|
|
|
|
|
|---|---|---|---|
| 17951 | खबरदार | ना. | कुनै सम्भावित खतराप्रति सजग गराउँदा र नराम्रो बाटामा हिँड्न लागेको वा नराम्रो काम गर्न लागेको व्यक्तिलाई चेतावनी दिँदा भनिने शब्द; सावधान; होसियार। |
| 17952 | खबरदारी | ना. | खबरदार गराउने काम; सचेत गराउने काम; सावधानी। |
| 17953 | खबरपाटी | ना. | सम्बन्धित सबैको जानकारीका लागि सूचना, समाचार आदि टाँसिने पाटी; सूचनापाटी। |
| 17954 | खमण्डल | ना. | आकाशको गोल परिधिभित्र हुने सूर्य, चन्द्र, तारा आदि ग्रहनक्षत्रहरूको समूह; आकाशमण्डल; व्योममण्डल। |
| 17955 | खमरन्डा/खमरन्दा | ना. | काठ ताछेर चिल्लो पार्ने काममा प्रयोग गरिने एक प्रकारको सानो रन्डा। |
| 17956 | खमाइ | ना. | खाम्ने क्रिया वा प्रक्रिया। |
| 17957 | खमारी १ | ना. | हात्ती बाँधिने खम्बा; आलानस्तम्भ। |
| 17958 | खमारी २ | ना. | पीपलका जस्ता पात, सेतो बोक्रो, पहेँला फूल र फल हुने, दुध निस्कने एक जातको रुख वा त्यसैको फल। |
| 17959 | खमिर | ना. | सडाईगलाई अमिल्याएको पिठो, खुदो आदि वस्तु। |
| 17960 | खमिरा | वि. | खमिर हालेको; खमिर भएको। |
| 17961 | खम्कनु | स.क्रि. | कुनै भरिने वस्तु अटाएसम्म उभाउनु; खाँदेर भर्नु; खप्कनु। |
| 17962 | खम्काइ | ना. | खम्कने क्रिया वा प्रक्रिया। |
| 17963 | खम्काइनु | क.क्रि. | खम्कन लाइनु; खप्काइनु। |
| 17964 | खम्काउनु | प्रे.क्रि. | खम्कने गराउनु; खम्कन लाउनु; खप्काउनु। |
| 17965 | खम्किनु | क.क्रि. | खाँदेर भरिनु; खप्किनु। |
| 17966 | खम्बा | ना. | १. घर, सत्तल, पुल आदिको दलिन, तला वा छानो थाम्न वा तिनलाई आड दिन र बिजुलीका तार अड्याउन फलाम, काठ, ढलान आदिबाट बनेको सोझो खामो; खाँबो; थाम; खम्भा। |
| 17967 | खम्बा | ना. | २. मौलो। |
| 17968 | खम्बानी | ना. | अग्नेली खलकको पहाडवर्गमा पर्ने, पूर्वी नेपालमा बोलिने लिम्बू भाषाका विभिन्न भेदमध्ये एक प्रमुख भेद। |
| 17969 | खम्बिर | वि. | खम्बा जस्तै अडिग; स्थिर; गम्भीर। |
| 17970 | खम्बु | ना. | गुप्त सल्लाह; भित्री मतो। |
| 17971 | खम्भा | ना. | हे. खम्बा। |
| 17972 | खम्सनु | स.क्रि. | १. भालेपोथी जोल्टिनु; स्त्रीप्रसङ्ग गर्नु; मैथुन गर्नु। |
| 17973 | खम्सनु | स.क्रि. | २. खँगारिनु; झर्नु। |
| 17974 | खम्सनु | स.क्रि. | ३. बेपर्वाहसँग अन्न भर्नु वा भरेर दिनु। |
| 17975 | खम्साइ | ना. | खम्सने क्रिया वा प्रक्रिया। |
| 17976 | खम्साखम्सी | ना. | धमाधम खम्सने काम। |
| 17977 | खम्सिनु | अ.क्रि. | १. खँगारिनु; झर्नु। |
| 17978 | खम्सिनु | अ.क्रि. | २. मिसिनु; जोल्टिनु। |
| 17979 | खम्स्याइ | ना. | खम्स्याउने क्रिया वा प्रक्रिया। |
| 17980 | खम्स्याइनु | स.क्रि. | स्त्रीप्रसङ्ग गरिनु; खम्सिनु। |
| 17981 | खम्स्याउनु | स.क्रि. | खम्सनु; स्त्रीप्रसङ्ग गर्नु। |
| 17982 | खयर | ना. | अमलाका जस्ता ससाना पात हुने, मञ्जरीका छाँटका सेता सानासाना फूल फुल्ने, खैरो लामो कोसा र खैरै काठ हुने काँढादार बोट वा त्यसैको काठ पकाएर झिकेको सारवस्तु। |
| 17983 | खर १ | वि. | १. कडा स्वभावको; खरो मिजासको। |
| 17984 | खर १ | वि. | २. रामायणको कथाअनुसार रामद्वारा मारिएको एक राक्षस। |
| 17985 | खर १ | वि. | ३. गधा। |
| 17986 | खर २ | ना. | बाबियोका जस्ता लामा लामा सिन्के पात हुने, घर, गोठ आदि छाउने काममा प्रयोग गरिने एक प्रकारको झार; सालिम्मो (प. ने.)। |
| 17987 | खरक | ना. | हे. खर्क। |
| 17988 | खरकट्टी | ना. | खर पालेको जग्गा; खरघारी। |
| 17989 | खरकमल | ना. | खरबारीमा उम्रने कमलजस्तो एक जातको फूल। |
| 17990 | खरकस | ना. | काठमा खोल झिक्न वा काठ ताछ्नका निम्ति सोझो चिनु लाउन प्रयोग गरिने, बिचमा सानो किलो गाडेको सिकर्मीको ज्याबल। |
| 17991 | खरखजाना | ना. | १. लडाइँमा प्रयोग गरिने गोली, बारुद आदि सरसामान; हातहतियार; खजाना। |
| 17992 | खरखजाना | ना. | २. सुन, चाँदी, रुपियाँपैसा आदि धनसम्पत्ति; नगद रकम। |
| 17993 | खरखर १ | ना. | १. मुसा, खरायो आदिले खोत्रँदा आउने आवाज। क्रि.वि. |
| 17994 | खरखर १ | ना. | २. त्यसरी खोस्रँदा आवाज आउने किसिमले। |
| 17995 | खरखर २ | क्रि.वि. | कुनै काम नरोकीकन फटाफट गर्ने किसिमले; खुरुखुरु। |
| 17996 | खरखरती | क्रि.वि. | नरोकीकन; धमाधम; खुरुखुरु। |
| 17997 | खरखराइ | ना. | खरखराउने क्रिया वा प्रक्रिया। |
| 17998 | खरखराइनु | अ.क्रि. | खरखर शब्द निस्किनु। |
| 17999 | खरखराउनु | अ.क्रि. | १. मुसा, बिराला आदिले खोस्रेको वा कोरेको आवाज आउनु; खरखर शब्द निस्कनु। |
| 18000 | खरखराउनु | अ.क्रि. | २. पैसा, अन्न आदि धमाधम झर्नु। |