|
|
|
|
|
|---|---|---|---|
| 2651 | अनुवचन | ना. | १. कुनै शब्द वा वाक्यको दुरुस्त अनुकरण गरी गरिने उच्चारण । |
| 2652 | अनुवचन | ना. | २. भाषाशास्त्रअनुसार उही अर्थ भएको शब्दसँग द्वन्द्वसमासका रूपमा टाँसिन आउने कुनै शब्द (जस्तै- धनसम्पत्ति, दुःखदर्द, सागसब्जी इ.)। |
| 2653 | अनुवचन | ना. | ३. त्यसरी टाँसिने क्रियाप्रक्रिया। |
| 2654 | अनुवर्तन | ना. | १. नक्कल गर्ने काम; अनुसरण; अनुकरण। |
| 2655 | अनुवर्तन | ना. | २. समान आचरण; मिल्दोजुल्दो व्यवहार । |
| 2656 | अनुवर्तन | ना. | ३. पछि लाग्ने वा पछ्याउने काम। |
| 2657 | अनुवर्ती | वि. | १. कुनै खास स्थान वा समयभन्दा पछिल्तिर रहने या रहेको; पश्चवर्ती । |
| 2658 | अनुवर्ती | वि. | २. कुनै व्यक्तिको पछिपछि लाग्ने; कसैका अधीनमा वा मुठीमा रहेको; पछुवा; अनुयायी; अनुगामी । |
| 2659 | अनुवर्ती कार्यक्रम | ना. | अनुवर्ती वा अनुगमनात्मक अध्ययनका लागि तयार गरिएको योजनाबद्ध कार्यक्रम । |
| 2660 | अनुवाक | ना. | १. शास्त्रीय ग्रन्थको कुनै खास भाग, खण्ड वा अंश । |
| 2661 | अनुवाक | ना. | २. कुनै एक विषयको प्रतिपादन गर्ने वैदिक ॠचा, कण्डिका वा मन्त्रहरूको समूह; वेदका अध्याय वा प्रकरणको खास अंश वा एक पाठ । |
| 2662 | अनुवाद | ना. | एक भाषाको विषयवस्तुलाई अर्कोमा रूपान्तरित गर्ने काम; उल्था; भाषान्तर; भाषिक रूपान्तर । |
| 2663 | अनुवादक/कर्ता | वि. | १. उल्था गर्ने । ना. |
| 2664 | अनुवादक/कर्ता | वि. | २. उल्थ्याउने मान्छे । |
| 2665 | अनुवादन | ना. | अनुवाद । |
| 2666 | अनुवादित | वि. | अनुवाद गरिएको; अनूदित । |
| 2667 | अनुवादी | ना. | कुनै रागको वादी स्वरको अनुरूप र सहकारी भई त्यस रागको सौन्दर्य बढाउनमा सहयोगी र संवादी स्वरभन्दा गौण स्वर । |
| 2668 | अनुवाद्य | वि. | अनुवाद गर्न योग्य; उल्था गर्न लायक । |
| 2669 | अनुविभाग | ना. | १. कुनै पुस्तक वा ग्रन्थमा रहेका मूल खण्डदेखि अतिरिक्त रहेको सानो खण्ड वा विभाग । |
| 2670 | अनुविभाग | ना. | २. आफ्नै किसिमका चालचलन एवं व्यवहार भएको कुनै समाज वा सम्प्रदायको खण्ड वा उपभेद । |
| 2671 | अनुविभाग | ना. | ३. कुनै कक्षामा रहेका समूहको विषय फरक हुने कारणले गर्दा छुट्टिएको सानो उपसमूह। |
| 2672 | अनुविभाग | ना. | ४. कुनै कार्यालयका विभिन्न विभागमध्ये एक; फाँट । |
| 2673 | अनुविभागीय | वि. | १. अनुविभागको; अनुविभागसम्बन्धी । |
| 2674 | अनुविभागीय | वि. | २. सरकारी वा गैरसरकारी विभागहरूमध्ये कुनै एक विभागको (अधिकारी, अधिकृत इ.)। |
| 2675 | अनुवृत्त | वि. | १. कुनै सरकारी वा गैरसरकारी संस्थामा निर्धारित समय वा उमेरसम्म काम गरिसकेपछि सेवामुक्त भएको । |
| 2676 | अनुवृत्त | वि. | २. व्याकरणअनुसार पहिलो सूत्रमा रहेको अर्थ पछिल्ला सूत्रमा पनि सम्बन्धित रहेको । |
| 2677 | अनुवृत्त | वि. | ३. पछि आउने विषयसँग सम्बन्धित रहेको (दृष्टि वा विचार)। |
| 2678 | अनुवृत्ति | ना. | १. कुनै सरकारी वा गैरसरकारी संस्थामा निर्धारित समय वा उमेरसम्म काम गरी सेवाबाट मुक्त भइसकेपछि पनि निजलाई उक्त संस्थाबाट नियमित समयमा दिइने निश्चित रकम; निवृत्तिभरण। |
| 2679 | अनुवृत्ति | ना. | २. व्याकरणअनुसार अगिल्ला सूत्र वा नियमको अर्थ पछिल्ला सूत्र वा नियमसँग पनि सम्बन्धित रहने क्रिया । |
| 2680 | अनुशयाना | ना. | साहित्यशास्त्रअनुसार प्रेमीसँग भेट्ने स्थान नष्ट हुनाले दुःखी भएकी परकीया नायिका । |
| 2681 | अनुशासक | ना. | अनुशासनमा राख्ने व्यक्ति; आफ्ना अधीनस्थ वा आश्रित रहेका व्यक्तिहरूलाई शिष्टाचारमा राख्ने व्यक्ति । |
| 2682 | अनुशासन | ना. | १. सामाजिक, नैतिक, धार्मिक, राजनीतिक आदि नियमनियमावलीको मर्यादा वा सो मर्यादाभित्र रहने कार्य । |
| 2683 | अनुशासन | ना. | २. आदर्श आचरण र त्यसको पालना । |
| 2684 | अनुशासन | ना. | ३. मान्य वस्तु र मान्यजनप्रतिको आस्था । |
| 2685 | अनुशासन | ना. | ४. शिक्षा; तालिम; शिक्षण | |
| 2686 | अनुशासन | ना. | ५. शिक्षणक्रियाको एक पद्धति । |
| 2687 | अनुशासन | ना. | ६. आफूमन्तिरकालाई काबुमा राख्ने कार्य; अदप। |
| 2688 | अनुशासन | ना. | ७. नियमितता; सुव्यवस्था; शान्तिसुरक्षा | |
| 2689 | अनुशासन | ना. | ८. संयम; आत्मसंयम । |
| 2690 | अनुशासन पर्व | ना. | १. खण्डित अनुशासनलाई सुधार्ने प्रयास वा त्यो प्रयास भएको काल । |
| 2691 | अनुशासन पर्व | ना. | २. महाभारतका अठार पर्वमध्येको एक पर्व । |
| 2692 | अनुशासनप्रिय/प्रेमी | वि. | १. अनुशासन मन पराउने। ना. |
| 2693 | अनुशासनप्रिय/प्रेमी | वि. | २. अनुशासन मन पराउने व्यक्ति । |
| 2694 | अनुशासनहीन | वि. | अनुशासन नभएको; अनुशासन नमान्ने; अनुशासनरहित। |
| 2695 | अनुशासित | वि. | १. अनुशासनमा रहेको; अनुशासन मान्ने । |
| 2696 | अनुशासित | वि. | २. अनुशासनमा ल्याइएको वा राखिएको । |
| 2697 | अनुशासितता | ना. | अनुशासित हुने तथा रहने कार्य वा गुण । |
| 2698 | अनुशीलन | ना. | १. कुनै कुरा वा विषयको खोजीनिती, छानबिन वा चिन्तनमनन गर्ने काम । |
| 2699 | अनुशीलन | ना. | २. कुनै ग्रन्थ, विषय, तथ्य वा समस्याका सबै अङ्गउपाङ्ग केलाई ज्यादै सूक्ष्म दृष्टिले विश्लेषणविवेचन गर्ने काम; त्यस्तो सूक्ष्म किसिमले गरिएको विश्लेषण र विवेचना । |
| 2700 | अनुशीलन | ना. | ३. कुनै ग्रन्थ वा विषयको बारम्बार अध्ययन तथा अभ्यास गरी सूक्ष्मातिसूक्ष्म जानकारी प्राप्त गर्ने काम; चिन्तन; मनन; निरूपण; अध्ययन; आलोचना। |