|
|
|
|
|
|---|---|---|---|
| 15001 | किन्नु | स. क्रि. | मोल तिरेर कुनै माल लिनु वा आफ्नो हकमा पार्नु; बेसाउनु; खरिद्नु। |
| 15002 | किन | क्रि.वि. | कुनै काम वा विषयको कारण सोद्धा प्रयोग गरिने शब्द; कुन हेतुले वा के उद्देश्यले ? के कारणले ? |
| 15003 | किन किन | अव्य. | थाहा नभएको कारणबारे विस्मयपूर्वक भनिने शब्द; संशय, अनिच्छा वा अरुचि जनाउने शब्द। (उदा.- किन किन आज मलाई पढ्न नजाऊँजस्तो भइरहेछ।) |
| 15004 | किनखाब | ना. | सुनचाँदीका बत्तुले बुट्टा काढिएको झलझलाउँदो रेसमी कपडा; बहुमूल्य रेसमी कपडा। |
| 15005 | किनबेच | ना. | किन्ने र बेच्ने काम; खरिदबिक्री; बेचबिखन; क्रयविक्रय। |
| 15006 | किनमेल | मालसामानहरू किन्ने वा खरिद गर्ने काम; बजारमा गएर मोल तिरी आफूलाई चाहिने सामान लिने काम। | |
| 15007 | किनाइ | किन्ने भाव, क्रिया वा प्रक्रिया; खरिद। | |
| 15008 | किनाइनु | क. क्रि. | किन्न लाइनु; खरिद गराइनु। |
| 15009 | किनाउनु | प्रे. क्रि. | किन्न लाउनु; खरिद गराउनु। |
| 15010 | किनामा | ना. | भटमास उसिनेर खरानीमा मुछी धेरै दिनसम्म गुम्स्याएर राखिएको खाद्य पदार्थ। (किरात समुदायमा यो खाद्य पदार्थ निकै प्रचलित छ।) |
| 15011 | किनार | ना. | १. कुनै वस्तुको लमाइ वा गजपट्टिको अन्तिम छेउ; किनारा; पारी। |
| 15012 | किनार | ना. | २. नदी, तलाउ आदिका वारिपारिको जग्गा; तट; तीर। |
| 15013 | किनार | ना. | ३. छेउछाउ; पार्श्व। |
| 15014 | किनारदार | वि. | किनार वा पारी भएको; किनारावाल; किनारे (धोती, सारी आदि)। |
| 15015 | किनारा | ना. | १. कुनै वस्तुको लमाइ वा गजतर्फको पछिल्लो छेउ; धोती वा अन्य नसिएका कपडाको लमाइको तलमाथिको फेरो; किनार। |
| 15016 | किनारा | ना. | २. नदी, तलाउ वा जलाशयको तीर; तट। |
| 15017 | किनारा | ना. | ३. आसपासको ठाउँ; छेउछाउ; पार्श्व। |
| 15018 | किनारा | ना. | ४. धोती, चादर, पछ्यौरा आदि कपडामा भिन्न बुनोटको वा अलग रङको लामो फेर। |
| 15019 | किनारा | ना. | ५. कपडाको छेउछाउमा हुने विशेष खालको बुट्टा; खिका। |
| 15020 | किनारा | ना. | ६. दुबिधा भएको कुनै कामकुरामा लगाइएको टुङ्गो; निधो; निर्णय; इदमित्थ। (उदा.- अदालतले मुद्दाको किनारा लगाइसक्यो। |
| 15021 | किनारादार | वि. | कपडाको छेउछाउमा विशेष किसिमले रँगाएको वा बुनेको बुट्टा वा किनारा भएको; बुट्टेदार फेर भएको; किनारावाल; किनारे। |
| 15022 | किनारावाल | वि. | किनारादार; किनारा भएको। |
| 15023 | किनारे | वि. | किनारा भएको; किनारावाल। |
| 15024 | किनिनु | क.क्रि. | किन्ने काम गरिनु; खरिद गरिनु; बेसाइनु। |
| 15025 | किनिया | ना. | अफ्रिकाको एक देश। |
| 15026 | किनिया नर | ना. | अश्मीभूत अस्थिअवशेषका रूपमा किनियामा पाइएको मानवजस्तो देखिने नरवानर; रामवानरको हालसम्म पाइएका अश्मीभूत रूपमध्ये सबैभन्दा प्राचीन रूप। |
| 15027 | किनिया मानव | ना. | किनिया नर। |
| 15028 | किनिया वानर | ना. | किनिया नर। |
| 15029 | किनुवा | वि. | १. किनिएको; खरिद गरिएको। |
| 15030 | किनुवा | वि. | २. पैसा तिरेर लिइएको। |
| 15031 | किन्तु | संयो. | तर; परन्तु; अपितु। |
| 15032 | किन्नर | ना. | १. पुराणअनुसार मानिसको जस्तो मुख र घोडाको जस्तो शरीर वा मानिसको जस्तो शरीर र घोडाको जस्तो मुख हुने, देवताहरूका पर्वोत्सवहरूमा गानबजान गर्ने एक देवयोनि; किम्पुरुष; अश्वमुख। वि. |
| 15033 | किन्नर | ना. | २. अति राम्रो; सुन्दर। |
| 15034 | किन्नरकिन्नरी | ना. | १. किन्नर जातकी स्त्री। |
| 15035 | किन्नरकिन्नरी | ना. | २. एक प्रकारको वीणा। वि. |
| 15036 | किन्नरकिन्नरी | ना. | ३. सुन्दरी; ज्यादै राम्री। |
| 15037 | किन्ने | वि. | खरिद गर्ने; गाहकी; क्रेता। |
| 15038 | किन्ने बेच्ने | वि. | किन्ने र बेच्ने; खरिदबिक्री गर्ने; गाहकी र बेपारी; क्रेता र विक्रेता। |
| 15039 | किप | ना. | कालीज्यामिरका जातिको एक किसिमको अमिलो फल। |
| 15040 | किपट | ना. | केही पूर्वका शताब्दीहरूमा धेरै इलाकामा प्रचलित भए पनि भूमिसुधार आरम्भ हुने समयमा भने पूर्वी नेपालका माझ किराँत तथा पल्लो किराँतमा मात्र प्रचलित राईलिम्बूहरूलाई लालमोहर गरेर दिइएको कहिल्यै राजीनामा हुन नसक्ने अथवा जसका नाममा सो जग्गा लेखिएको छ उसैका सन्तानदरसन्तानले भोगचलन गर्नुपर्ने जग्गा। |
| 15041 | किपटिया | ना. | किपट जग्गा पाउने व्यक्ति। |
| 15042 | किफायत | ना. | १. पुऱ्याएर वा कम गरेर खर्च गर्ने काम; फारो; मितव्ययिता। |
| 15043 | किफायत | ना. | २. बचत; बचाउ । |
| 15044 | किफायत | ना. | ३. कम मूल्य; सस्तो दाम । |
| 15045 | किफायती | वि. | १. किफायत गर्ने; कम खर्चालु; मितव्ययी। |
| 15046 | किफायती | वि. | २. कम मूल्यको; सस्तो। |
| 15047 | किम् | क्रि.वि. | १. के कारणले; किन। |
| 15048 | किम् | क्रि.वि. | २. कुन; के। |
| 15049 | किमा | ना. | मसिना टुक्रा पारी काटिएको मासु वा त्यसरी काटेर बनाइएको मासुको परिकार। |
| 15050 | किमाम | ना. | सुर्ती, अफिम आदिको रसमा सुगन्धित पदार्थ हाली पकाएर जमाइएको रस वा लेदो। |