|
|
|
|
|
|---|---|---|---|
| 12651 | कपुर | ना. | १. सिन्नामोमम क्याम्फोरा नामक वृक्ष अथवा उक्त वृक्षबाट प्राप्त हुने स्फटिक झैँ पारदर्शक, उडनधर्मी औषधी, पूजनकार्यमा बालिने बत्ती आदिका रूपमा प्रयोगमा आउने पदार्थ। |
| 12652 | कपुर | ना. | २. कपुर झैँ स्फटिकाकार रूपमा परिणत फिनायल; भोटेकपुर। |
| 12653 | कपुर बत्ती | ना. | पूजाआजा गर्दा आरतीका रूपमा बालिने कपुरको बत्ती। |
| 12654 | कपुरनली | ना. | एक प्रकारको रुख। |
| 12655 | कपुरपत्ती/पाती | ना. | कपुरको झैँ बास्ना आउने तितेपातीको जत्रो बोट हुने वनस्पति। |
| 12656 | कपुरी/कपुरे आँप | ना. | कपुर झैँ बास्ना आउने आँप। |
| 12657 | कपुरी/ कपुरे पान | ना. | कपुर झैँ बास्ना आउने पान। |
| 12658 | कपुरी/कपुरे | वि. | १. कपुरजस्तो (बास्ना आउने वा गोरो)। ना. |
| 12659 | कपुरी/कपुरे | वि. | २. पानको एक निम्न जाति। |
| 12660 | कपुरी १ | ना. | नेपाली वर्णमालाअनुसार शिशुहरूको सुविधाका निम्ति 'क' वर्णलाई दिइएको एक नाम (जस्तै- कपुरी 'क', मोटो 'ख', गाईगोडे 'ग' आदि)। |
| 12661 | कपुरी २ | ना. | सिकार काटेर निकालिएको आन्द्राभुँडी (डोल्पाली)। |
| 12662 | कपूत | ना. | हे. कपुत। |
| 12663 | कपूर | ना. | हे. कपुर। |
| 12664 | कपेरो | ना. | १. बाँसको भाटोभन्दा पनि पातलो चिरो। |
| 12665 | कपेरो | ना. | २. कपेर झिकेको भाटो, भात आदिको चोइली; चोइली। |
| 12666 | कपेरो | ना. | ३. कप्ताखेरि निस्किएको ढुङ्गा, काठ आदिको चोइटो। |
| 12667 | कपेरो | ना. | ४. बाँसको आँख्लैपिच्छे लपेटिएर रहने, सुकेपछि आफैँ झर्ने र च्याम्पटी घुमाउने, तितौरा पार्ने आदि काममा प्रयोग गरिने सुप्लो; खबटो। |
| 12668 | कपोत | ना. | ढुकुरसँग मिल्दोजुल्दो एक प्रकारको पक्षी जसका विभिन्न प्रकार हुन्छन् (घरपाला, मलेवा, देउबखुँ इ.)। |
| 12669 | कपोतवृत्ति | ना. | भविष्यका लागि सञ्चय नगर्ने बानी वा नीति; दश ठाउँ चहारी गरिने जीविका (जस्तै- पुरेत्याइँ, भिक्षाटन, पुहुन्की इ.); कुक्कुटवृत्ति। |
| 12670 | कपोतव्रती | वि. | सहनशील; सहने। |
| 12671 | कपोल | ना. | मान्छे वा पशुको कन्चटमुनि कान र मुखका बिचको मोटाउँदा पुक्क उठ्ने र दुब्लाउँदा स्याप्प बस्ने भाग; गालो; गाला। |
| 12672 | कपोलकल्पना | ना. | अव्यावहारिक वा कोरा कल्पना; मनगढन्ते कल्पना; निराधार अनुमान वा अडकल। |
| 12673 | कपोलकल्पित | वि. | कपोल कल्पना गरिएको। |
| 12674 | कप्टेरिनु | अ.क्रि. | बाँस वा त्यसै वर्गका वनस्पति (निगालो, मालिङ्गो आदि) चिरिएर वा फोरिएर कप्टेरामा परिणत हुनु। |
| 12675 | कप्टेरो | ना. | बाँस आदिको सिन्कोभन्दा मोटो भाटो अथवा कप्टेरोभन्दा मसिनु चिरो। |
| 12676 | कप्टेऱ्याइ | ना. | कप्टेरो पर्ने क्रिया वा प्रक्रिया। |
| 12677 | कप्टेऱ्याइनु | क.क्रि. | कप्टेरा पारिनु। |
| 12678 | कप्टेऱ्याउनु | प्रे.क्रि. | कप्टेरामा परिणत गराउनु, कप्टेरो पार्नु। |
| 12679 | कप्तान | ना. | १. पल्टनको लप्टनभन्दा माथि एवं मेजरभन्दा मुनिको सैनिक अफिसर वा उसको पद; सहसेनानी। |
| 12680 | कप्तान | ना. | २. पानीजहाज वा हवाईजहाजको मुख्य चालक। |
| 12681 | कप्तान | ना. | ३. भकुन्डो आदि खेलमा प्रत्येक टिमको नायक। |
| 12682 | कप्प | क्रि.यो. | एकै गप्फा हुने गरी (केही कुरो मुखभित्र हाल्ने तरिका); क्वाप्प; ख्वाप्प। |
| 12683 | कप्पु १ | ना. | टाउकाको एउटा हाड। |
| 12684 | कप्पु २ | ना. | हातैले कोचेर मुखमा हालिने पदार्थ (मासुको चोक्टो, भात, लड्डु, पेडा, कुराउनी आदि) को गाँस; गप्फा; गप्फु। |
| 12685 | कप्प्याइ | ना. | कप्प्याउने क्रिया वा प्रक्रिया। |
| 12686 | कप्प्याइनु | क.क्रि. | कप्पु लगाइनु; गप्फा लगाएर निलिनु; कप्लक्क खाइनु वा निलिनु। |
| 12687 | कप्प्याउनु | स. क्रि. | कप्पु लगाउनु; गप्फा लगाएर निल्नु; कप्लक्क खानु वा निल्नु; गप्फ्याउनु। |
| 12688 | कप्लक्क | क्रि.वि. | एकै कप्पु हुने गरी (खाने वा निल्ने किसिम )। |
| 12689 | कप्ल्याउनु | स. क्रि. | कप्लक्क खानु वा निल्नु। |
| 12690 | कप्ल्याककुप्लुक | क्रि.वि. | हतारिँदै लगातार एकपछि अर्को गप्फा निलेर; त्यसरी कुनै खाद्य पदार्थ सक्ने किसिमले। |
| 12691 | कप्ल्याक्क | क्रि.वि. | कप्लक्क खाँदाको भन्दा ठुलो गाँस मुखमा हालेर (निल्ने किसिम )। |
| 12692 | कफ १ | ना. | १. प्रायः श्वासनलीबाट र कहिलेकहीँ फोक्साबाटै पनि ख्वाक्क खोकेर बाहिर निकालिने सिङा ने पदार्थ; श्लेष्म; खकार। |
| 12693 | कफ १ | ना. | २. आयुर्वेदका अनुसार तीन दोष (वात, पित्त, कफ) मध्ये एक। |
| 12694 | कफकारी | वि. | खाँदा कफ बढाउने (वस्तु)। |
| 12695 | कफजनित | वि. | कफद्वारा उत्पन्न भएको ( रोग, विकार आदि)। |
| 12696 | कफनाशक | वि. | कफ निको पार्ने वा घटाउने (औषधी)। |
| 12697 | कफ २ | ना. | कमिजका बाहुलाको मुख; मोहोतो। |
| 12698 | कफल्ल/कफल्लो | वि. | १. बेस्वादको खल्लो। |
| 12699 | कफल्ल/कफल्लो | वि. | २. बेकम्मा; रद्दी। |
| 12700 | कफल्ल/कफल्लो | वि. | ३. निर्घो; निर्बलियो। |