|
|
|
|
|
|---|---|---|---|
| 66751 | भूमिविखण्डन | ना. | जमिनलाई खेतबारीका रूपमा ससाना खण्डमा छुट्टयाउने वा टुक्र्याउने काम। |
| 66752 | भूमिसम्बन्धी | वि. | जग्गाजमिनसँग सम्बन्धित; जग्गा- जमिनको। |
| 66753 | भूमिसम्बन्धी ऐन | ना. | मोही र जग्गाधनीका अधिकार र सर्तहरूको उल्लेख गरी दुवैतर्फको सम्बन्ध मिलाउने जग्गाजमिनसम्बन्धी अधिकारको कानुन। |
| 66754 | भूमिसुधार | ना. | जग्गाजमिनको न्यायपूर्ण वितरण, व्यवस्था, संरक्षण आदिसम्बन्धी सुधारकार्य। |
| 66755 | भूमिसुधार ऐन | ना. | भूमिपतिहरूले अधिकतम कतिसम्म जमिन राख्न पाउने र मोहीहरूले अधिकतम कतिसम्म जमिन राख्न पाउने तथा मोहीहरूले कतिसम्म जमिनको अधिकार पाउने भन्ने व्यवस्था गरिएको कानुन। |
| 66756 | भूमिसुधार व्यवस्था | ना. | जमिनको उपभोगमा उचित हद तोकी सुधार ल्याउने हिसाबले तयार गरिने तथा जग्गाधनी र मोहीका बिचमा रहेका असमानतालाई हटाउने प्रयत्न गरिने भूमिसम्बन्धी सरकारी व्यवस्था। |
| 66757 | भूमिहीन | वि. | आफ्नो नाउँमा अधिराज्यभर जग्गाजमिन नभएको; सुकुम्बासी; सर्वहारा। |
| 66758 | भूमे | ना. | किसानहरूले दाइँ गरिसकेपछि पूजा गर्ने देवता; भूमिदेवता। |
| 66759 | भूमेखाजा | ना. | भूमेपूजामा खाजा खाँदा भूमेका निम्ति छुट्ट्याएर राखिने खाजा। |
| 66760 | भूमेपाठी | ना. | भूमेपूजा गर्दा काटिने पाठी। |
| 66761 | भूमेपाठो | ना. | भूमेपूजा गर्दा काटिने पाठो। |
| 66762 | भूमेपाथी | ना. | धान झारिसकेपछि खलैबाट चेलीबेटीलाई भनी छुट्ट्याइने पाथीभाग। |
| 66763 | भूमेभाग | ना. | अन्न भित्र्याउनुभन्दा पहिले भूमिदेवताका नाममा अर्पण गरिने भाग। |
| 66764 | भूय: | क्रि.वि. | १. फेरि; पुनः; अर्को पल्ट। |
| 66765 | भूय: | क्रि.वि. | २. अझ बढी; चाहिनेभन्दा बढ्ता। |
| 66766 | भूयश: | क्रि.वि. | धेरैजसो; अधिकांशतः, प्रायशः। |
| 66767 | भूयसी | क्रि.वि. | प्रशस्त; धेरैभन्दा धेरै; पर्याप्त। |
| 66768 | भूयसी दक्षिणा | ना. | धार्मिक अनुष्ठान, मङ्गलकार्य, यज्ञ आदि गरिसकेपछि ब्राह्मणहरूलाई मूल दक्षिणापछि दिइने सहायक दक्षिणा; कुनै यज्ञको प्रतिष्ठास्वरूप दिइने विशेष दक्षिणा। |
| 66769 | भूरसी | ना. | १. सबैतिर अलिअलि गरिएको खर्च; चानचुने खर्च। |
| 66770 | भूरसी | ना. | २. भूयसी दक्षिणा। |
| 66771 | भूराजनयिक | वि. | भूराजनीतिसम्बन्धी विषयमा पोख्त भएको। |
| 66772 | भूराजनीति | ना. | १. परराष्ट्रका स्थलगत विषयमा सन्तुलन राख्ने राजनीति; भूपरिवेष्टित राष्ट्रहरूले अँगाल्ने राजनीति। |
| 66773 | भूराजनीति | ना. | २. देशको भौगोलिक अवस्था र बनावटअनुरूप अँगालिने राजनीति। |
| 66774 | भूराजनीतिक | वि. | भूराजनीतिसँग सम्बन्धित; भूराजनीतिको। |
| 66775 | भूराजस्व | ना. | जग्गाजमिनबाट मालपोतका रूपमा असुल भएको सरकारी रकम। |
| 66776 | भूरि | वि. | धेरै; ज्यादा; अधिक। |
| 66777 | भूर्ज | ना. | भोजपत्रको रुख। |
| 66778 | भूर्जपत्र | ना. | भोजपत्र; भोजपात। |
| 66779 | भूर्लोक | ना. | मर्त्यलोक; संसार। |
| 66780 | भूल | ना. | हे. भुल। |
| 66781 | भूलचूक | ना. | हे. भुलचुक। |
| 66782 | भूलभूलैया | ना. | हे. भुलभुलैया। |
| 66783 | भूलोक | ना. | भूर्लोक; मर्त्यलोक। |
| 66784 | भूवा | ना. | हे. भुवा। |
| 66785 | भूषण | ना. | १. सौन्दर्य वा शोभा बढाउने वस्तु। |
| 66786 | भूषण | ना. | २. सिँगारपटारका बहुमूल्य साधन; गहना; आभूषण। |
| 66787 | भूषणीय | वि. | सजाउन योग्य; सिँगार्न लायक। |
| 66788 | भूषा | ना. | १. भूषण। |
| 66789 | भूषा | ना. | २. साजसज्जा; सिँगारपटार (जस्तो- वेशभूषा )। |
| 66790 | भूषित | वि. | गहनागुरियाले सजाइएको; सिँगारिएको; अलङ्कृत। |
| 66791 | भूसंरक्षण | ना. | रुखबिरुवा रोपेर वा पर्खाल, आड आदि लगाएर जग्गाजमिनको सुरक्षा गर्ने काम। |
| 66792 | भूसतह | ना. | जमिनको बाहिरी सतह; पृथ्वीको माथिल्लो भाग। |
| 66793 | भूस्खलन | ना. | बाढीपहिरो आदिबाट जग्गाजमिन खिइँदै जाने र उत्पादनशील माटो बग्दै जाने स्थिति वा प्रक्रिया; भूक्षरण। |
| 66794 | भूस्वरूप | ना. | धरातलको बनावट; जमिनको स्वरूप; भूआकृति। |
| 66795 | भूस्वामित्व | ना. | भूस्वामी हुनाको भाव वा अवस्था; जग्गाजमिनको मालिक हुने हक वा अधिकार। |
| 66796 | भूस्वामी | ना. | जग्गाजमिनको मालिक; जमिनको स्वामित्व भएको मानिस। |
| 66797 | भृकुटी | ना. | १. लिच्छविकालीन प्रसिद्ध राजा अंशुवर्माकी छोरी तथा तिब्बतका राजा स्रङ्चनगम्पोसँग बिहा भएकी, त्यहाँ बौद्धधर्मको प्रचार गराउने नेपालकी राजकुमारी; हरिततारा |
| 66798 | भृकुटी | ना. | २. हठयोगमा प्रयुक्त ईडा, पिङ्गला र सुषुम्णा नाडीहरूको सङ्गमस्थल। |
| 66799 | भृकुटी | ना. | ३. आँखीभौँ; भ्रू। |
| 66800 | भृगु | ना. | १. ब्रह्माजीका मानसपुत्र मानिएका र भृगु- गोत्रका प्रवर्तक एक ऋषि। |