधानता भएको; काममा ल्याउन सकिने; व्यावहारिक उपयोगिता वा पक्ष विद्यमान रहेको (कार्यमूलक योजना, कार्यमूलक सिद्धान्त इ.)। |
| 14591 | कार्यमूलकता | ना. | कार्यमूलक हुनुको भाव; उपयोगी व्यावहारिकता। |
| 14592 | कार्यमूलक योजना | ना. | व्यवहारमा उतारी उपयोगी बनाउन सकिने कुनै योजना; कार्यान्वयन पक्षलाई प्रधानता दिने आयोजना। |
| 14593 | कार्यवश | क्रि.वि. | कामविशेषले; कुनै काम आइलागेकाले; कामका कारणले। |
| 14594 | कार्यवाहक | वि. | कुनै व्यक्तिको अनुपस्थितिमा नियमानुसार त्यस व्यक्तिको अधिकार लिई अस्थायी रूपमा काम गर्ने (कर्मचारी वा पदाधिकारी); कामको जिम्मा लिने; कार्यकारी; कायममुकायम। |
| 14595 | कार्यवाहक सङ्ख्या | ना. | कुनै सभा वा बैठकलाई औपचारिक रूप दिन उपस्थित हुनुपर्ने निम्नतम सदस्यसङ्ख्या; हे. गणपूरक सङख्या। |
| 14596 | कार्यवाही | वि. | १. हे. कार्यवाहक। |
| 14597 | कार्यवाही | वि. | २. हे. कारबाई। |
| 14598 | कार्यवाही योग्यता | ना. | विशिष्ट सभा, मन्त्रिपरिषद् आदिको बैठकमा गरिएका काम, वादविवाद, निर्णय आदिलाई गोप्य राख्ने कार्य वा व्यवस्था। |
| 14599 | कार्यविधि | ना. | नियम, ऐनकानुनमा उल्लेख भएअनुसारका कार्यप्रणाली; कामको सवाल वा सिद्धान्त। |
| 14600 | कार्यविनायक | ना. | काठमाडौँ उपत्यकाका प्रसिद्ध विनायक (गणेश) मध्ये पाटन जिल्लाको सैँबु भन्ने ठाउँमा रहेका एक विनायक। |