|
|
|
|
|
|---|---|---|---|
| 9801 | उपगीति | ना. | आर्या छन्दअन्तर्गतको, सम चरणमा पन्ध्र पन्ध्र र विषम चरणमा बाह्र बाह मात्रा हुने एक छन्द । |
| 9802 | उपग्रह | ना. | १. कुनै ठुलो ग्रह वा पृथ्वीको चारैतिर घुम्ने अपेक्षाकृत सानो ग्रह । |
| 9803 | उपग्रह | ना. | २. अचेलभरि पृथ्वी आदि ग्रहको परिक्रमा गर्नका निम्ति आकाशमा छोडिने कुनै यान्त्रिक गोला वा आणविक उपकरण। |
| 9804 | उपग्रह | ना. | ३. पक्राउ; गिरफ्तारी । |
| 9805 | उपग्रह | ना. | ४. कैदी; थुनुवा । |
| 9806 | उपग्रहण | ना. | १. पक्रने वा गिरफ्तार गर्ने काम । |
| 9807 | उपग्रहण | ना. | २. नजरबन्दी । |
| 9808 | उपग्रहण | ना. | ३. संस्कारपूर्वक वेदको अध्ययन गर्ने क्रिया । |
| 9809 | उपघात | ना. | १. सकेसम्मको जोड लगाउने काम; हत्ते हलाइ । |
| 9810 | उपघात | ना. | २. काटमार गर्ने काम; प्रहार; वध; चोट; नाश; संहार । |
| 9811 | उपघात | ना. | ३. इन्द्रिय शिथिल हुने क्रिया । |
| 9812 | उपघातक / उपघाती | वि. | उपघात गर्ने; प्रहार गर्ने; आघात पुऱ्याउने । |
| 9813 | उपचर्चा | ना. | १. सेवा; टहल; शुश्रूषा । |
| 9814 | उपचर्चा | ना. | २. उपचार; चिकित्सा । |
| 9815 | उपचार | ना. | १. बिरामीका छेउमा रहेर रोग निको पार्नका निम्ति गरिने उपाय वा कार्य; ओखतीमुलो; इलाज । |
| 9816 | उपचार | ना. | २. बिरामीको सेवा शुश्रूषा वा टहल चाकरी। |
| 9817 | उपचार | ना. | ३. देखावटी सत्कार; बनावटी मानभाउ । |
| 9818 | उपचार | ना. | ४. पूजाको अङ्ग वा विधान । |
| 9819 | उपचार | ना. | ५. खुसामद । |
| 9820 | उपचार | ना. | ६. घुस । |
| 9821 | उपचारक | वि. | १. उपचार गर्ने । |
| 9822 | उपचारक | वि. | २. सेवा वा टहल गर्ने। ना. |
| 9823 | उपचारक | वि. | ३. चिकित्सक। |
| 9824 | उपचार कक्ष | ना. | १. डाक्टर, वैद्य, कम्पाउन्डर आदिले व्यक्तिगत रूपमा सेवा गर्न तथा व्यवसाय चलाउन खोलेको उपचार गर्ने कक्ष । |
| 9825 | उपचार कक्ष | ना. | २. कुनै संस्था वा निकायले परोपकारका निम्ति निःशुल्क जाँच गर्ने र यथाशक्ति औषधी पनि वितरण गर्ने कक्ष । |
| 9826 | उपचार खर्च | ना. | कुनै कर्मचारीलाई सरकारी कामका सिलसिलामा बिरामी परेमा वा चोटपटक लागी घाइते भएमा उपचार वा तन्दुरुस्तीका लागि सम्बन्धित कार्यालय वा संस्थाबाट एकमुस्ट वा पटक पटक गरी दिइने खर्च । |
| 9827 | उपचारात्मक | वि. | १. उपचारसम्बन्धी; उपचार नै प्रमुख भएको । |
| 9828 | उपचारात्मक | वि. | २. कुनै रोग लागेपछि रोग निको पार्न वा रोग हटाउन गरिने (प्रक्रिया, शिक्षण इ.) । |
| 9829 | उपचारात्मकता | ना. | उपचारात्मक हुनुको भाव, स्थिति वा प्रक्रिया । |
| 9830 | उपचारी | वि. | उपचार गर्ने; उपचारक। |
| 9831 | उपचुनाव | ना. | उपनिर्वाचन। |
| 9832 | उपज | ना. | १. खेतबारीबाट बाली, बिरुवा, फल आदिका रूपमा उत्पन्न हुने खाद्य वस्तु । |
| 9833 | उपज | ना. | २. कुनै कारखाना आदिबाट बनाइने वा तयार हुने वस्तु। |
| 9834 | उपज | ना. | ३. मनमा उठ्ने कुनै भावना; सुझबुझ । |
| 9835 | उपज | ना. | ४. सोधखोज आदिबाट प्राप्त हुने कुनै नयाँ कुरो । |
| 9836 | उपजाति | ना. | १. जातिभित्र रहेका विभिन्न भेद; जातिको एक उपभेद । |
| 9837 | उपजाति | ना. | २. अघिल्लो एउटा तगण वा जगण जे भए पनि हुने गरी इन्द्रवज्रा र उपेन्द्रवज्रा छन्दको संयोगबाट बन्ने एक वार्णिक छन्द । |
| 9838 | उपजीविका | ना. | प्रधान जीविकादेखि अतिरिक्त अर्को आम्दानी; फुटकर वा अतिरिक्त आय । |
| 9839 | उपजीवी | वि. | अरूको आश्रय वा आधारमा जीवननिर्वाह गर्ने; परतन्त्र । |
| 9840 | उपजीव्य | वि. | १. अर्काको भरोसामा बाँचेको; अर्काको आडमा जीवित रहेको । ना. |
| 9841 | उपजीव्य | वि. | २. कुनै काव्यकृतिका कथावस्तुको मूल स्रोत वा आधारभूमि । |
| 9842 | उपट्ट | वि. | १. चौपट्ट; बिछट्ट; औधी । क्रि.वि. |
| 9843 | उपट्ट | वि. | २. अति नै; ज्यादै । |
| 9844 | उपताल | ना. | समुद्रको पानी थुनिएर बनेको ताल; समुद्रको छेउछाउमा भँगालो फाटेर बनेको ताल । |
| 9845 | उपती | ना. | १. कुनै काम वा खेतीपाती, रोजगार आदिबाट भएको आम्दानी; कमाइ; आय। |
| 9846 | उपती | ना. | २. आयस्ता । |
| 9847 | उपत्यका | ना. | पहाडका फेदीको समथर जमिन; बेसी । |
| 9848 | उपदंश | ना. | लिङ्गको छाला वा टोप्रामा ससाना बिमिरा निस्कने एक प्रकारको सरुवा रोग; भिरङ्गी । |
| 9849 | उपदंशी | वि. | उपदंश रोगले पीडित; भिरङ्गे । |
| 9850 | उपदफा | ना. | ठुलो दफाभित्रको सानो दफा; लघु अनुच्छेद; उपबन्ध । |