|
|
|
|
|
|---|---|---|---|
| 17151 | क्रमश: | अव्य. | १. पालैपालो गरेर; क्रमैसित; रोलैसँग। |
| 17152 | क्रमश: | अव्य. | २. बिस्तारै बिस्तारै; अलि अलि गरेर। |
| 17153 | क्रमसङ्ख्या | ना. | नाम, विषय आदिको क्रम देखाउन एकपछि अर्को पालैसित राखिएको अङ्क वा सङ्ख्या; सिलसिलेवार नम्बर। |
| 17154 | क्रमागत | वि. | १. क्रमैसित वा पालैपालो गरी आएको; क्रममा आएको। |
| 17155 | क्रमागत | वि. | २. पितापुर्खाका पालादेखि चलिआएको; परम्परागत। |
| 17156 | क्रमाङ्क | ना. | १. क्रमसङ्ख्या; सिलसिलेवार नम्बर। |
| 17157 | क्रमाङ्क | ना. | २. परीक्षार्थीहरूको रजिस्टरमा दर्ता भएको नम्बर; रोल नम्बर। |
| 17158 | क्रमाङ्कन | ना. | १. कुनै विषयलाई क्रम वा सिलसिलाअनुसार सङ्ख्यामा बाँध्ने काम। |
| 17159 | क्रमाङ्कन | ना. | २. कार्यालय आदिको रजिस्टरमा अकारादि क्रम मिलाई वा नमिलाई कुनै विषय वा कुरो सङ्ख्या दिएर लेख्ने काम। |
| 17160 | क्रमानुसार | अव्य. | क्रममुताबिक; रोलबमोजिम; क्रमशः। |
| 17161 | क्रमिक | वि. | १. क्रमैसँग वा पालैसित आएको; क्रमागत। |
| 17162 | क्रमिक | वि. | २. सिलसिला मिलेको; क्रम भएको। |
| 17163 | क्रमिक | वि. | ३. बिस्तार बिस्तार; अलि अलि। |
| 17164 | क्रय | ना. | नगद व्यवहार गरी कुनै मालसामान लिएर आफ्नो अधिकारमा पार्ने काम; किन्ने काम; खरिद। |
| 17165 | क्रयविक्रय | ना. | १. खरिदबिक्री; किनबेच। |
| 17166 | क्रयविक्रय | ना. | २. हानिनोक्सानी; मर्का। |
| 17167 | क्रयशक्ति | ना. | १. अत्यावश्यक उपभोग्य पदार्थ किन्ने क्षमता वा सामर्थ्य। |
| 17168 | क्रयशक्ति | ना. | २. अर्थशास्त्रमा जनताको आर्थिक स्तरको मापन गर्दा प्रयोग हुने शब्द। |
| 17169 | क्राइस्ट | ना. | इसाई धर्मका प्रवर्तक एक प्रसिद्ध महात्मा; इसा। |
| 17170 | क्राउन | ना. | बिस इन्च लामो र पन्ध्र इन्च चौडा भएको कागतको नापो। |
| 17171 | क्रान्त | वि. | १. आफ्नो सीमा वा मर्यादा पार गरेको; नाघेको वा गइसकेको। |
| 17172 | क्रान्त | वि. | २. आक्रमण गरिएको; थिचिएको। |
| 17173 | क्रान्तदर्शी | वि. | १. विलक्षण बुद्धि भएको; सर्वज्ञ। |
| 17174 | क्रान्तदर्शी | वि. | २. युगानुकूल व्यवहार गर्ने; परिवर्तनका गतिमा कुशल। |
| 17175 | क्रान्ति | ना. | १. कुनै शासन, सत्ता, स्थिति आदिको परिवर्तनका निम्ति हुने जनशक्तिको प्रयास वा क्रियाकलाप; विद्रोह। |
| 17176 | क्रान्ति | ना. | २. त्यसरी भएको ठुलो परिवर्तन वा उल्टापाल्टी; हेरफेर; अदलाबदली। |
| 17177 | क्रान्ति | ना. | ३. अगाडि लम्कने वा विजय पाउने क्रिया, गति वा चाल। |
| 17178 | क्रान्तिकारिता | ना. | क्रान्तिको भाव वा क्रिया; परिवर्तन ल्याइने कामकुराको गतिमयता। |
| 17179 | क्रान्तिकारी | वि. | प्रचलित शासनव्यवस्था, परम्परा, सामाजिक स्थिति आदिमा परिवर्तन ल्याउन चाहने; त्यस प्रकार फेरबदल गर्ने; विद्रोही। |
| 17180 | क्रान्तिमण्डल | ना. | पृथ्वीबाट देखिने सूर्यको गतिपथ; क्रान्तिवृत्त। |
| 17181 | क्रान्तिवाद | ना. | भइरहेको स्थितिमा क्रान्ति वा आमूल परिवर्तन गर्ने राजनीतिक सिद्धान्त। |
| 17182 | क्रान्तिवादी | वि. | क्रान्ति वा आमूल परिवर्तनको सिद्धान्तलाई मान्ने वा त्यसको अनुयायी। |
| 17183 | क्रान्तिवृत्त | ना. | क्रान्तिमण्डल। |
| 17184 | क्रिकेट | ना. | दाबिलाका छाँटको लट्ठीले सानो बललाई हानेर रन बनाउन प्रतिस्पर्धा गरिने एक खेल। |
| 17185 | क्रिम | ना. | १. अनुहारको छाला मुलायम पार्ने वा मुख सिँगार्न प्रयोग गरिने केही जमेको लेदो शृङ्गारसामान। |
| 17186 | क्रिम | ना. | २. दुध वा दहीबाट झिकिने तागतिलो सारभूत वस्तु; मखन; नौनी। |
| 17187 | क्रिया | ना. | १. कुनै पनि काम भइरहनाको अवस्था वा भाव। |
| 17188 | क्रिया | ना. | २. तनमन र वचनले गरिने वा नित्य हुने कुनै पनि कार्य वा कर्म (दैनिक क्रिया, प्रातः क्रिया इ.)। |
| 17189 | क्रिया | ना. | ३. कुनै पनि काम गर्ने चेष्टा, ढङ्ग वा विधि (लेखनक्रिया, शोधनक्रिया इ.); प्रयत्न। |
| 17190 | क्रिया | ना. | ४. कुनै पनि क्षेत्रका रूप अथवा तीसित सम्बन्धित नियमअनुसार हुने काम ( व्यावहारिक क्रिया, शल्यक्रिया इ.)। |
| 17191 | क्रिया | ना. | ५. व्याकरणमा कार्यव्यापार जनाउने वा कुनै कार्य, घटना आदि हुनु-गरिनुको वाचक शब्द। |
| 17192 | क्रिया | ना. | ६. मृतकको अन्त्येष्टि कर्म; किरिया। |
| 17193 | क्रियाकर्म | ना. | मृतकको अन्त्येष्टि कर्म; काज-किरिया। |
| 17194 | क्रियाकलाप | ना. | कुनै क्षेत्र वा समयमा हुने कामको गतिविधि। |
| 17195 | क्रियाखर्च | ना. | काजकिरियामा लागेको खर्च; काज-किरियाका लागि सरकारी तह वा अन्यत्र कतैबाट दिइने त्यस्तो खर्च। |
| 17196 | क्रियाचतुर | ना. | १. शृङ्गार रसको आलम्बन बनेको, अनेक कौशल वा छलछामबाटै काम पट्याउने नायक। वि. |
| 17197 | क्रियाचतुर | ना. | २. काममा सिपालु; कार्यदक्ष। |
| 17198 | क्रियात्मक | वि. | १. कोरा सिद्धान्तलाई कार्यरूपमा वा व्यवहारमा परिणत गरिएको; कार्यरूपमा उपयुक्त हुने; व्यावहारिक। |
| 17199 | क्रियात्मक | वि. | २. क्रिया वा कार्यका रूपमा आएको वा गरिएको। |
| 17200 | क्रियात्मकता | ना. | क्रियात्मक हुनाको भाव वा स्थिति। |