|
|
|
|
|
|---|---|---|---|
| 16351 | कृषि | ना. | खनजोत गर्नुपर्ने तथा बालीनाली लगाउनुपर्ने र तत्सम्बन्धी सबै काम; खेती; किसानी। |
| 16352 | कृषि अर्थशास्त्र | ना. | कृषिद्वारा राज्यको अर्थशक्ति बढाउन गर्नुपर्ने काम तथा कृषिव्यवसायलाई उन्नत र उपलब्धिमूलक तुल्याउन आवश्यक सिप वा दक्षताको विकास गर्न सघाउ पुऱ्याउने शास्त्र। |
| 16353 | कृषि अर्थशास्त्री | ना. | कृषिअर्थशास्त्रका ज्ञाता वा विशिष्ट विद्वान्। |
| 16354 | कृषि ऋण | ना. | खेतीपातीको काममा खर्च गर्न तथा गोरु, भैँसी, बङ्गुर, कुखुरा, फलफूल आदिको व्यवसाय गर्न किसानहरूलाई सरल ब्याजमा दिइने ऋण; कृषिकार्यका निम्ति सहयोगस्वरूप दिइने कर्जा। |
| 16355 | कृषि उपज | ना. | खेतीकिसानीबाट उत्पादन हुने अन्नपात, पशुपक्षी, दुधघिउ, फलफूल आदि वस्तु। |
| 16356 | कृषि उत्पादन | ना. | १. कृषिव्यवसायद्वारा उत्पन्न हुने खाद्यान्न, फलफूल, सागपात, पशुपक्षी, बस्तुभाउ, दुधघिउ आदि। |
| 16357 | कृषि उत्पादन | ना. | २. बालीनाली, बस्तुभाउ, फलफूल आदि बढाउने, हुर्काउने र फैलाउने काम। |
| 16358 | कृषि ऐन | ना. | कृषिव्यवसायसम्बन्धी कानुन; जग्गाधनी, मोही र सरकारका बिच सुसम्बन्ध कायम गर्न तथा कृषिउद्योगको विकास गर्नका निम्ति तर्जुमा गरिएको नीति। |
| 16359 | कृषिकर्म | ना. | खेतीपातीको काम; खनजोत गर्ने काम; खेती। |
| 16360 | कृषिगृह | ना. | खेतीपातीको रेखदेखका निम्ति बनेको घर; काम। |
| 16361 | कृषिचुन | ना. | जमिनको अम्लपन हटाई खेतीयोग्य बनाउन तथा उत्पादनवृद्धि गर्नका निम्ति उपयोग गरिने चुन। |
| 16362 | कृषिजीवी | वि. | खेती गरेर निर्वाह गर्ने वा जीविका चलाउने। |
| 16363 | कृषिप्रधान | वि. | खेती नै मुख्य पेसा वा आधार भएको। (उदा. - नेपाल कृषिप्रधान देश हो)। |
| 16364 | कृषिमौसम आयोग | ना. | कृषिका निम्ति उपयुक्त मौसमको विचार गर्ने र आवश्यक तथ्याङ्क, विवरण, माप आदि निकाल्ने काम गर्ने राज्यको अङ्गविशेष। |
| 16365 | कृषि यन्त्र | ना. | इन्जन जोरिएको, खेत जोत्ने, बाली काट्ने, दाउनेजस्ता खेतीसम्बन्धी काम गर्ने मसिन। |
| 16366 | कृषि वर्ष | ना. | १. इ. १९७७ मा संयुक्त राष्ट्रसङ्घको आह्वानअनुसार अन्तर्राष्ट्रिय स्तरमा मनाइएको कृषिसम्बन्धी अभियान वा पर्वको विशेष वर्ष। |
| 16367 | कृषि वर्ष | ना. | २. नेपालको पुरानो चलनचल्तीअनुसार मोही पजनी, बाली वा रिन लिनेदिने आदि कृषिसम्बन्धी काम वा हरहिसाब गर्दा प्रयोग गरिने, अघिल्लो वर्षको श्रीपञ्चमीदेखि अर्को वर्षको श्रीपञ्चमीभित्रको अवधि। |
| 16368 | कृषि विकास बैङ्क | ना. | कृषि-विकासका निम्ति आवश्यक सरसहयोग जुटाउन, तत्सम्बन्धी आधार तथा उद्योग स्थापित गर्न र भएका आधार तथा उद्योगको सुदृढीकरण गर्न सहायता गर्ने ब्याङ्क। |
| 16369 | कृषिविज्ञान | ना. | कृषिसम्बन्धी विषयमा वैज्ञानिक रूपले विचार गरिएको अनुसन्धान तथा अनुभवपूर्ण ज्ञान वा त्यसै विषयको ग्रन्थ। |
| 16370 | कृषि विभाग | ना. | कृषिसम्बन्धी कार्यव्यवस्था तथा नीतिनियमको सञ्चालन गर्ने र आवश्यक सरसाधनको प्रबन्ध मिलाई तत्सम्बन्धी कार्यको अवलोकनसमेत गर्ने केन्द्रीय अड्डा। |
| 16371 | कृषि व्यवसाय | ना. | खेतीपातीसम्बन्धी उद्योगधन्दा वा पेसा। |
| 16372 | कृषि समिति | ना. | खेतीपातीको उद्योगधन्दा वा पेसालाई वैज्ञानिकीकरण गर्ने र सुधार ल्याउने कामका निम्ति सरकारी-गैरसरकारी प्रतिनिधिहरू सामेल गरी बनाइने संस्था वा सङ्गठन। |
| 16373 | कृषि साधन | ना. | खेतीपातीका निम्ति आवश्यक पर्ने हलो-कोदालो, मल-बिउ आदि सामग्री र सिँचाइकुलो आदि साधन। |
| 16374 | कृष्ट | वि. | १. खनजोत गरिएको। |
| 16375 | कृष्ट | वि. | २. तानिएको; घिच्याइएको। |
| 16376 | कृषिभूमि | ना. | खनजोत गरिएको तथा बालीनाली रोपिएको जमिन। |
| 16377 | कृष्टि | ना. | १. खन्नेजोत्ने काम। |
| 16378 | कृष्टि | ना. | २. तान्ने काम वा अवस्था। |
| 16379 | कृष्टि | ना. | ३. विद्वान् व्यक्ति। |
| 16380 | कृष्ण | ना. | १. विष्णुका दश अवतारमध्ये आठौँ अवतार लिएर वसुदेव र देवकीका पुत्र भई गोकुलमा जन्मेका द्वापरयुगका प्रसिद्ध महापुरुष वा नेता। |
| 16381 | कृष्ण | ना. | २. व्यास र अर्जुनको उपनाम। |
| 16382 | कृष्ण | ना. | ३. केशव, गोविन्द, जनार्दन, माधव, मुरलीधर, मुरारि, वासुदेव, श्याम इ.। वि. |
| 16383 | कृष्ण | ना. | ४. कालो वर्णको; कालो; साँवलो। |
| 16384 | कृष्णक | ना. | १. कालो मृगको छाला; कालो मृगचर्म। |
| 16385 | कृष्णक | ना. | २. कालो रङको सर्स्युं। |
| 16386 | कृष्णकली | ना. | एउटै आँख्लामा दुईतिरै हाँगा हाल्ने, खोर्सानीका जस्ता पात हुने र बाहिरपट्टि गुलाफी चारवटा पटल तथा भित्रपट्टि बैजनी रङका दल हुने फूलको बोट वा त्यसैको फूल। |
| 16387 | कृष्णचरित्र | ना. | कृष्णको जीवनी, व्यक्तित्व र कृतित्वको वर्णन भएको कथा वा उनैको चरित्रमा आधारित काव्यकृति। |
| 16388 | कृष्णजिरा | १. केही बास्ना आउने कालो रङको जिरा; कालोजिरा। | |
| 16389 | कृष्णजिरा | २. मसिना गेडा हुने असल खालको धान वा त्यसैको चामल। | |
| 16390 | कृष्णद्वैपायन | ना. | वेदव्यास। |
| 16391 | कृष्णपक्ष | ना. | पूर्णिमापछि प्रतिपदादेखि अमावस्यासम्मका पन्ध्र दिन वा तिथिको समूह; चान्द्रमासको अँध्यारो पक्ष; औँसी पच्छे। |
| 16392 | कृष्ण प्रणामी | ना. | सच्चिदानन्द कृष्णमा अनन्य भक्ति गर्ने अहिंसावादी आध्यात्मिक सम्प्रदाय। |
| 16393 | कृष्णभोग | ना. | १. बास्ना आउने कालो, मसिनु एक जातको धान वा त्यसैको चामल। |
| 16394 | कृष्णभोग | ना. | २. एक जातको असल आँप। |
| 16395 | कृष्णयजुर्वेद | ना. | यजुर्वेदका दुई प्रमुख शाखा कृष्णयजुर्वेद र शुक्लयजुर्वेदमध्ये एक। |
| 16396 | कृष्णलवण | ना. | बिरेनुन। |
| 16397 | कृष्णलोह | ना. | चुम्बक। |
| 16398 | कृष्णशालि | ना. | कृष्णभोग धान। |
| 16399 | कृष्णसार | ना. | कालो पिठ्यूँ, सेतो पेट र लामा बटारिएका सिङ हुने एक जातको मृग; कालो हरिण। |
| 16400 | कृष्णा | ना. | १. काला पात भएको तुलसी। |