|
|
|
|
|
|---|---|---|---|
| 17201 | क्रियान्वयन | ना. | कुनै सिद्धान्त वा नियमलाई व्यवहारमा ल्याउने वा प्रयोग गर्ने काम। |
| 17202 | क्रियान्वयी | वि. | १. क्रियामा अन्वित हुने वा क्रियासित विशेष सम्बद्ध ( उता, छिटो गरेर, पढी, खेल्न इ.)। ना. |
| 17203 | क्रियान्वयी | वि. | २. क्रियायोगीका दुई भेद (क्रियाविशेषण र क्रियान्वयी) मानिएका मध्ये एक। |
| 17204 | क्रियापद | ना. | क्रियाको वाचक वा कार्यव्यापारका रूपमा प्रयुक्त हुने र वाक्यमा केन्द्रीय बिन्दुका रूपमा रहने क्रियारूपायित पद वा शब्द; खास गरी वाक्य पूरा गर्ने समापिका क्रिया ( जान्छु, जान्छौँ, बस्छ, बस्छन्, हेऱ्यो, हेरे, लेख्ला, लेखेछ इ.)। |
| 17205 | क्रियापुत्री | ना. | मृतकका नाउँमा तेह्रौँ दिनसम्म गर्नुपर्ने पिण्डपानी आदि और्ध्वदेहिक कार्य गर्ने व्यक्ति; किरिया बस्ने छोरो, छोरोसरह मानिएको वंशज वा अन्य कुनै व्यक्ति। |
| 17206 | क्रियाबिदा | ना. | मृतकको काजकिरिया आफैँ गर्नुपर्ने कर्मचारीले सम्बन्धित संस्था वा कार्यालयबाट पन्ध्र दिनसम्म पाउने बिदा। |
| 17207 | क्रियायोगी | ना. | समापक वा असमापक क्रियासँग साक्षात् सम्बन्ध राख्ने शब्द (क्रियाविशेषण र क्रियान्वयी )। |
| 17208 | क्रियारत | ना. | कुनै पनि काममा लागेको; कार्यसंलग्न; उद्यमी। |
| 17209 | क्रियाविशेषण | ना. | क्रियाको विशेषता र गुण बुझाउने र त्यसका प्रकार, रूप, स्थान आदिको बोध गराउने अव्यय शब्द (मिरमिर, रनक्क, सलसल, राम्ररी इ.)। |
| 17210 | क्रियाशील | वि. | चालु अवस्थामा रहेको; सक्रिय; गतिशील; हिँडडुल गर्ने; चल्ने; चलायमान। |
| 17211 | क्रिस्तान | वि. | इसा वा इसाई धर्मको अनुयायी; इसाई। |
| 17212 | क्रीडन | ना. | क्रीडा गर्ने वा खेल्ने काम; खेलबाड। |
| 17213 | क्रीडनक | ना. | १. खेलबाडका सामान; खेलौना। |
| 17214 | क्रीडनक | ना. | २. खेल-तमासा। |
| 17215 | क्रीडा | ना. | १. मन बहलाउन वा समय काट्नका निम्ति गरिने कुनै पनि मनोरञ्जक कामकुरा; खेल; खेलबाड; आमोदप्रमोद; मनबहलाउ। |
| 17216 | क्रीडा | ना. | २. सम्भोग; स्त्रीपुरुषका बिच परस्परको शारीरिक सम्बन्धले आनन्द लिइने कार्य; मैथुन। |
| 17217 | क्रीडाकानन | ना. | मनोविनोद, खेलबाड आदि गर्ने ठाउँ वा बगैँचा; प्रमोदवन; आनन्दवन। |
| 17218 | क्रीडागृह | ना. | प्रेमीप्रेमिकाले आमोदप्रमोद गर्ने भवन; रतिक्रीडा गर्ने घर वा कोठो; खेलबाड गर्ने घर। |
| 17219 | क्रीडास्थान | ना. | घरबाहिर वा घरभित्र खेलिने खेलका निम्ति बनाइएको ठाउँ; रङ्गशाला; रङ्गभूमि। |
| 17220 | क्रीत | वि. | नगद दिएर कुनै वस्तु आफ्नो अधिकारमा ल्याइएको; किनिएको; खरिद गरिएको। |
| 17221 | क्रीतक | ना. | १. किनिएको नोकर; कमारो। |
| 17222 | क्रीतक | ना. | २. किनेको छोरो; क्रीतपुत्र। |
| 17223 | क्रुद्ध | वि. | कसैप्रतिको मानसिक आवेगमा उत्रेको; क्रोध भएको क्रोध गर्ने; झ्वाँक्किएको; रिसाएको। |
| 17224 | क्रूर | वि. | १. अरूलाई सताउने, पिरमर्का पार्ने वा निर्मम कार्य गर्ने, निष्ठुर; निर्दयी; दुष्ट। |
| 17225 | क्रूर | वि. | २. झोक्किने प्रवृत्ति भएको; रिसाहा। |
| 17226 | क्रूरकर्मा | वि. | क्रूर स्वभाव भएको; जघन्य काम गर्ने; निष्ठुर। |
| 17227 | क्रूरग्रह | वि. | ज्योतिषशास्त्रअनुसार पापग्रह (सूर्य, मङ्गल, शनि, राहु, केतु यी पाँच ग्रह र पापग्रहका साथै एउटै राशिमा बसेको बुध पनि)। |
| 17228 | क्रूरता | ना. | क्रूर प्रकृति तथा नीच वृत्ति हुनाको भाव वा अवस्था; दुष्टता। |
| 17229 | क्रूरदृक् | वि. | १. खराब दृष्टि भएको। ना. |
| 17230 | क्रूरदृक् | वि. | २. शनि वा मङ्गल ग्रह। |
| 17231 | क्रेटर | ना. | पग्लेको चट्टान, आगो, खरानी, ग्याँस आदि निस्कने ज्वालामुखीको मुख। |
| 17232 | क्रेता | वि. | किनमेल गर्ने; खरिद गर्ने, किन्ने; गाहकी। |
| 17233 | क्रेन | ना. | गह्रौँ र ठुलठुला फलामे दलिन, लट्ठा, पाइप आदिलाई एक ठाउँबाट उठाएर वा च्यापेर जडिने ठाउँमा राख्ने भीमकाय यान्त्रिक साधन। |
| 17234 | क्रोड | ना. | १. आलिङ्गन गर्ने मुद्राका दुई हातका माझको भाग; भुजान्तर। |
| 17235 | क्रोड | ना. | २. वक्षस्थल; छाती, कोख। |
| 17236 | क्रोडपत्र | ना. | पत्र- पत्रिकाका बिचमा घुसाइने समसामयिक महत्त्वा विषय छापिएका अलग पाना; थपुवा अंश; अतिरिक्त पाठ्यसामग्री। |
| 17237 | क्रोध | ना. | १. कुनै अनुचित र हानिकारक वा मन नपर्ने काम भएको देखेर मनमा उब्जने उग्र तथा तीक्ष्ण आवेग; रिस; रोष। |
| 17238 | क्रोध | ना. | २. ज्योतिषशास्त्रका साठी संवत्सरमध्ये उनान्साठियाँ एक संवत्सर। |
| 17239 | क्रोध | ना. | ३. साहित्यमा रौद्र रसको स्थायी भाव। |
| 17240 | क्रोधागार | ना. | रिसाएका बेलामा गुत्थ परेर बस्ने घर; कोपभवन। |
| 17241 | क्रोधी | वि. | १. क्रोध भएको वा क्रोध गर्ने; क्रुद्ध; रिसाहा। |
| 17242 | क्रोधी | वि. | २. सानातिना कुराहरूमा पनि छिटै रिसाउने; झोकी; झड़ङ्ग्याहा। |
| 17243 | क्रोनर | ना. | स्विडेन, नर्वे, डेनमार्क आदि देशका मुद्राको नाम। |
| 17244 | क्रोनोमिटर | ना. | बेलायतको ग्रिनविच भन्ने ठाउँमा राखिएको समय सूचित गर्ने घडीजस्तो प्रसिद्ध यन्त्र। |
| 17245 | क्रोमोओँ | ना. | प्रागैतिहासिक क्रोमेओँ मानवले प्रयोग गरेको उपकरण। |
| 17246 | क्रोमोओँ मानव | ना. | फ्रान्सको क्रोमेओँ नामक स्थानमा पाइएको मानव; ओरनेक मानवको उपजाति। |
| 17247 | क्रोश | ना. | १. कराउने काम; चीत्कार; रोदन। |
| 17248 | क्रोश | ना. | २. सय धनु वा पैँतिस सय बिस गजको दुरी; कोस। |
| 17249 | क्रोश | ना. | ३. सहस्रदण्ड बराबर वा धनुषको हजार गुना बराबरको नापो। |
| 17250 | क्रौञ्च | ना. | १. कऱ्याङकुरुङ चरा। |