|
|
|
|
|
|---|---|---|---|
| 12951 | करण्ड | ना. | २. माहुरीको चाको। |
| 12952 | करतल | ना. | हातको हर्थुङ्गा र नङका माझको उत्तानो भाग; हत्केलो। |
| 12953 | करतल ध्वनि | ना. | दुई हत्केला ठटाएर स्वागत, प्रशंसा, निन्दा, उपहास आदि जनाउन निकालिने ध्वनि; थपडी; ताली। |
| 12954 | करताल | ना. | १. हे. करतल ध्वनि। |
| 12955 | करताल | ना. | २. दुई काठका टुक्रा औँलाका कापले च्यापेर ध्वनि उत्पन्न हुने गरी प्रायः धार्मिक कार्यमा बजाइने एक बाजा; कठताल; करताली। |
| 12956 | करताली | ना. | १. करताल। |
| 12957 | करताली | ना. | २. करतल ध्वनि। |
| 12958 | करतुत | ना. | हे. कर्तुत। |
| 12959 | करद | ना. | कर तिर्ने; कर दिने (व्यक्ति, राष्ट्र आदि)। |
| 12960 | करदाता | ना. | १. कर तिर्ने संस्था वा व्यक्ति। वि. |
| 12961 | करदाता | ना. | २. करद। |
| 12962 | कर निर्धारण | ना. | सरोकारवाला कार्यालय वा संस्थाले कर असुलसम्बन्धी नीति एवं नियमहरूको निर्धारण गर्ने वा सोअनुसार लाग्ने कर तोक्ने काम। |
| 12963 | करनी | ना. | १. बलात्कारका साथमा गरिने गैरकानुनी सम्भोग। |
| 12964 | करनी | ना. | २. सम्भोग; मैथुन (प्रायः अविवाहितहरूका बिच )। |
| 12965 | करनी | ना. | ३. कुकर्तव्य; कर्तुत,; षड्यन्त्र; खराब नियत। |
| 12966 | करन्यास | ना. | जप अथवा पाठका क्रममा शरीरका अङ्गहरूलाई बीजमन्त्र ( नमः, फट् आदि) का उच्चारणका साथमा छोएर गरिने क्रिया; अङ्गन्यास; पूर्णन्यास वा न्यासका शाखाको रूपमा हातलाई मात्र छोएर गरिने एक विधि, जसमा पहिले चोर औँलाले बुढी औँलालाई छोएर र त्यसपछि बुढी औँलाले अरू औँलालाई छोएर तत्तत् अङ्गमा इष्टदेवलाई आवाहन गरिन्छ। |
| 12967 | करपात्री | ना. | १. भोजन वा जलपान आदि गर्दा, थाल, गिलास आदि भाँडाको साटो पसर वा अँजुली व्यवहार गर्ने (व्यक्ति)। ना. |
| 12968 | करपात्री | ना. | २. भारतीय साधुसन्तहरूको एक सम्प्रदाय वा त्यसको अनुयायी। |
| 12969 | करपाद | ना. | वास्तुकला वा मूर्तिकलामा प्रचलन हुने छ मात्रा वा छ अङ्गुल बराबरको नाप। |
| 12970 | करबल | ना. | १. जबरजस्तीसहितको व्यवहार; इच्छाका विरुद्ध कसैलाई काममा लगाउने क्रिया वा प्रक्रिया; करकाप; बलजफती; जबरजस्ती। |
| 12971 | करबल | ना. | २. अन्याय; थिचोमिचो; अत्याचार। |
| 12972 | करबाल | ना. | हातले हान्ने हतियार (खड्ग, तरबार वा खुकुरी। |
| 12973 | करबिरे | ना. | करौँते झारसँग मिल्दोजुल्दो एक झार। |
| 12974 | करभ | ना. | १. हातको हत्केलाको उल्टो भाग; हत्केलाको पृष्ठभाग; डुँडुलो। |
| 12975 | करभ | ना. | २. हात्तीको सुँड वा बच्चो। |
| 12976 | करभ | ना. | ३. उँटको बच्चो। |
| 12977 | कर भुक्तानी | ना. | कर तिर्ने काम; करको तिरोभरो। |
| 12978 | करभोरु | वि . | करभ (हात्तीको सुँड झैँ सलक्क परेको तिघ्रा) भएकी (स्त्री)। |
| 12979 | करम | ना. | १. गर्मी प्रदेशमा पोखरी वा तलाउमा उम्रने, सखरखण्डको जस्तो पात, खोक्रो डाँठ र सेतो फूल हुने एक साग; करमी। |
| 12980 | करम | ना. | २. पहेँलो काठ हुने एक वृक्ष; कर्मा। |
| 12981 | करमपात्रो | ना. | हे. कर्मपात्रो। |
| 12982 | करमाला | ना. | जपमन्त्र आदिको सङ्ख्या गन्ने क्रममा स्फटिक, तुलसी वा रुद्राक्षका मालाको साटो औँलाका हत्केलातिरका जोर्नीका रेखालाई गन्ने कामको आधार मान्दा तिनका निम्ति प्रयुक्त हुने सामूहिक संज्ञा। |
| 12983 | करमाली | वि. | १. करमालाका आधारमा जप आदि गर्ने (व्यक्ति)। |
| 12984 | करमाली | वि. | २. आफ्ना किरणलाई स्वयं आफैँले मालाका रूपमा धारण गर्ने एक देवता; सूर्यनारायण। |
| 12985 | करमाली | वि. | ३. सूर्य। |
| 12986 | करमी | ना. | हे. करम। |
| 12987 | करयुगल | ना. | १. अभिन्न रूपमा दुई हातलाई जनाउने साझे संज्ञा। |
| 12988 | करयुगल | ना. | २. जम्लाहात; करजोरी। |
| 12989 | करयोग्य मूल्य | ना. | कर कार्यालयले मिनाहा गरेको करमुक्त मूल्यभन्दा बढी मूल्य; कर लाग्ने चाहिँ मूल्य (घर, जग्गा आदिको)। |
| 12990 | करवीर १ | ना. | १. सुइरे पात हुने, पहेँलो रङको फूल फुल्ने र हाडेबदामका जत्रा दानाभित्र झन्डै आरुका झैँ खबटा हुने फल लाग्ने ठिक्क आकारको वृक्ष वा त्यसको फूल। |
| 12991 | करवीर १ | ना. | २. झन्डै वज्रदन्तीको जत्रो बोट हुने र त्यसरी नै झाँगिने सेतो अथवा रातो फूल फुल्ने एक वृक्ष वा त्यसको फूल। |
| 12992 | करवीर २ | ना. | नेपाली लौकिक अनुश्रुतिअनुसारको एक प्रसिद्ध मसान; काठमाडौँको विष्णुमती र भद्रमतीको दोभानमा रहेको प्रसिद्ध मसानघाट। |
| 12993 | कर शाखा | ना. | अर्थ मन्त्रालयको मातहत रहेको करको असुलउपर गर्ने मुख्य कार्यालयभन्दा तल्लो तहको शाखा कार्यालय (जिल्लास्तरीय वा अञ्चलस्तरीय)। |
| 12994 | करसम्पुट | ना. | अभिवादनका समयमा नमस्कार आदिमा झैँ दुई हत्केलालाई पूरै नजोडी औँलाका टुप्पा र मणिबन्ध मात्र जोडेर बुढी औँलातिर खुला राख्ने एक विशेष मुद्रा (प्रायः धार्मिक); अञ्जलिमुद्रा। |
| 12995 | कराँत | ना. | १. समात्न वा पक्रन अनुकूल पर्ने स्थिति (कुस्ती खेल्दा, भारी बोक्ता आदि )। ( उदा.- राम त बलियै हो, तर कराँत नपरेकाले कुस्तीमा उसको जित हुन सकेन )। |
| 12996 | कराँत | ना. | २. बल; तागत; शक्ति। |
| 12997 | कराँतिलो | वि. | १. बोक्ता, समाउँदा वा अँगाल्दा प्रतिकूल नहुने। |
| 12998 | कराँतिलो | वि. | २. बलियो; शक्तिशाली; दह्रो; दर्बिलो। |
| 12999 | कराँते | ना. | जापान र त्यसका छिमेकका देशहरूमा प्रचलित मर्मस्थलमा प्रहार गरेर आफूभन्दा निकै बलियो विपक्षीलाई समेत पराजित गर्ने केही प्रसिद्ध दाउ; कुम्फु, कराँते, जुडो आदिमध्ये एक (जसका आधुनिक प्रवर्तक ब्रुसली मानिन्छन्।)। |
| 13000 | कराँसो | ना. | हे. करेँसो। |