|
|
|
|
|
|---|---|---|---|
| 56551 | प्रतिनिधि मण्डल | ना. | कुनै सङ्घ, संस्था, सभा आदिमा उपस्थि भएर काम गर्न कसैका तर्फबाट पठाइएका प्रतिनिधिहरूको समूह। |
| 56552 | प्रतिनिधि सत्ता | ना. | प्रतिनिधितन्त्र। |
| 56553 | प्रतिनिधि सत्तात्मक | ना. | प्रतिनिधितन्त्रात्मक; प्रतिनिधितान्त्रिक। |
| 56554 | प्रतिनिधि सभा | ना. | १. जनताबाट चुनिएर गएका प्रतिनिधिहरूको सभा; जनप्रतिनिधिहरूको सभा। |
| 56555 | प्रतिनिधि सभा | ना. | २. संसदीय व्यवस्थामा विधायिकाको तल्लो सदन; जनप्रतिनिधिहरूबाट बनेको सभा; निम्न सदन। |
| 56556 | प्रतिनियम | ना. | १. सामान्य नियमलाई काट्ने विशेष नियम; अपवादको नियम। क्रि.वि. |
| 56557 | प्रतिनियम | ना. | २. हरेक नियम; प्रत्येक नियम; हरेक नियममा; नियमैपिच्छे। |
| 56558 | प्रतिनियुक्त | वि. | १. प्रतिनिधि वा अधीनस्थ कर्मचारीका रूपमा नियुक्त गरिएको वा पठाइएको। |
| 56559 | प्रतिनियुक्त | वि. | २. एउटाका बदलामा अर्को नियुक्त भएको। |
| 56560 | प्रतिनियुक्ति | ना. | १. कसैलाई प्रतिनियुक्त गर्ने काम। |
| 56561 | प्रतिनियुक्ति | ना. | २. सट्टाभर्नाको नियुक्ति। |
| 56562 | प्रतिपक्ष | ना. | १. कसैसँग शत्रुतापूर्ण सम्बन्ध राख्ने अर्को पक्ष; विरोधी पक्ष; विपक्ष। |
| 56563 | प्रतिपक्ष | ना. | २. शत्रु। |
| 56564 | प्रतिपक्ष | ना. | ३. प्रतिवादी। |
| 56565 | प्रतिपक्षता | ना. | प्रतिपक्ष हुनाको भाव वा अवस्था; विरोध। |
| 56566 | प्रतिपक्ष नेता | ना. | दलगत शासनप्रणाली भएका देशमा प्रतिनिधिसभामा सरकारका नीति, कार्यक्रम आदिको विरोध गर्ने नेता; प्रतिपक्षी नेता; विरोधी नेता। |
| 56567 | प्रतिपक्षी | वि. | आफूसँग शत्रुतापूर्ण सम्बन्ध राख्ने पक्षको; विरोधी पक्षको; शत्रुपक्षको; विरोधी; प्रतिद्वन्द्वी। |
| 56568 | प्रतिपत्र | ना. | राष्ट्र ब्याङ्कले अर्को ब्याङ्कका नाममा लेखेको, फलानाको यति रुपियाँले खामेको चेक, ड्राफ्ट वा हुन्डी आदि स्वीकार गर्नू भनी लेखेको पत्र। |
| 56569 | प्रतिपत्रक | ना. | कसैलाई दिइएको वा पठाइएको (दोस्रो) टुक्राको प्रतिलिपि वा सङ्क्षिप्त विवरण भएको, चेकको किताब, चलानबही, रसिदबही आदिमा नत्थी भएको टुक्रा। |
| 56570 | प्रतिपद | क्रि.वि. | १. पाइलापाइलामा; हरेक पाइलामा; पाइलैपिच्छे। |
| 56571 | प्रतिपद | क्रि.वि. | २. पदपदमा; हरेक पदमा। |
| 56572 | प्रतिपद | क्रि.वि. | ३. शब्दशब्दमा; शब्दैपिच्छे। |
| 56573 | प्रतिपदा | ना. | शुक्ल वा कृष्णपक्षको पहिलो तिथि; अमावास्या वा पूर्णिमापछि लगत्तै आउने तिथि; परेवा। |
| 56574 | प्रतिपरीक्षण | ना. | अदालतमा कुनै मुद्दामामिलाका साक्षी आदिले बयान दिँदा बयान साँचो, झुटो के-कसो हो, र केही वास्तविक कुरा लुकाइएको-छिपाइएको छ वा छैन भन्ने पत्ता लगाउन उल्टापाल्टा, बाङ्गाटिङ्गा प्रश्न गर्ने काम; एकपल्ट साक्षी बकिसकेकालाई फेरि साक्षी बकाउने काम। |
| 56575 | प्रतिपादक | वि. | १. कुनै विषय, सिद्धान्त आदिलाई स्पष्टताका साथ व्याख्या गर्ने; राम्रोसित बुझाएर भन्ने; सम्झाउने; खुलस्त पार्ने। |
| 56576 | प्रतिपादक | वि. | २. नयाँ विषय वा सिद्धान्तलाई खोज्ने वा पत्ता लगाउने; निरूपण गर्ने। ना. |
| 56577 | प्रतिपादक | वि. | ३. त्यसरी व्याख्या गर्ने, भन्ने, खुलस्त पार्ने, खोज्ने, पत्ता लगाउने वा निरूपण गर्ने व्यक्ति। |
| 56578 | प्रतिपादन | ना. | १. कुनै विषय, सिद्धान्त, नियम आदिलाई स्पष्टताका साथ व्याख्या गर्ने वा उपपत्तिसहित स्थापना गर्ने काम; राम्रोसित बुझाएर भन्ने, सम्झाउने वा खुलस्त पार्ने काम। |
| 56579 | प्रतिपादन | ना. | २. नयाँ विषय वा सिद्धान्तलाई खोज्ने, पत्ता लगाउने काम; निरूपण गर्ने काम। |
| 56580 | प्रतिपादयिता | वि. | प्रतिपादन गर्ने; प्रतिपादक। |
| 56581 | प्रतिपादित | वि. | प्रतिपादन गरिएको (विषय, सिद्धान्त आदि)। |
| 56582 | प्रतिपाद्य | वि. | प्रतिपादन गर्नुपर्ने; प्रतिपादन गर्न लायक; प्रतिपादन गर्न योग्य। |
| 56583 | प्रतिपालक | वि. | १. कसैको पालनपोषण गर्ने; हेरचाह गर्ने; प्रतिपालन गर्ने; पालक; रक्षक। ना. |
| 56584 | प्रतिपालक | वि. | २. पालन वा रक्षण गर्ने व्यक्ति। |
| 56585 | प्रतिपालक अधिकरण | ना. | अल्पवयस्क वा अयोग्य व्यक्तिका सम्पत्तिको प्रबन्ध र रक्षा गर्ने सरकारी विभाग। |
| 56586 | प्रतिपालन/प्रतिपालना | ना. | पालनपोषण गर्ने काम; हेरविचार गर्ने काम; रक्षा गर्ने काम; पालनपोषण; संरक्षण; लालनपालन। |
| 56587 | प्रतिपालनीय | वि. | प्रतिपालन गर्न लायक; प्रतिपालन गर्नुपर्ने; पाल्नुपर्ने; पालन गर्नुपर्ने; रक्षा गर्नुपर्ने। |
| 56588 | प्रतिपालित | वि. | प्रतिपालन गरिएको; पालनपोषण गरिएको; रक्षित। |
| 56589 | प्रतिपुरुष | ना. | १. कुनै सङ्घ, संस्था, सभा आदिमा कसैको प्रतिनिधिका रूपमा काम गर्ने, मत दिने आदि अधिकार पाएको व्यक्ति; नियमपूर्वक कसैको प्रतिनिधित्व गर्ने व्यक्ति। |
| 56590 | प्रतिपुरुष | ना. | २. वारेस; गुमस्ता; एजेन्ट। |
| 56591 | प्रतिप्रभाव | ना. | १. एक देशको अर्कोमा वा एक व्यक्तिको अर्कोमा पर्ने पारस्परिक प्रभाव; एउटामा पर्ने अर्काको प्रभाव। |
| 56592 | प्रतिप्रभाव | ना. | २. पछिल्लो पुस्ताका व्यक्तिबाट अगिल्लो पुस्ताका व्यक्तिमा परेको प्रभाव वा असर। |
| 56593 | प्रतिप्रश्न | ना. | प्रश्न गर्नेलाई उत्तर दिनुको साटो सोधिएको प्रश्न; कसैको प्रश्नको जवाफका रूपमा गरिएको प्रश्न; प्रश्न सोध्ने व्यक्तिलाई उल्टै प्रश्न सोध्ने काम। |
| 56594 | प्रतिप्रेषण | ना. | कुनै आवेदनपत्र आदिका सम्बन्धमा स्वीकृति वा आवश्यक कारबाईका निम्ति सम्बन्धित उच्च पदाधिकारीका समक्ष पठाउने कार्य; कुनै विवादास्पद वा सन्देहयुक्त विषयमा निश्चित निर्णय गर्न वा संशय मेटाउनका लागि विशेषज्ञ वा जानकारका समक्ष पठाउने कार्य। |
| 56595 | प्रतिफल | ना. | १. कुनै कुराको निचोड; निष्कर्ष। |
| 56596 | प्रतिफल | ना. | २. कसैले अर्काप्रति गरेका गुण वा अवगुणका अनुरूप राम्रो वा नराम्रो परिणाम। |
| 56597 | प्रतिफल | ना. | ३. कुनै कुराको फल; नतिजा; परिणाम। |
| 56598 | प्रतिफल | ना. | ४. दुई वा दुईभन्दा बढी बलको सम्मिश्रणबाट निस्केको गति वा परिणाम। |
| 56599 | प्रतिफलन | ना. | १. कुनै कामका निचोडमा निष्कर्ष निक्लने क्रिया। |
| 56600 | प्रतिफलन | ना. | २. प्रतिफल निस्कने क्रिया। |