|
|
|
|
|
|---|---|---|---|
| 87651 | सहस्राब्दी | ना. | २. एक हजार वर्ष वा दश शताब्दीको समूह। |
| 87652 | सहस्रार्जुन | ना. | कृतवीर्यका छोरा, पुराणप्रसिद्ध बलिष्ठ राजा; कार्तवीर्य; सहस्रबाहु। |
| 87653 | सहस्रौँ | वि. | हजारौँ। |
| 87654 | सहाइ | ना. | सहने भाव, क्रिया वा प्रक्रिया। |
| 87655 | सहाइनु | क.क्रि. | सहन लाइनु वा सहने पारिनु। |
| 87656 | सहाउनु | प्रे. क्रि. | सहन लाउनु वा सहने पार्नु। |
| 87657 | सहाध्यायी | वि. | १. सँगै अध्ययन गर्ने; सहपाठी। ना. |
| 87658 | सहाध्यायी | वि. | २. त्यस्तो व्यक्ति वा विद्यार्थी। |
| 87659 | सहानुभूति | ना. | अरूको मनमा भएको दुःखको अनुभूतिबाट संवेदित भई आफूलाई हुने अनुभूति; अर्काको दुःख, वेदना आदिमा हुने समान अनुभूति; अरूको दुःख देखेर वा सुनेर आफ्ना मनमा हुने सहानुभव। |
| 87660 | सहापराधी | ना. | सामाजिक, नैतिक वा कानुनी दृष्टिले अपराधपूर्ण काम गर्ने अपराधीलाई साथ दिने व्यक्ति; अपराधीसँग सरिक हुने वा मिलेमतो गर्ने व्यक्ति; मतियार। |
| 87661 | सहाय | ना. | १. सहायता; आड; मदत। |
| 87662 | सहाय | ना. | २. सहायक; मदतगार। |
| 87663 | सहाय | ना. | ३. मित्र; साथी; दौँतर। |
| 87664 | सहायक | ना. | १. कुनै कामकुरा राम्रो, चाँडो वा सफलतापूर्वक गर्न मद्दत गर्ने व्यक्ति' सहायता गर्ने व्यक्ति; लागिमेली गर्ने वा सघाउने व्यक्ति। |
| 87665 | सहायक | ना. | २. आफ्ना अधीनमा रहेर काम गर्ने वा आफूलाई गर्न लागेको काममा सहयोग गर्ने व्यक्ति; सहकारी; सहयोगी। |
| 87666 | सहायक | ना. | ३. मित्र; साथी। वि. |
| 87667 | सहायक | ना. | ४. सहायता गर्ने; सघाउने। |
| 87668 | सहायक अनुदान | ना. | १. कुनै सङ्घ-संस्था तथा स्थानीय तहका अड्डाहरूलाई सहायताका रूपमा वा अन्य प्रयोजनका निम्ति दिइने आर्थिक सहयोग वा चन्दा। |
| 87669 | सहायक अनुदान | ना. | २. आफ्ना साधन र शक्तिले मात्र स्वावलम्बी हुन नसक्ने खालका संस्था वा उद्यमले सहायताका रूपमा सरकारबाट पाउने एकमुस्ट रकम। |
| 87670 | सहायक आजीविका | ना. | मुख्य पेसा वा कामबाट हुने आम्दानीले आफ्नो वा आफूमाथि आश्रित, परिवारका सदस्यहरूको भरणपोषण हुन नसक्ने देखेर केही अतिरिक्त आयका लागि गरिने कामधन्दा; गौण व्यवसाय। |
| 87671 | सहायक क्याम्पस प्रमुख | ना. | विश्वविद्यालयअन्तर्गतका क्याम्पसहरूमा क्याम्पसप्रमुखलाई प्रशासनकार्यमा सहायता गर्ने अधिकारी; क्याम्पस प्रमुखभन्दा मुनिको प्रशासनिक अधिकारी। |
| 87672 | सहायक ग्रन्थसूची | ना. | कुनै अनुसन्धानात्मक लेख, पुस्तक आदि लेख्दा सहायता लिइएका पुस्तक, पत्रपत्रिकाहरूको सूची। |
| 87673 | सहायक डिन | ना. | विश्वविद्यालयअन्तर्गतका कुनै अध्ययनसंस्थानमा त्यस अध्ययनसंस्थानका डिनलाई प्रशासनसम्बन्धी काममा सहयोग गर्ने अधिकारी; डिनभन्दा मुनिको प्रशासनिक अधिकारी। |
| 87674 | सहायक नदी | ना. | अर्को ठुलो नदीमा पुगी मिसिएर बग्ने नदी। |
| 87675 | सहायक प्रशासक | ना. | विश्वविद्यालयअन्तर्गत विभिन्न निकायहरूमा प्रशासनिक काम गर्ने तृतीय श्रेणीको अधिकृत कर्मचारी। |
| 87676 | सहायक प्रशिक्षक | ना. | विश्वविद्यालयका क्याम्पसहरूमा प्रशिक्षकभन्दा तल्लो दर्जाको शिक्षक। |
| 87677 | सहायक प्राध्यापक | ना. | विश्वविद्यालयअन्तर्गतका क्याम्पसहरूमा अध्यापनकार्य गर्ने, प्रशिक्षकभन्दा माथिल्लो दर्जाको र उपप्राध्यापकभन्दा तल्लो दर्जाको शिक्षक। |
| 87678 | सहायक मन्त्री | ना. | कुनै मन्त्रालयमा मन्त्री वा राज्यमन्त्रीलाई मन्त्रालयसँग सम्बन्धित काममा सहायता पुऱ्याउने मन्त्री। |
| 87679 | सहायक मार्ग | ना. | १. ठुलो राजमार्गमा जोडिने शाखामार्ग। |
| 87680 | सहायक मार्ग | ना. | २. मूल बाटोमा जोडिने गाउँले बाटो वा सानो बाटो। |
| 87681 | सहायक रथी | ना. | शाही सैनिकमा ब्रिगेड वा वाहिनीको एक दर्जा; सेनाको एक उच्च पद (ब्रिगेडियर जनरल )। |
| 87682 | सहायक विषय | ना. | पढाइ हुने विषयहरूमा मूल र अनिवार्य विषयबाहेकको अतिरिक्त विषय।२. शिक्षार्थीले छानेर आफ्नो अध्ययनको मूलविषय नबनाउने अथवा मूलविषयभन्दा कम पाठ्यांशहरू अध्ययन गरिने ऐच्छिक विषय। |
| 87683 | सहायता | ना. | १. कुनै कामकुरा राम्रो, चाँडो वा सफलतापूर्वक सम्पन्न गर्न दिइने आर्थिक, प्राविधिक, शारीरिक आदि मद्दत; सहयोग। |
| 87684 | सहायता | ना. | २. आडभरोसा; आश्रय। |
| 87685 | सहायता गृह | ना. | आपत्ति वा सङ्कटमा परेका मानिसको सहायताका लागि स्थापना गरिएको घर। |
| 87686 | सहारा | ना. | १. सहायता; मदत। |
| 87687 | सहारा | ना. | २. आड; भरोसा। |
| 87688 | सहारा | ना. | ३. आधार; आश्रय। |
| 87689 | सहिद | ना. | आफ्नो देश, संस्कृति र अस्तित्वको संरक्षण तथा स्वतन्त्रताको प्राप्तिका निम्ति बलिदान भएर लोकहितमा लाग्ने अमर व्यक्ति। |
| 87690 | सहिद दिवस | ना. | सहिदहरूको सम्झना गर्दै उनीहरूप्रति श्रद्धाञ्जली प्रकट गरिने विशेष दिन। |
| 87691 | सहिद सप्ताह | ना. | १. सहिदहरूको अमर सम्झनामा श्रद्धाञ्जली प्रकट गरिने सप्ताहव्यापी कार्यक्रम। |
| 87692 | सहिद सप्ताह | ना. | २. नेपालमा प्रत्येक वर्ष माघ १० गतेदेखि माघ १६ गतेसम्म विभिन्न कार्यक्रमका साथ सहिदप्रति श्रद्धाञ्जली अर्पण गरिने एक साता। |
| 87693 | सहिद स्मारक | ना. | सहिदहरूको अमर सम्झनामा स्थापित वा निर्मित चिह्न सालिक, कुञ्ज, द्वार आदि। |
| 87694 | सहिष्णु | वि. | कष्ट वा पीडा सहन सक्ने; सहनशील। |
| 87695 | सहिष्णुता | ना. | सहिष्णु हुनाको भाव, गुण वा अवस्था; सहनशीलता। |
| 87696 | सही | ना. | १. कुनै लिखित कागतपत्र, लेख आदिका कुरामा स्वीकृति वा सहमति जनाउन आफ्नो नाउँ लेख्ने वा दस्तखत गर्ने वा ल्याप्चे आदि लगाउने काम; कुनै लिखित कुरामा स्वीकृति वा मन्जुरी दिने काम। |
| 87697 | सही | ना. | २. हस्ताक्षर; दस्तखत। |
| 87698 | सही | ना. | ३. मन्जुरी; स्वीकार। वि. |
| 87699 | सही | ना. | ४. सत्य; साँचो। |
| 87700 | सही | ना. | ५. यथार्थ; उचित; ठिक; मनासिब। |