|
|
|
|
|
|---|---|---|---|
| 43001 | दौडादौड | ना. | १. कामविशेषले यताउति दगुर्ने काम;दगुरादगुर; कुदाकुद; दौडधुप। |
| 43002 | दौडादौड | ना. | २. हतारपतार; हतपत; हडबड। |
| 43003 | दौडादौडी | ना. | दगुरादगुर; कुदाकुद; दौडादौड। |
| 43004 | दौडान | ना. | १. दौडने काम; दौडाइ। |
| 43005 | दौडान | ना. | २. कुनै काम सुरु भएपछि नसकिउन्जेलको समय। |
| 43006 | दौडान | ना. | ३. कुनै कामका गतिको तीव्रता वा वेग। |
| 43007 | दौडान | ना. | ४. क्रम; सिलसिला। |
| 43008 | दौडाहट | ना. | दौडने भाव, क्रिया वा प्रक्रिया; दौडाइ;दौड। |
| 43009 | दौडाहा | वि. | धेरै दगुर्ने स्वभावको; धेरै कुद्ने। |
| 43010 | दौडाहा | ना. | १. बराबर यताउति वा चारैतिर घुमफिर गर्ने काम वा अवस्था; भ्रमण; चक्कर। |
| 43011 | दौडाहा | ना. | २. आफ्ना मातहतका इलाकाहरूको जाँचबुझ वा रेखदेख गर्नाका निम्ति सम्बन्धित उच्च अधिकारीहरू घुम्न जाने काम। |
| 43012 | दौडाहा | ना. | ३. जिल्लाको स्थिति वा समस्या बुझी ठाडो कारबाई गर्न विशेष अधिकारसम्पन्न व्यक्ति वा समुदायलाई खटाउने काम। |
| 43013 | दौडाहा | ना. | ४. त्यस्तो कारबाई गर्न खटिई गएको व्यक्ति वा समुदाय। |
| 43014 | दौडाहा | ना. | ५. पहिलेपहिले मोफसलका मुद्दामामिला वा उजुबाजुर सुनी छिटो कारबाई गर्न केन्द्रबाट खटिएको अधिकारी वा अधिकारीवर्ग। |
| 43015 | दौडाहा | ना. | ६. बिचबिचमा कडा आक्रमण गर्ने रोग (हैजा, महामारी इ.)। |
| 43016 | दौडाहा इजलास | ना. | अधिकारप्राप्त व्यक्तिबाट सम्बन्धित इलाकाहरूमा घुमी मुद्दामामिला किनारा लगाउने अदालत; घुम्ती अदालत। |
| 43017 | दौडाहा दल | ना. | १. राणाशासनमा हरेक साल जिल्लाजिल्लाको परिस्थिति जाँचबुझ गर्न र परिआएका समस्याको निर्णय एवं समाधानका लागि श्री ३ ले आफ्ना भाइ वा छोराको मातहतमा जुटाएको दल। |
| 43018 | दौडाहा दल | ना. | २. जिल्लाजिल्लाको समस्या बुझी त्यहाँको उजुरबाजुरसमेत सुनेर न्याय दिन केन्द्रीय स्तरबाट खटिएका अधिकारीवर्ग। |
| 43019 | दौडिनु | अ.क्रि. | दौडने काम गरिनु; वेगसाथ हिँड्नु; कुद्नु। |
| 43020 | दौडी | वि. | दौडन सक्ने; दौडने। |
| 43021 | दौडी दत्त | वि. | साह्रै छिटो वा पत्त्याउनै नसकिने किसिमले हिँड्ने (व्यक्ति); अह्राउपह्राउ वा अन्य कारणले आवतजावत गरिरहने; साह्रै व्यस्त (व्यक्ति)। |
| 43022 | दौतिक | वि. | दूतसम्बन्धी; दूतसँग सम्बन्ध रहेको; दूतको। |
| 43023 | दौत्य | ना. | १. दूतले गर्ने काम वा कर्तव्य; दूतको काम वा स्वभाव। |
| 43024 | दौत्य | ना. | २. सन्देश; खबर। |
| 43025 | दौत्य सम्बन्ध | ना. | भिन्नभिन्न देशका बिचमा भएको मित्रता तथा सो आधारमा परस्परको सहमतिबाट राजदूत राख्ने गरी भएको राजनीतिक वा कुटनीतिक सम्बन्ध। |
| 43026 | दौरा | ना. | दायाँबायाँ कल्ली गाँसेर घुमाउरो फेर पारिएको, दायाँ र बायाँका तलमाथि चार ठाउँ तुना बाँधिने, दोबरी पारेर वा कठालो र फेरका भित्रपट्टि छेउमा सेप्टी लगाएर सिइएको, नेपालको राष्ट्रिय पोसाकमध्ये एक; लबेदा ; मयलपोस। |
| 43027 | दौरात्म्य | ना. | दुरात्मा हुनाको भाव वा अवस्था; दुष्टता। |
| 43028 | दौर्गत्य | ना. | दुर्गति भएको अवस्था वा भाव; दुर्दशा। |
| 43029 | दौर्बल्य | ना. | दुर्बल हुनाको भाव वा अवस्था; शारीरिक वा मानसिक कमजोरी; दुर्बलता। |
| 43030 | दौर्हृद / दौर्हृदय | ना. | १. दुष्ट हृदय हुनाको भाव वा अवस्था; मनको खराब भावना। |
| 43031 | दौर्हृद / दौर्हृदय | ना. | २. दुस्मनी; शत्रुता। |
| 43032 | दौर्हृद / दौर्हृदय | ना. | ३. गर्भवती स्त्रीलाई लाग्ने तलतल; दोहद। |
| 43033 | दौलत | ना. | १. आर्थिक मूल्य भएको तथा धनी र गरिबलाई छुट्ट्याउने सबै प्रकारका आधारवस्तु; धनसम्पत्ति; द्रव्य। |
| 43034 | दौलत | ना. | २. सानो भए पनि कुनै अमूल्य वा महत्त्वपूर्ण ठानिएको चिज ( लाक्षणिक अर्थमा)। |
| 43035 | दौलतवान् | वि. | प्रशस्त धनसम्पत्ति भएको; धनाढ्य; धनवान्। |
| 43036 | दौलथ | ना. | १. बल तथा बुद्धिको आर्जन। |
| 43037 | दौलथ | ना. | २. पुरुषार्थको सामर्थ्य; हबिगत। |
| 43038 | दौलथ | ना. | ३. दौलत। |
| 43039 | दौहित्र | ना. | छोरीको छोरो; दुहितापुत्र; नाति। |
| 43040 | दौहित्री | ना. | छोरीको छोरी; दुहिता पुत्री ; नातिनी। |
| 43041 | द्यावापृथ्वी | ना. | १. स्वर्ग र पृथ्वी। |
| 43042 | द्यावापृथ्वी | ना. | २. आकाश। |
| 43043 | द्यु | ना. | १. दिन; दिवस; दिउँसो। |
| 43044 | द्यु | ना. | २. स्वर्ग। |
| 43045 | द्यु | ना. | ३. आकाश। |
| 43046 | द्यु | ना. | ४. अग्नि; आगो। |
| 43047 | द्यु | ना. | ५. सूर्यलोक। |
| 43048 | द्युचर | वि. | १. आकाशमा विचरण गर्ने। ना. |
| 43049 | द्युचर | वि. | २. चरा। |
| 43050 | द्युचर | वि. | ३. ग्रह, नक्षत्र आदि। |