|
|
|
|
|
|---|---|---|---|
| 18201 | खले जाँतो | ना. | खलाको काम सकिएपछि खुवाइने रमाइलो भोज वा भतेर। |
| 18202 | खले पूजा | ना. | कृषकहरूद्वारा खलामा गरिने भुमे पूजा। |
| 18203 | खले भाग | ना. | दमाईं, कामी, हली आदिलाई खलाबाट नै भरिने बर्खे बाली। |
| 18204 | खलो | ना. | काटेर, टिपेर वा उखेलेर ल्याइएका डाँठसहितका अन्न थुपार्न, माड्न, चुट्न वा दाइँ गर्न खेतबारीको कुनै भागलाई ताछतुछ पारेर, लिपेर सफा बनाइएको ठाउँ। |
| 18205 | खलोखुलो | ना. | खलोफुलो। |
| 18206 | खलोपुलो | ना. | खेती गरिएको जग्गाको जो भएको अन्न उठाइसकेपछि कसैले सिला खोजेर जम्मा गरेको अन्न (धान, गहुँ आदि)। |
| 18207 | खलोफुलो | ना. | देवकार्य वा पितृकार्यमा अर्पण गरिएका नगदी, जिन्सी मालसामान; देवपितृकार्यमा पुरोहितले पाउने सरसामान। |
| 18208 | खलोमैरो | ना. | खलामा थुपारेको अन्न उठाइसकेपछि खलाको बढारकुँढारबाट आएको अन्न। |
| 18209 | खल्काइ | ना. | खल्काउने क्रिया वा प्रक्रिया। |
| 18210 | खल्काइनु | क.क्रि. | खल्काउने काम गरिनु; निलिनु। |
| 18211 | खल्काउनु | स.क्रि. | नरम खानेकुरो मुखले नचपाईकन पेटमा पुऱ्याउनु; निल्नु। |
| 18212 | खल्को | ना. | जुठो लाग्ने आफ्ना बन्धुबान्धवको मृत्यु सुनेपछि गरिने स्नान; आशौच स्नान। |
| 18213 | खल्ट्यान | ना. | १. खाल्टाखुल्टी परेको ठाउँ वा जग्गा। |
| 18214 | खल्ट्यान | ना. | २. रोपिएको वा छरिएको बिउ पर्याप्त नउम्रने उबडखाबड र रुखो जग्गा। |
| 18215 | खल्ती | ना. | कोट, कमिज, पाइन्ट आदिमा कपडाको टुक्रा जोडेर केही राख्न बनाइएको ठाउँ; गोजी; जेब; बगली। |
| 18216 | खल्पी | ना. | रायो, बेसार, नुन, तेल आदिमा मुछेर केही दिन घाम वा आगाको रापमा राखेर अमिल्याइएको काँक्राको अचार। |
| 18217 | खल्मा १ | ना. | ताल्चा मार्नका निम्ति ढोकामा जडिएको फलामको मुन्द्रो। |
| 18218 | खल्मा २ | ना. | पाखा बाली राख्ने ठाउँ; खोल्मा। |
| 18219 | खल्याकखुलुक्क | क्रि.वि. | घाउखटिरामा जमेको रगत, पिप आदि एकै पटक बाहिर निस्कने गरी; भएभरको मल साफ हुने किसिमले; खल्यातखुलुत्त; खातखुत्त। |
| 18220 | खल्याङखुट्टी | ना. | एउटा खुट्टा उचालेर अर्को खुट्टाले मात्र टेकेर दौडने एक प्रकारको खेल; खर्ल्याङखुट्टी। |
| 18221 | खल्याङखुलुङ | क्रि.वि. | १. जुठा भाँडाकुँडा पानीले खकालेर (सफा गर्ने किसिम); खकालखुकुल। |
| 18222 | खल्याङखुलुङ | क्रि.वि. | २. खल्याङमल्याङ; खलबल। |
| 18223 | खल्याङबल्याङ | ना. | १. धेरै मानिसले बोलेको अस्पष्ट आवाज; हल्लीखल्ली; कोलाहल ; होहल्ला; खल्याङमल्याङ। क्रि.वि. |
| 18224 | खल्याङबल्याङ | ना. | २. जमातले नै होहल्ला गर्ने गरी। |
| 18225 | खल्याङमल्याङ | ना. | १. धेरै मानिसले बोलेको अस्पष्ट शब्द; कोलाहल; खल्याङबल्याङ। क्रि.वि. |
| 18226 | खल्याङमल्याङ | ना. | २. धेरै पानीले जम्मै जिउ भिज्ने गरी (नुहाउने किसिम )। वि. |
| 18227 | खल्याङमल्याङ | ना. | ३. खलबलिएको; अस्तव्यस्त। |
| 18228 | खल्यातखुलुत्त | क्रि.वि. | पेटको कसरमसर एकैचोटि साफ हुने गरी (दिसा लाग्ने किसिम); खल्याकखुलुक्क। |
| 18229 | खल्ल | क्रि.वि. | एकैचोटि बग्ने गरी पानी खन्याउने किसिमले। |
| 18230 | खल्लड | वि. | हाडछालामात्र बाँकी रहेको, ज्यादै दुब्लो, ज्यादै बुढो। |
| 18231 | खल्लन | वि. | नुन, जिरा, भुटुन आदि नपुगेको; बढी पानी थपिएको; बेस्वादको; खल्लो ( तिहुन, तरकारी आदि)। |
| 18232 | खल्लने | वि. | खल्लन। |
| 18233 | खल्लबल्ल | ना. | हे. खलबल। |
| 18234 | खल्लमल्ल | क्रि.वि. | जिउ भिज्ने गरी पानी खत्त्याएर (नुहाउने किसिम)। |
| 18235 | खल्लर १ | वि. | हे. खल्लन। |
| 18236 | खल्लर २ | वि. | १. हाडछाला मात्र रहेको; ज्यादै दुब्लो। |
| 18237 | खल्लर २ | वि. | २. बुढो। |
| 18238 | खल्लर २ | वि. | ३. खल्लड। |
| 18239 | खल्लु | ना. | काला गेडा र राता राता बियाँ हुने एक वृक्ष वा चुसेर खाइने त्यसैको फल। |
| 18240 | खल्लो | वि. | नुन वा चिनी आदि कम्ती भएर स्वाद बिग्रेको; वेस्वादको; बढी पानी भएर सार उत्रेको (तरकारी, चिया इ.)। |
| 18241 | खल्लोमल्लो | खल्लो, बेस्वादको। | |
| 18242 | खल्ल्याइ | ना. | खल्लोपना; अस्वादुता; बेस्वाद। |
| 18243 | खल्वाट | वि. | टाउकाका रोँ खुइलिएको; खल्वाटे; खुइले; खोइरे। |
| 18244 | खल्वाटे | वि. | खल्वाट। |
| 18245 | खवाइ | ना. | खाने भाव, क्रिया वा प्रक्रिया। |
| 18246 | खवास | ना. | शरीरको सेवा गर्ने नोकर; परिचर। |
| 18247 | खवासे | ना. | मालिकको शारीरिक टहलसुसार गर्ने नोकर; खवास। |
| 18248 | खवैया | वि. | १. खन्चुवा; धेरै खाने; थुप्रै खाने। |
| 18249 | खवैया | वि. | २. मिठो स्वादिलो खाना खाने। |
| 18250 | खश | ना. | हे. खस। |