|
|
|
|
|
|---|---|---|---|
| 17051 | कौल २ | ना. | घोडाका काठीको अघिल्लो भागमा दायाँबायाँ दुवैतिर पर्ने गरी अड्याइने ब्यागजस्तो वस्तु। |
| 17052 | कौल ३ | ना. | वाममार्गी समुदायको शाक्त मतमा विश्वास गर्ने व्यक्ति वा त्यस्तो सम्प्रदाय। |
| 17053 | कौल करार | ना. | कुनै विषयमा कबुल गरिने वा पुऱ्याइने करार; सर्तनामा। |
| 17054 | कौलटेय | ना. | व्यावसायिक रूपमा वेश्यावृत्ति गर्ने नारीको छोरो; वेश्यापुत्र; कुलटाको सन्तान। |
| 17055 | कौलतड | ना. | घोडाको काठीमा कौल कस्ने छालाको पेटी। |
| 17056 | कौलास्नु | स. क्रि. | १. कसैलाई टाढाबाट चिच्च्याएर बोलाउनु; हकार्नु; गुहार्नु। अ.क्रि. |
| 17057 | कौलास्नु | स. क्रि. | २. आत्तिएर कराउनु; चिच्च्याउनु। |
| 17058 | कौलासाइ | ना. | कौलास्ने काम वा प्रक्रिया। |
| 17059 | कौलासिनु | क.क्रि. | कौलास्ने काम गरिनु। |
| 17060 | कौलासो | ना. | आपद्को समयमा गुहार माग्दा वा टाढैबाट कसैलाई पुकार्दा ठुलो स्वरले कराउने काम; ठुलो स्वरको हकाराइ, बोलाइ वा चिच्च्याहट। |
| 17061 | कौली | ना. | उज्यालो राम्रो नहुँदैको समय; सबेर; बिहान; सखारै। |
| 17062 | कौलो | ना. | खेतको सानो गरो; गोरु नलाग्ने फगटो। |
| 17063 | कौवा | ना. | १. समाचार कहन्छ भन्ने लोकधारणा भएको एक चरो; काग। |
| 17064 | कौवा ठोरी | ना. | कागका चुच्चाजस्तो सेता र निला रङका फूल फुल्ने एक जातको बनैयाँ लहरो। |
| 17065 | कौवा फल | ना. | भुइँझारमा हुने र काफलका जस्ता दाना लाग्ने फल; भुइँकाफल। |
| 17066 | कौवाली | ना. | १. मुसलमानहरूमा धेरै मानिस मिलेर गाइने एक प्रकारको धार्मिक गीत। |
| 17067 | कौवाली | ना. | २. त्यस्ता गीतका धुन वा ती धुनमा गाइने गीत। |
| 17068 | कौवाली | ना. | ३. उपर्युक्त प्रकारका गीत गाउनेको पेसा। |
| 17069 | कौवे | ना. | खोलामा पाइने एक जातको माछो। |
| 17070 | कौशल | ना. | कुनै पनि विषय वा काममा हुने योग्यता वा युक्तिपूर्वकको शिल्पदक्षता; कुशल वा सिपालु हुनाको भाव वा स्थिति; सिप; चातुर्य; प्रवीणता; कुशलता। |
| 17071 | कौशिक | ना. | १. कुशिक ऋषिको वंशपरम्परा वा गोत्र। |
| 17072 | कौशिक | ना. | २. विश्वामित्र।। |
| 17073 | कौशिक | ना. | ३. इन्द्र; देवराज। |
| 17074 | कौशिक | ना. | ४. लाटोकोसेरो। |
| 17075 | कौशिक गोत्र | ना. | कौशिक ऋषिको कुल वा वंशको परिचयात्मक नाम; कुशिक वंशबाट प्रवर्तित रेग्मी, विणारी, रिमाल, ढुङ्गाना, तिवारी, लुइँटेल, पुडासैनी, रघुवंशी, भँडारी, खप्तरी विष्ट, खप्तरी बुढाथोकी, खप्तरी खड्का, रायमाझी, खप्तरी बस्नेत र बानियाँहरूको गोत्र। |
| 17076 | कौशिकी | ना. | कोशी नदी; सप्तकोसी। |
| 17077 | कौशेय | वि. | १. रेसमको धागोबाट बनेको; रेसमी। ना. |
| 17078 | कौशेय | वि. | २. रेसम नामको किराबाट बनेको एक प्रकारको तन्तु; रेसम। |
| 17079 | कौस १ | वि. | रेसमको धागोबाट बनेको; रेसमी। |
| 17080 | कौस २ | वि. | कुशबाट निर्मित; कुशसम्बन्धी; कुशको। |
| 17081 | कौसल | ना. | १. नेपालमा राणाकालताका कुनै जल्दोबल्दो विषयमा विशेष विचार पुऱ्याई निर्णयमा पुग्न खडा गरिएको सभा वा शासकलाई शासनसम्बन्धी सरसल्लाह पुऱ्याउने त्यस्तो अड्डा। |
| 17082 | कौसल | ना. | २. कानुनविद्हरूको सभा; कानुन तथा न्यायसम्बन्धी काम गर्ने अड्डा। |
| 17083 | कौसल्या | ना. | दक्षिण कोसलकी राजकुमारी तथा उत्तर कोसलका राजा दशरथकी जेठी रानी; रामचन्द्रकी आमा। |
| 17084 | कौसी १ | ना. | घरका तलाहरूमा खास गरी बुइँगल तलामा घाम ताप्न वा गर्मी छल्न छाना नहाली बनाइएको खुला ठाउँ; अटाली वा बुजविशेष। |
| 17085 | कौसी २ | ना. | सरकारी आम्दानीखर्चको फाँटवारी हिसाबसमेत राख्ने नेपालको पुरानो सरकारिया ढुकुटी। |
| 17086 | कौसी तोसाखाना | ना. | एकतन्त्री जहानियाँ शासनकालसम्म कायम रहेको र विभिन्न प्रकारका व्यावसायिक ब्याङ्कहरू चल्तीमा आउनुभन्दा पहिले नै नेपालको चल धनसम्पत्ति राख्ने जिल्ला जिल्लाको र सदरको ढुकुटी अड्डा। |
| 17087 | कौस्तुभ | ना. | समुद्रमन्थनमा निस्केको, विष्णुको वक्षस्थलमा लाइने एक प्रसिद्ध मणि वा रत्न। |
| 17088 | क्या | निपा. | उदेक, खुसी, झर्को, सम्भावना, शङ्का आदि जनाउने वा कुनै कुरामा जोड दिन प्रयुक्त हुने अव्यय; के; कस्तो; कत्तिको; खुप। (उदा.- बिनसित्ति पनि क्या झमेला आइलाग्यो बा ! आज फुटबल हेर्दा क्या मजा भयो ! मैले अस्ति नै भनेको कुरो क्या, बिस् र्यौ कि कसो ? )। |
| 17089 | क्याँक्नु | स. क्रि. | अर्द्धचन्द्राकार हत्केलाले पछाडिपट्टि घाँटी समातेर अँचेट्नु; घोक्रो समाउनु; उँधो मुन्टो पारी पिठ्यूँबाट ङ्याक्नु। |
| 17090 | क्याँकक्याँक | ना. | हाँस, मुजुर, सुगा आदि चरा कराउँदा निस्कने शब्द वा बोली। |
| 17091 | क्याँकिनु | क.क्रि. | क्याँक्ने काम गरिनु। |
| 17092 | क्याँकी | ना. | १. मानिस वा पशुको गलो; घोक्रो; घाँटी। |
| 17093 | क्याँकी | ना. | २. एक जातको चरो। वि. |
| 17094 | क्याँकी | ना. | ३. निम्नस्तरीय; सामान्य सुझबुझ पनि नभएको। |
| 17095 | क्याँट | ना. | १. कागजी मुद्रा वा नोटको बिटो; गड्डागड्डा पारिएको कागजी मुद्रा। |
| 17096 | क्याँट | ना. | २. मोटो रकम; पुँजी; जेथा। |
| 17097 | क्याँटवाल | वि. | धनी; पैसावाल। |
| 17098 | क्याउँक्याउँ | ना. | १. नचाहिँदो वा नहुने कुरामा पनि झर्कोलाग्दो गरी कराउने काम; कचकच। |
| 17099 | क्याउँक्याउँ | ना. | २. सामान्य कुरामा पनि हल्ला हुने गरी भएको खलबल; ख्याउँख्याउँ। |
| 17100 | क्याकक्याक | क्रि.वि. | घाँटी अँठ्याउँदा सास रोकिएर एकनासले शब्द निस्कने किसिमले। |