|
|
|
|
|
|---|---|---|---|
| 34651 | ट्याङ्का | ना. | फलाम आदिका पाताले बनाइएको बाकस; सन्दुक; ट्रङ्क। |
| 34652 | ट्याङ्की | ना. | पानी भर्नका निम्ति उपयोग गरिने, सादा जस्ता, टिन, पोलिथिन आदिद्वारा बनाइएको ठुलो भाँडो। |
| 34653 | ट्याङ्ङ | क्रि.वि. | कुनै साहो वस्तुमा हिर्काउँदा वा घण्टा आदि बज्दा आवाज आउने गरी। |
| 34654 | ट्यानरी | ना. | छाला राखिने ठाउँ; छालाकारखाना। |
| 34655 | ट्याप | ना. | १. औँलाले छाप लगाउने काम। |
| 34656 | ट्याप | ना. | २. मैथुन गर्ने काम |
| 34657 | ट्याप्प | क्रि.वि. | १. लेसाइलो वस्तुद्वारा दुई चिज मिल्ने वा टाँसिने गरी। |
| 34658 | ट्याप्प | क्रि.वि. | २. ठिकसित मिल्ने वा जोरिने भएर। |
| 34659 | ट्याप्प | क्रि.वि. | ३. रोकिने वा थुनिने चालले। |
| 34660 | ट्यामचरो | ना. | प्रहर प्रहर वा समय समयमा बास्ने चरो; भाले कुखुरो। |
| 34661 | ट्यामटर | ना. | हे. टमाटर। |
| 34662 | ट्यामट्याम | क्रि.वि. | ट्याम्कोजस्ता सानातिना बाजा बज्दा आवाज आउने गरी। |
| 34663 | ट्याम्के | वि. | १. ट्याम्को भिर्ने, बजाउने वा लिएर हिँड्ने। |
| 34664 | ट्याम्के | वि. | २. ट्याम्कोजस्तो; पुड्को र भुँडे। |
| 34665 | ट्याम्को | ना. | दमाहा जस्तै तर सानो, दुई गजाले बजाइने छाला मोहोरेको तालबाजा। |
| 34666 | ट्याम्पो | ना. | तीनवटा पाङ्ग्रा भएको, तीनचार जनादेखि दशबाह्र जनासम्म बस्न हुने, मिटर चढ्ने वा नचढ्ने सवारी गाडी। |
| 34667 | ट्याम्म | क्रि.वि. | १. ठिकसँग मिल्ने वा जोडिने गरी; ठ्याम्म; टम्म। |
| 34668 | ट्याम्म | क्रि.वि. | २. थुनिने वा बुजिने भएर। |
| 34669 | ट्यास्स | क्रि.वि. | १. करबलले वा मन नपरीकन ढोगेर। |
| 34670 | ट्यास्स | क्रि.वि. | २. कुनै वस्तु रखाइमा रिस देखाएर वा फन्केर राख्ने गरी; ठ्यास्स। |
| 34671 | ट्यास्स | क्रि.वि. | ३. भुईंमात्र छोएर बस्ने ढाँचाले; टुसुक्क। |
| 34672 | ट्यास्स | क्रि.वि. | ४. कुनै वस्तु अर्को वस्तुसँग अलि टाँसिएर; ठ्याप्प। |
| 34673 | ट्यास्स | क्रि.वि. | ५. टिको लाइदिँदा मन नलगाईकनै। |
| 34674 | ट्युब | ना. | १. मोटर, मोटरसाइकल, साइकल आदि पाङ्ग्रा हुने गाडीका टायरको भित्री भागमा रहने, हावा भरिने, रबरको थैलो। |
| 34675 | ट्युब | ना. | २. काँच आदिको लामो, सम्म परेको ढुङ्ग्रोजस्तो साधन। |
| 34676 | ट्रक | ना. | बढी वजन भएका र ठुलठुला मालसामान ओसारपसार गर्ने लरीभन्दा पनि ठुलो मोटर वा गाडी। |
| 34677 | ट्रङ्क | ना. | एक किसिमको फलामे सन्दुक; ट्याङ्का। |
| 34678 | ट्रङ्कल | ना. | दूरसञ्चारका माध्यमले आवश्यक शुल्क तिरेर टाढाटाढादेखि कुराकानी गर्न टेलिफोनमा मानिस डाक्ने काम; दूरसञ्चारको डाक बोलाउ। |
| 34679 | ट्रली | ना. | ट्रलीबस। |
| 34680 | ट्रलीपोल | ना. | ट्रलीबसलाई चलाउन बिजुली प्राप्त गराउने, बसको छानामा भएको, मुख्य तारसँग जोडिने, सिङजस्तो लामो भाग। |
| 34681 | ट्रलीबस | ना. | विद्युत्शक्तिको सहायतले चल्ने, धेरै जना बस्न हुने, लामो आकारको मोटर। |
| 34682 | ट्रस्ट | ना. | १. व्यक्ति, समाज वा राज्यले कुनै खास लक्ष्यलाई ध्यानमा राखी सो लक्ष्यको पूर्तिका निम्ति संस्था आदिको स्थापना गरी उक्त संस्थाको दैनन्दिनी क्रियाकलापका लागि मूलधन नमासिने गरी अचल खातासमेत खोल्ने व्यवस्था। |
| 34683 | ट्रस्ट | ना. | २. उक्त व्यवस्थाका निम्ति खोलिएको अचल खाता; गुठीधन। |
| 34684 | ट्रस्ट | ना. | ३. उक्त व्यवस्थाअन्तर्गत खोलिएको संस्था वा कार्यालय; गुठी। |
| 34685 | ट्रान्जिस्टर | ना. | बोकेर हिँड्न हुने, ब्याट्री हालेर बजाइने, सानो खालको रेडियो; श्रव्ययन्त्र। |
| 34686 | ट्रान्स | अव्य. | बेग्लो वा अर्कापट्टिको अर्थ दिने, उपसर्गका छाँटको अङ्ग्रेजी शब्द। |
| 34687 | ट्रान्सफरमर | ना. | एक किसिमको बिजुलीलाई अर्को किसिममा फेर्ने वा बिजुलीको पावर घटाउने बढाउने यन्त्रविशेष। |
| 34688 | ट्रान्सक्रिप्ट | ना. | लब्धाङ्क पत्र। |
| 34689 | ट्रान्समिटर | ना. | एक ठाउँबाट अर्को ठाउँसम्म पुऱ्याउने सन्देश प्रेषक यन्त्र। |
| 34690 | ट्रान्समिसन | ना. | टेलिफोन आदि कल गरिएको ठाउँसम्म कुरा जाने काम; सन्देश प्रेषण। |
| 34691 | ट्राम | ना. | लिगमा हिँड्ने, सानो रेलका आकारको सवारी गाडी। |
| 34692 | ट्रान्सवे | ना. | ट्राम हिँड्ने लिग भएको बाटो; ट्रामपथ। |
| 34693 | ट्रिक | ना. | कुनै स्वार्थसिद्धिका निम्ति गरिने उपाय; दाउपेच; चलाखी; जालझेल। |
| 34694 | ट्रे | ना. | चिया, सर्बत आदि ल्याउन घरेलु काममा उपयोग गरिने, काठ वा धातुको बिट भएको, एक प्रकारको थाली वा किस्ती। |
| 34695 | ट्रेडमार्क | ना. | व्यापारीले आफ्नो मालको परिचयका निम्ति मालमा टाँस्ने वा लगाउने विशेष चिह्न; व्यापारचिह्न; बेपार चिनो। |
| 34696 | ट्रेडल / ट्रेडिल | ना. | १. यन्त्रलाई खुट्टाले चलाउने भाग; पाउदान। |
| 34697 | ट्रेडल / ट्रेडिल | ना. | २. सानातिना छपाइको काममा उपयोग हुने, हात वा इन्जिनले नचलाई एक जनाले मात्र खुट्टाले चलाउने यन्त्र। |
| 34698 | ट्रेन | ना. | रेलगाडी; रेल। |
| 34699 | ट्र्याक केबुल | ना. | रोपवे क्यारियर गुड्ने मोटो तार। |
| 34700 | ट्र्याक्टर | ना. | १. जमिन जोत्नका निम्ति उपयोगी, इन्जिनले चल्ने हलो; हे. ट्याक्टर। |