|
|
|
|
|
|---|---|---|---|
| 21151 | गिद | ना. | हे. गीत। |
| 21152 | गिदाउडी / गिदाउडो | ना. | तन्नेरी गायक; गिताङ्गे युवक; तन्नेरी र खाइलाग्दो गायक नेता (प. ने.)। |
| 21153 | गिदी | ना. | १. टाउकामा खप्परभित्र रहने र चेतनाको सृजक तत्त्व मानिने मासीजस्तो पदार्थ; मथिङ्गल; मगज; मस्तिष्क। |
| 21154 | गिदी | ना. | २. सोचविचार तथा तर्क, निर्णय आदि गर्ने शक्ति; बुद्धि। |
| 21155 | गिदेरी | ना. | केही लाम्चा र नरम पात हुने, गाईबस्तुलाई घाँस खुवाइने, बिछ्यौनामा च्याप्दा उडुस, उपियाँको औषधी हुने बुटो; सेतो, खैरो र कालो तीन किसिमका हुने सेतो गिदेरी, खैरी गिदेरी र कालो गिदेरी नामको बोट। |
| 21156 | गिद्ध | ना. | १. मरेका प्राणीहरूको मासु खाने, धेरै टाढाको सिनो पनि देख्ने, प्रायः गर्मी प्रदेशमा बस्ने मांसाहारी ठुलो पक्षी। वि. |
| 21157 | गिद्ध | ना. | २. मासु खान भनेपछि मरिमेट्ने; मासुको साह्रै लोभी। |
| 21158 | गिद्धे | वि. | १. मासु खान ज्यादै मरिमेट्ने; मासु खानमा असाध्यै लोभी। |
| 21159 | गिद्धे | वि. | २. गिद्ध जस्तो; गिद्धका आकारको। |
| 21160 | गिद्धे एकादशी | ना. | (एकादशी नै भए पनि प्रायः बचेखुचेको मासु खाइने हुनाले) दसैँको टीकाका भोलिपल्टको एकादशी। |
| 21161 | गिद्धे पहरो | ना. | १. गिद्ध बस्ने वा गिद्ध जस्तै देखिने पहरो।२. दार्जिलिङ जाने बाटामा पर्ने खर्साङका छेउको प्रसिद्ध पहरो। |
| 21162 | गिद्धे प्रेस | ना. | नेपालका प्रधानमन्त्री जङ्गबहादुर राणाले बेलायतबाट फर्कंदा वि. सं. १९०८- मा सँगसँगै ल्याएको भन्ने विश्वास गरिएको गिद्ध-चिह्नअङ्कित प्रेस वा मुद्रणयन्त्र। |
| 21163 | गिद्री | ना. | घुँडासम्मको भित्री नाप। |
| 21164 | गिद्री लम्बाइ | ना. | पाइन्टको भित्री लम्बाइ वा टाङको लम्बाइ। |
| 21165 | गिद्रो | ना. | १. काँक्रा, फर्सी, घिरौँला, लौका आदि फलफूलको गुदी। |
| 21166 | गिद्रो | ना. | २. बाँस, मालिङ्गो, निगालो आदि वस्तुको भित्री भाग। |
| 21167 | गिनिफोर | ना. | निलो अकासे रङमा कालो रङ मिसिएको र केही सेता टीका देखिने पखेटा भएको एक जातको पाल्तु चरो; लौकाट। |
| 21168 | गिनुङ | ना. | लिच्छविकालीन नेपालमा प्रचलित एक प्रकारको वृत्ति। |
| 21169 | गिनेरी | ना. | सेतो रङको फूल फुल्ने र खयररङका ससाना फल फल्ने, साना-ठुला दुई भेद हुने, सानोका पात लाचा र ठुलोका पात नीमका जस्ता हुने एक वृक्ष। |
| 21170 | गिन्ती | ना. | हे. गन्ती। |
| 21171 | गिन्नी | ना. | सुनको एक प्रकारको सिक्का वा मुद्रा। |
| 21172 | गिर्नु | स.क्रि. | १. तलतिर जानु; झर्नु; खस्नु। |
| 21173 | गिर्नु | स.क्रि. | २. रुख वा भीर, पहराबाट लड्नु; खुरमुरिनु; लोट्नु। |
| 21174 | गिर्नु | स.क्रि. | ३. आर्थिक वा मर्यादाका दृष्टिले खस्कनु; पतन हुनु। |
| 21175 | गिर | ना. | काठको भकुन्डो। |
| 21176 | गिर खेल्नु | टु. | आफू गरेर खान अल्छी गरी अर्काको कमाइमा मोजमज्जा गर्नु। |
| 21177 | गिरफ्तार | वि. | कुनै अपराधको अभियोगमा पक्राउ परेको; अपराधी ठानेर अधिकारीवर्गद्वारा समातिएको। |
| 21178 | गिरफ्तारी | ना. | गिरफ्तार हुनाको अवस्था, क्रिया वा भाव। |
| 21179 | गिरमुङ्ग्री/गिरलौरी | ना. | टेबुल टेनिसभन्दा केही ठुलो बल एक जनाले हान्ने र अर्काले मुङ्ग्राले फर्काउँदै खेल्ने खेल; क्रिकेटको खेल। |
| 21180 | गिरह | ना. | सवा दुई इन्च बराबरको नापो; गजको नाप प्रणाली अनुसार गजको सोह्रौँ भाग। |
| 21181 | गिरा | ना. | वाणी; भाषा; बोली। |
| 21182 | गिराइ | ना. | गिर्ने भाव, क्रिया वा प्रक्रिया। |
| 21183 | गिराइनु | क.क्रि. | गिराउने काम गरिनु; खसाइनु। |
| 21184 | गिराउनु | प्रे. क्रि. | गिर्न लाउनु; खसाउनु; लडाउनु। |
| 21185 | गिरान | ना. | १. खस्ने वा पतन हुने काम; गिराइ।२.टुट्टा वा घाटा पर्ने काम; हानि; नोक्सानी। |
| 21186 | गिरानी | ना. | १. ठेक्कापट्टा वा व्यापार-व्यवसायसम्बन्धी कारोबारमा सावाँसमेत खतम हुँदै गएको अवस्था; मूल धन घटेर पर्ने घाटा; हानिनोक्सानी; टुट्टा। |
| 21187 | गिरानी | ना. | २. गिराइ। |
| 21188 | गिरि | ना. | १. पृथ्वीको विषम धरातल भएका ठाउँको अग्लो भाग; पहाड; पर्वत।२. सन्न्यास धारण गर्ने योगीहरूका दश मध्ये एक उपाधि। |
| 21189 | गिरिकर्णिका | ना. | सेतो रङको फूल फुल्ने अपराजिता। |
| 21190 | गिरिजा | ना. | हिमालय पर्वतकी पुत्री; गिरितनया; पार्वती। |
| 21191 | गिरिधर / धारी | ना. | कृष्ण। |
| 21192 | गिरिनाथ | ना. | हिमालय पर्वत; शिव। |
| 21193 | गिरिनु | अ.क्रि. | खसिनु; झरिनु। |
| 21194 | गिरिप्रस्थ | ना. | पहाडका बिच भागमा रहेको समथर भूमि; अधित्यका। |
| 21195 | गिरिराज | ना. | पर्वतहरूको राजा; ठुलो पर्वत ( हिमालय पर्वत, सुमेरु पर्वत, गोवर्द्धन पर्वत )। |
| 21196 | गिरिशृङ्ग | ना. | पहाडको टाकुरो; पर्वतको शिखर। |
| 21197 | गिरिसुत | ना. | इन्द्रको बज्रले टाकुरा काटिएको प्रसङ्ग भएको एक पर्वत; मैनाक पर्वत। |
| 21198 | गिरिसुता | ना. | पार्वती। |
| 21199 | गिरी | ना. | १. सन्न्यासीहरूको सम्मानसूचक एक पदवी।२. सन्न्यासीहरूको एक थर। |
| 21200 | गिरी | ना. | अरू शब्दका पछाडि लागेर काम, पेसा, इलम आदि अर्थ बुझाउने उत्तरपद ( कारिन्दागिरी, किसानगिरी, मोजगिरी इ.)। |