|
|
|
|
|
|---|---|---|---|
| 88001 | साजसज्जा | ना. | १. कुनै वस्तु वा व्यक्तिलाई सजाउने काम। |
| 88002 | साजसज्जा | ना. | २. सजाउने उपकरण; सरसामग्री। |
| 88003 | साजा | वि. | धेरै जनाको हक वा हिस्सा भएको; गोस्वारा; सजियाँ; साझा। |
| 88004 | साजा | ना. | आलो; साजी; ताजा। |
| 88005 | साजिस | ना. | अपराधयुक्त वा कपटपूर्ण कार्य; त्यस्तो कार्यमा हुने गुप्त सहयोग; षड्यन्त्र। |
| 88006 | साजी | वि. | १. भर्खरै तयार भएको; बासी नभएको (खानेकुरा)। |
| 88007 | साजी | वि. | २. भर्खरै टिपेको; नओइलाएको; ताजा; आलो; साजा (सागपात आदि)। |
| 88008 | साजेदार | वि. | हे. साझेदार। |
| 88009 | साजेदारी | ना. | साझेदारी। |
| 88010 | साझा | वि. | १. धेरै जनाका हकको; धेरै जनाको हिस्सा भएको; सजिया; साजा। |
| 88011 | साझा | वि. | २. सम्मिलित व्यक्तिहरूमध्ये लगानी भएको मूल धनअनुसार समान अनुपातमा बाँडिने; हिस्सेदार वा अंसियारहरूमा दामासाहीले भाग लाग्ने; सजियाँ; गोस्वारा। |
| 88012 | साझा कार्यक्रम | ना. | कृषकहरूलाई आवश्यक ऋण दिनु, कृषिसामग्री तथा कृषिउपजका बिक्रीवितरणको व्यवस्था मिलाउनु, दैनिक उपभोग्य सामानहरूको बेचबिखनको व्यवस्था गर्नु र ग्रामीण क्षेत्रमा किसानहरूबाट निक्षेप प्राप्त गरी पुँजीको परिचालन गर्नुजस्ता मुख्य उद्देश्य भएको कार्यक्रम। |
| 88013 | साझा पसल सेवा | ना. | पहिले साझा भण्डारको एकएक शाखाका रूपमा साझा पसल कार्यक्रम नामले रहेको र २०३१ सालदेखि सहकारी संस्थाका रूपमा रहेको, ग्रामीण क्षेत्रमा कृषिसामग्री तथा दैनिक उपभोग्यवस्तुहरू सुपथ र सुलभ मूल्यमा पुर्याउने उद्देश्यले स्थापित एक संस्था। |
| 88014 | साझा पुरस्कार | ना. | साझा प्रकाशनले वर्षभरिमा आफूले प्रकाशित गरेका पुस्तकहरूमा सर्वश्रेष्ठ ठहरिएको पुस्तकलाई वि. सं. २०२६- देखि प्रदान गर्ने गरेको एक पुरस्कार। |
| 88015 | साझा प्रकाशन | ना. | नेपाली भाषा र साहित्यको विकासमा सक्दो योगदान गर्दै विभिन्न विषयमा पुस्तकहरूको प्रकाशन तथा विक्री, वितरण गर्ने उद्देश्यले वि. सं. २०२२ मा नेपाली भाषा प्रकाशिनी समितिको उत्तराधिकारीका रूपमा गठित संस्था। |
| 88016 | साझा भण्डार | ना. | सर्वसाधारण जनतालाई सुपथ मूल्यमा उपभोग्य मालसामान उपलब्ध गराउने र उपभोक्ता र उत्पादकका बिचमा सिधा सम्बन्ध कायम गराउने उद्देश्यले साझा केन्द्रीय सङ्गठनको तेस्रो संस्थाका रूपमा २०२१ सालमा स्थापित संस्था। |
| 88017 | साझा यातायात | ना. | यात्रु परिवहनसेवाको अभावपूर्ति गर्ने उद्देश्यले स्थापित साझा केन्द्रीय सङ्गठनअन्तर्गत वि. सं. २०२१ सालमा स्थापित एक संस्था। |
| 88018 | साझा व्यवस्थापक | ना. | साझा संस्थामा रहेर काम गर्ने प्रमुख कर्मचारी। |
| 88019 | साझा संस्था | ना. | गाउँगाउँमा कृषिसामग्री लगायत दैनिक उपभोगका मालसामानहरूको बिक्रीवितरण गर्ने अड्डा वा शाखा। |
| 88020 | साझा स्वास्थ्य सेवा | ना. | जनतालाई आवश्यक औषधीउपचार सुपथ मूल्यमा, सुलभ रूपमा उपलब्ध गराउने उद्देश्यले २०२१ सालमा स्थापित साझा केन्द्रीय सङ्गठनअन्तर्गतको एक संस्था। |
| 88021 | साझीदार / साझेदार | ना. | हिस्सेदार; अंसियार; सेयरहोल्डर। |
| 88022 | साझेदारी | ना. | केही व्यक्ति मिलेर लगानीको अनुपातमा समान रूपले नाफानोक्सान बेहोर्ने गरी चलाइएको वा सुरु गरिएको कारोबार। |
| 88023 | साट्नु | स.क्रि. | १. आफूसँग भएको कुनै वस्तु वा मालसामान दिएर त्यसको सट्टामा अर्को वस्तु वा मालसामान दिनु; सट्टापट्टा गर्नु। |
| 88024 | साट्नु | स.क्रि. | २. रुपियाँपैसा आदिको विनिमय गर्नु; भजाउनु। |
| 88025 | साटन | ना. | एक प्रकारको चिप्लो र टलकदार रङ्गिन कपडा। |
| 88026 | साटफेर | ना. | १. कुनै वस्तु वा मालसामान दिएर त्यसका ठाउँमा अर्को वस्तु वा मालसामान लिने काम; साट्ने वा फेर्ने काम; सट्टापट्टा। |
| 88027 | साटफेर | ना. | २. फेरफार। |
| 88028 | साटसुट | ना. | १. सम्बन्धित व्यक्तिले बाहेक अरूले थाहा नपाऊन् भनी गुप्त किसिमले झटपट गरिने काम। |
| 88029 | साटसुट | ना. | २. अरूलाई थाहा नदिई सुटुक्क लिनेदिने काम। |
| 88030 | साटसुट | ना. | ३. गुप्त किसिमको कुराकानी। क्रि.वि. |
| 88031 | साटसुट | ना. | ४. गुप्त तवरले; चालै नपाई; सुटुक्क; लुकीछिपी। |
| 88032 | साटसुट | ना. | ५. छिटछिटो काम टुङ्ग्याउने चालमा; झटपट। |
| 88033 | साटसुटे | वि. | साटसुट गर्ने स्वभावको; छिटोछरितोसँग काम गर्ने; चटपटे। |
| 88034 | साटसुट्ट | क्रि.वि. | १. छिटोछिटो वा झटपट हुने गरी। |
| 88035 | साटसुट्ट | क्रि.वि. | २. कसैलाई थाहै नदिएर; सुटुक्क; साटसुट। |
| 88036 | साटासाट | ना. | आपसमा कुनै वस्तु साट्नेवर्ने काम; साटफेर। |
| 88037 | साटिनु | क.क्रि. | अदलीबदली पारिनु; सट्टापट्टा गरिनु। |
| 88038 | साटो | ना. | बार बार्दा तेर्सो पारी बाँधिने लामो बाँस, नर्कट, काठ आदि वस्तु। |
| 88039 | साटो | ना. | १. विनिमय; सट्टा; बदला। |
| 88040 | साटो | ना. | २. आफ्ना छोरालाई छोरी दिने व्यक्तिकै कुटुम्बका छोरालाई आफ्नी छोरी पनि दिएर बिहे गर्ने चलन वा त्यसैअनुसार छोरीको साटासाट। |
| 88041 | साटोपाटो | ना. | साटफेर; सट्टापट्टा। |
| 88042 | साटोपोल्टो | ना. | आफ्नी छोरी दिँदा कुटुम्बबाट आफ्नो छोरालाई छोरी नपाएमा त्यसको साटो कुटुम्बबाट लिइने धन। |
| 88043 | साटो फेराइ | ना. | कसैले गरेको नजाती कामका बदलामा अर्काले पनि त्यस्तै गर्ने चाल; बदला लिने काम। |
| 88044 | साठगाँठ | ना. | १. अरुले थाहा नपाउने गरेर गुप्त किसिमले कसैसँग गरिने मिलोमतो; भित्री मतो; गुप्त मेलमिलाप। |
| 88045 | साठगाँठ | ना. | २. षड्यन्त्र; साजिस। |
| 88046 | साठिऔँ / साठियौँ | वि. | गणनाका क्रमले साठी सङ्ख्यामा परेको; साठी सङ्ख्याको। |
| 88047 | साठी | ना. | १. पचास र दशको योगबाट बन्ने सङ्ख्या; ६० को अङ्क। वि. |
| 88048 | साठी | ना. | २. पचास र दशको योगबाट बन्ने सङ्ख्याको। |
| 88049 | साठीऔँ / साठीयौँ | वि. | हे. साठऔँ। |
| 88050 | साठो | ना. | फिनी, पन्जाबी आदि रोटी उक्साउनका लागि घिउ मिलाई मलेको पिठो; दाउन। |