|
|
|
|
|
|---|---|---|---|
| 56501 | प्रतिघात | ना. | कसैले गरेको घातको बदलामा गरिने आघात; कसैले आफूलाई प्रहार गरेमा बदलामा गरिने प्रहार; प्रत्याघात। |
| 56502 | प्रतिघातक/प्रतिघाती | वि. | प्रतिघात गर्ने। |
| 56503 | प्रतिचालन | ना. | १. बदलामा कुनै कुराको परिचालन गर्ने काम। |
| 56504 | प्रतिचालन | ना. | २. कुनै कुराको बारबार परिचालन गर्ने काम। |
| 56505 | प्रतिचालित | वि. | १. बदलामा परिचालन गरिएको। |
| 56506 | प्रतिचालित | वि. | २. बारबार परिचालन गरिएको। |
| 56507 | प्रतिचिन्तन | ना. | १. बारबार गरिएको चिन्तन; बारबार सोच्ने काम। |
| 56508 | प्रतिचिन्तन | ना. | २. बदलामा गरिएको चिन्तन। |
| 56509 | प्रतिच्छवि | ना. | १. प्रतिबिम्ब; छाया। |
| 56510 | प्रतिच्छवि | ना. | २. चित्र; तस्बिर। |
| 56511 | प्रतिच्छाया | ना. | १. प्रतिबिम्ब। |
| 56512 | प्रतिच्छाया | ना. | २. प्रतिमा; प्रतिकृति; मूर्ति। |
| 56513 | प्रतिजीवी | ना. / वि. | शरीरमा अनेक प्रकारका रोग उत्पन्न गर्ने जीवाणु वा रोगाणुहरूलाई मार्न सक्ने गरी बनाइएको (औषधी); एन्टिबायोटिक। |
| 56514 | प्रतिज्ञा | ना. | कुनै काम पूरा गर्न वा नगर्न गरिएको अठोट; कुनै काम-कुरा गर्न वा नगर्न गरिएको सङ्कल्प; कुनै काम-कुरा गर्न वा नगर्न दिइएको वचन; दृढ निश्चय; बोलकबुल; कबुल; कसम; किरिया; शपथ; प्रण। |
| 56515 | प्रतिज्ञापत्र | ना. | काम गर्ने वा नगर्ने, कुनै कुरा दिने वा नदिने आदि सम्बन्धमा दृढ निश्चय व्यक्त गरिएको कागत; प्रतिज्ञापूर्ण कागत; कबुलियतनामा। |
| 56516 | प्रतिज्ञापत्र मुद्रा | ना. | कुनै निश्चित व्यक्तिलाई वा पत्रवाहकलाई, तोकिएको तिथिमा, तोकिएको रकम दिउँला भनी कुनै व्यक्ति वा संस्थाका तर्फबाट लेखिएको पत्र; वचनपत्र; कबुलपत्र। |
| 56517 | प्रतिज्ञापन | ना. | सोधिएपछि वा विशेष रूपले दिइएको जानकारी। |
| 56518 | प्रतिज्ञापालन | ना. | आफूले गरेको प्रतिज्ञा पालन गर्ने काम; वचन पूरा गर्ने काम; बोलकबुलको पालना। |
| 56519 | प्रतिज्ञाभङ्ग | ना. | १. प्रतिज्ञा भङ्ग हुनाको स्थिति, किसिम वा क्रम। वि. |
| 56520 | प्रतिज्ञाभङ्ग | ना. | २. प्रतिज्ञाबाट झरेको; प्रतिज्ञा भङ्ग भएको; प्रतिज्ञाच्युत (व्यक्ति)। |
| 56521 | प्रतितुलना | ना. | कुनै दुई कुराका बिचमा फरक, असमानता वा अन्तर देखाई तिनलाई दाँज्ने काम; भिन्नतामूलक तुलना; व्यतिरेकी तुलना। |
| 56522 | प्रतिदान | ना. | १. आफूलाई कुनै वस्तु दिने व्यक्तिलाई कृतज्ञतास्वरूप आफूले पनि केही दिने काम। |
| 56523 | प्रतिदान | ना. | २. कसैले राख्न दिएको वा कसैबाट ल्याइएको वस्तु बिग्रन भाँचिन गएमा त्यसको बदलामा अर्को वस्तु दिने काम; सट्टाभर्ना दिने काम; सट्टाभर्ना। |
| 56524 | प्रतिदाबी | ना. | कसैले कुनै वस्तु वा विषयमा गरेको दाबीमा पहिले दाबी गर्नेले भन्दा बढी प्रमाण पुऱ्याएर फेरि अर्काले गरेको दाबी। |
| 56525 | प्रतिदिन | क्रि.वि. | हरेक दिन; प्रत्येक दिन; दिनदिनै; दिनहुँ। |
| 56526 | प्रतिद्वन्द्व | ना. | १. शक्ति, सामर्थ्य आदिका दृष्टिले समान दुई व्यक्तिको आपसी विरोध वा झगडा। |
| 56527 | प्रतिद्वन्द्व | ना. | २. प्रतिद्वन्द्वीको पक्ष; विरोधी भाव। |
| 56528 | प्रतिद्वन्द्व | ना. | ३. सङ्घर्ष; टक्कर; विरोध; भिडन्त। |
| 56529 | प्रतिद्वन्द्विता | ना. | १. शक्ति, सामर्थ्य आदिका दृष्टिले समान दुई व्यक्तिको आपसी झगडा। |
| 56530 | प्रतिद्वन्द्विता | ना. | २. कुनै काम-कुरामा सफलता हासिल गर्न दुई व्यक्तिका बिचको होडबाजी; प्रतियोगिता। |
| 56531 | प्रतिद्वन्द्विता | ना. | ३. प्रतिद्वन्द्वी हुनाको भाव; प्रतिद्वन्द्व। |
| 56532 | प्रतिद्वन्द्वी | वि. | १. आमुन्नेसामुन्ने भएर परस्पर भिडिने; परस्पर मुकाबिला गर्ने; प्रतिस्पर्धी। |
| 56533 | प्रतिद्वन्द्वी | वि. | २. विपक्षी; विरोधी। |
| 56534 | प्रतिधारा | ना. | १. साहित्य, राजनीति, दर्शन आदिका क्षेत्रमा प्रचलित कुनै विचार, मान्यता आदिका बदलामा चलेको अर्को विचार वा मान्यता। |
| 56535 | प्रतिधारा | ना. | २. एउटा धाराको बदलामा चलेको अर्को धारा। |
| 56536 | प्रतिध्रुव | ना. | एउटा ध्रुवको विपरीत अर्को ध्रुव। |
| 56537 | प्रतिध्वनन | ना. | प्रतिध्वनित हुने क्रिया; गुँजाइ वा घन्काइ। |
| 56538 | प्रतिध्वनि | ना. | १. ध्वनि-उत्पत्तिस्थानबाट गएर अन्त कहीँ ठक्कर खानाले फर्केर आउँदा सुनिने आवाज; टाढासम्म पुगी फर्केर आएको ध्वनि; प्रतिशब्द; गुञ्जन; गुँजाइ। |
| 56539 | प्रतिध्वनि | ना. | २. आवाज घन्कने किसिम, क्रिया वा भाव; घन्काइ। |
| 56540 | प्रतिनति | ना. | मोडदार पहाडको माथितिर मोडिएको भाग; अपनत। |
| 56541 | प्रतिनाद | ना. | प्रतिध्वनि; गुँजाइ; घन्काइ। |
| 56542 | प्रतिनादित | वि. | गुँजिएको; घन्किएको। |
| 56543 | प्रतिनायक | ना. | नाटक वा काव्यमा मुख्य नायकको प्रतिद्वन्द्वी पात्र; प्रतिद्वन्द्वी नायक; खलनायक। |
| 56544 | प्रतिनिधि | ना. | १. कुनै व्यक्तिले गर्नुपर्ने काम गर्न सो कामसँग सम्बन्धित व्यक्तिका तर्फबाट नियुक्त अर्को आधिकारिक व्यक्ति; अर्काले गर्नुपर्ने कामकुराको आधिकारिक अभिभारा लिने व्यक्ति; वारिस; वारेस; गुमस्ता। |
| 56545 | प्रतिनिधि | ना. | २. कुनै वर्ग, समाज वा स्थानविशेषका जनताले आफ्ना सट्टामा काम गर्न वा राय दिन चुनेर वा विश्वास गरेर पठाएको व्यक्ति। |
| 56546 | प्रतिनिधितन्त्र | ना. | जनप्रतिनिधिमार्फत चल्ने राज्यव्यवस्था। |
| 56547 | प्रतिनिधितन्त्रात्मक/तान्त्रिक | वि. | प्रतिनिधितन्त्रको; प्रतिनिधितन्त्र भएको। |
| 56548 | प्रतिनिधित्व | ना. | प्रतिनिधिको कार्य, अधिकार वा कर्तव्य। |
| 56549 | प्रतिनिधि पत्र | ना. | १. कुनै व्यक्तिलाई आफ्नो प्रतिनिधिका रूपमा कुनै सङ्घ, संस्था, सभा आदिमा उपस्थित भएर राय दिन वा काम गर्न लेखिदिएको अधिकारपत्र। |
| 56550 | प्रतिनिधि पत्र | ना. | २. कुनै कामकुरो गर्नाका निम्ति कुनै व्यक्तिलाई प्रतिनिधिका रूपमा पठाउँदा प्रमाणस्वरूप लेखेर दिइने कागत; वारिसनामा। |