|
|
|
|
|
|---|---|---|---|
| 66601 | भुसुल्ट्याइनु | क.क्रि. | भुसुल्टिने स्थितिमा पारिनु; जिल्ल्याइनु; हिस्स्याइनु। |
| 66602 | भुसुल्ट्याउनु | स.क्रि. | कसैलाई आशा देखाएर सो वस्तु नदिनु; जिल्ल्याउनु; हिस्स्याउनु। |
| 66603 | भुसुसुसु | क्रि.वि. | १. बिस्तारै आगो सल्केर खतम हुने गरी; कुनै वस्तु धमाधम सल्किने चालले। |
| 66604 | भुसुसुसु | क्रि.वि. | २. उड्ने वा निदाउने गरी। |
| 66605 | भुसुसुसु | क्रि.वि. | ३. चालै नपाई सकिँदै जाने किसिमले। |
| 66606 | भुसे | वि. | भुसबाट बनेको; भुससम्बन्धी; भुसको। |
| 66607 | भुसेचुली | ना. | बिचमा ढुङ्ग्रो हाली भुस खाँदेर ढुङ्ग्रो झिकेपछि तलतिर प्रायः एउटै दाउरो बालेर त्यसैले भुस सल्काई खानेकुरा पकाउने चुलो; भुसको अँगेठी। |
| 66608 | भुस्कुट | ना. | १. सर्वनाश; सखाप; बरबादी। वि. |
| 66609 | भुस्कुट | ना. | २. सबै; स्वार्लाक्कै। |
| 66610 | भुस्याइ | ना. | भुसिने वा भुस्याउने भाव, क्रिया वा प्रक्रिया। |
| 66611 | भुस्याइनु | क.क्रि. | भुसिने पारिनु। |
| 66612 | भुस्याउनु | स.क्रि. | भुसिने पार्नु। |
| 66613 | भुस्याहा | वि. | १. मानमर्यादा, इज्जत आदि नभएको। |
| 66614 | भुस्याहा | वि. | २. खुबी वा सिप नभएको। |
| 66615 | भुस्याहा | वि. | ३. भुस जस्तै सारतत्त्व नभएको; निस्सार; बुद्धिहीन। |
| 66616 | भुस्याहा कुकुर | ना. | गल्लीगल्ली चहार्ने, बेवारिसे र निम्न स्तरको कुकर। |
| 66617 | भुस्सा | ना. | १. सुर्ती काटेर सुकाउँदा राम्रो दर्जाको बन्न नसकेको, फेद, टुप्पा आदि सबै मिसाएर तयार पारिएको सस्तो कोटिको सुर्ती। |
| 66618 | भुस्सा | ना. | २. कक्कडका रूपमा वा सुल्फामा हालेर तानिने सुर्ती। |
| 66619 | भुस्सा | ना. | ३. गाईबस्तुलाई खुवाइने पराल आदि काटिएका मसिना टुक्रा। |
| 66620 | भू | ना. | १. धरती; जमिन; भूमि। |
| 66621 | भू | ना. | २. ठाउँ; स्थान। |
| 66622 | भूआकृति | ना. | धरातलको स्वरूप; भूस्वरूप; भूबनोट। |
| 66623 | भूउपग्रह | ना. | १. पृथ्वीका वरिपरि परिक्रमा गर्ने र पृथ्वीकै आकर्षण विकर्षणमा धानिने सानातिना ग्रह। |
| 66624 | भूउपग्रह | ना. | २. पृथ्वीको कक्षमा परिक्रमा गर्ने, वैज्ञानिकहरूद्वारा निर्मित सानो ग्रह। |
| 66625 | भूप्रक्षेपण | ना. | कुनै ग्रहका कक्षमा परिक्रमा गर्न अन्तरिक्षमा भूउपग्रह छोड्ने काम। |
| 66626 | भूसञ्चार सेवा | ना. | पृथ्वीका कक्षमा परिक्रमा गर्ने ग्रहहरूको गतिविधि जान्न चित्र, ध्वनि आदि लिई सञ्चारको सुविधा मिलाउने व्यवस्था। |
| 66627 | भूउपयोगिता | ना. | पृथ्वीको काम लाग्ने गुण वा जमिनको प्रयोजनीयता; माटोबाट हुने लाभदायी गुण। |
| 66628 | भूकम्प | ना. | भुईंचालो; भैँचालो। |
| 66629 | भूकर्मी | ना. | भूमिमा नै काम गर्ने हवाईविभागका कामदार कर्मचारी। |
| 66630 | भूक्षय | ना. | १. बाढी, पहिरो आदिबाट जमिन भास्सिने र बग्ने काम; त्यसरी जमिन खिइँदै जाने प्रक्रिया। |
| 66631 | भूक्षय | ना. | २. उर्वरा शक्तिको ह्रास; भूक्षरण। |
| 66632 | भूक्षयिता | ना. | जमिन नाश हुँदै जाने काम; भूक्षय हुनाको भाव वा स्थिति। |
| 66633 | भूक्षरण | ना. | १. अव्यवस्थित हिसाबले गरिने वनजङ्गलको फँडानी, अतिवृष्टि आदिका कारणले जमिनको सतहको माटो खस्कँदै जाने प्रक्रिया। |
| 66634 | भूक्षरण | ना. | २. जमिनको उर्वरा शक्तिको ह्रास। |
| 66635 | भूक्षितिज | ना. | पृथ्वी र अन्तरिक्ष जोडिएको आभास हुने ठाउँ; क्षितिज। |
| 66636 | भूक्षेत्र | ना. | १. जमिनको भाग; धरतीको आयतन। |
| 66637 | भूक्षेत्र | ना. | २. जलक्षेत्रबाहेकको भूभाग। |
| 66638 | भूक्षेत्रीय | वि. | भूक्षेत्रसम्बन्धी; भूक्षेत्रको। |
| 66639 | भूखण्ड | ना. | १. जग्गाजमिनको टुक्रो। |
| 66640 | भूखण्ड | ना. | २. ज्यादै झन्झटको काम; अप्ठ्यारो काम। |
| 66641 | भूखण्ड | ना. | ३. ठुलो विघ्नबाधा; ठुलो अड्काउ। |
| 66642 | भूगर्भ | ना. | पृथ्वीको भित्री वा तल्लो तह। |
| 66643 | भूगर्भविद् | वि. | भूगर्भविद्या वा भूगर्भशास्त्रको ज्ञाता। |
| 66644 | भूगर्भविद्या | ना. | भूगर्भशास्त्र। |
| 66645 | भूगर्भशास्त्र | ना. | भूगर्भमा रहेको पदार्थ पत्ता लगाउने र त्यससम्बन्धी अध्ययन गर्ने विद्या; भूगर्भशास्त्र। |
| 66646 | भूगर्भवेत्ता | ना. | भूगर्भसम्बन्धी ज्ञाता; भूगर्भविद्। |
| 66647 | भूगृह | ना. | भवनको जमिनमुनि बनाइएको तला; ताइखाना; तहखाना। |
| 66648 | भूगोल | ना. | १. पृथ्वी। |
| 66649 | भूगोल | ना. | २. पृथ्वीको (बाह्य सतह जङ्गल, नदी, पहाड आदि प्राकृतिक विभाग, देश, नगर, गाउँ आदि राजनीतिक विभाग, उष्णकटिबन्ध, शीतकटिबन्ध आदि वातावरणिक विभाग र उद्योगधन्दा, ऋतुहरू तथा बासिन्दाहरू सबैको) वर्णन वा विचार भएको शास्त्र। |
| 66650 | भूचक्र | ना. | पृथ्वीको परिधि; क्रान्तिवृत्त; विषुवत्रेखा। |