|
|
|
|
|
|---|---|---|---|
| 49901 | पदपूर्ति प्रश्न | ना. | बिच-बिचका पदहरू खाली छाडेर सो ठाउँमा पदपूर्ति गर्नका निम्ति सोधिने प्रश्न। |
| 49902 | पदबन्ध | ना. | पद वा शब्दहरूको समूह; हे. पदावली। |
| 49903 | पदबिरी | ना. | पाँचदेखि पन्ध्र सेन्टिमिटरसम्म लामा र डल्लादेखि भालाकारसम्म पात हुने; बैजनी वा गुलाफी भावका फूल फुल्ने र अण्डाकार राता वा काला फल फल्ने एक जातको लहरो। (आयुर्वेदमा यसका पातलाई पौष्टिक बताइएको छ।) |
| 49904 | पदभेद | ना. | नाम, सर्वनाम आदि पदका विभिन्न प्रकार; शब्दभेद; पदकोटि। |
| 49905 | पदम | ना. | १. कमलको फूल; पद्म। |
| 49906 | पदम | ना. | २. आरती- स्याउँलीमा टपरीमा पिठो गिलो पारेर बनाइने कमलको बुट्टा। |
| 49907 | पदमचाल/चाल्नु | ना. | १. कर्कलाका आकारका ठुला पात, खैरा फल, हरियोमा खैरा र पहेँला टीका परेका फूल र पहेँलो ठुलो कन्द हुने, लेकाली जङ्गलमा पाइने एक बुटी; पद्मचारिणी। |
| 49908 | पदमचाल/चाल्नु | ना. | २. आयुर्वेदमा अजीर्ण, अतिसार तथा अरुचि नाश गर्ने र हलुको जुलाफ हुने गुण बताइएको त्यसैको अमिलो र ठुलो कन्द। |
| 49909 | पदमपुष्कर | ना. | तेह्रदेखि तिस सेन्टिमिटर अग्लो, लामा- लामा दाँती परेका पात हुने, पहेँलो फूल फुल्ने, डल्ला र लामा फल फल्ने, हिमाली प्रदेशमा हुने एक जातको बुटी। (आयुर्वेदमा यसको जरो पित्तनाशक र पिसाबसम्बन्धी रोगमा हितकारी बताइएको छ। ) |
| 49910 | पदमिलान | ना. | वाक्यमा उल्टोपाल्टो परेर रहेका पदहरूलाई ठिक-ठिक ठाउँमा मिलाउने काम; पदन्यास। |
| 49911 | पदमिलान प्रश्न | ना. | कुनै वाक्य वा गद्यांशका पदहरूलाई उल्टोपाल्टो पारेर विद्यार्थीहरूलाई वाक्यमा पदविन्याससम्बन्धी ज्ञान भए-नभएको जाँच्नका निम्ति बनाइने प्रश्न। |
| 49912 | पदमुक्त | वि. | आफ्नो पद वा स्थान छाडेको वा त्यसबाट हटेको (व्यक्ति)। |
| 49913 | पदमुक्ति | ना. | कुनै पद वा दर्जाबाट छुटाउने काम; नोकरी खोसिने क्रिया; बर्खास्तगी; खोसुवा। |
| 49914 | पदमैत्री | ना. | १. विषयअनुसारका पदहरूको कुनै लेख वा छन्दमा गरिने योजना; पदविन्यास। |
| 49915 | पदमैत्री | ना. | २. वाक्य वा छन्दका आदि, मध्य र अन्तमा चमत्कारपूर्ण पदहरूको योजना गर्ने काम; अनुप्रास। |
| 49916 | पदमोचन | ना. | कुनै पद वा कर्तव्यबाट छुटकारा पाउने काम; पद छाड्ने वा छोडाउने क्रिया; खोसुवा वा राजीनामा। |
| 49917 | पदयोजना | ना. | १. कुनै लेख वा कवितामा विषयअनुसार भाववाही गुण भएका शब्दहरू राख्ने काम। |
| 49918 | पदयोजना | ना. | २. गद्य-रचनामा व्याकरणका नियमअनुसार पदहरूको संयोजन गर्ने काम; पदन्यास। |
| 49919 | पदलोलुप | वि. | दर्जा वा पद पाउनका निम्ति अत्यन्त लोभ गर्ने; पदको लोभी; ओहदामुखी। |
| 49920 | पदलोलुपता | ना. | पदलोलुप हुनाको भाव, क्रिया वा स्थिति। |
| 49921 | पदवि | ना. | हे. पदवी; दर्जा। |
| 49922 | पदविच्छेद | ना. | समास वा सन्धि भएका पदहरूलाई अलग- अलग छुट्ट्याउने काम। |
| 49923 | पदविराम | ना. | गद्य वा पद्यसम्बन्धी वाक्य स्पष्ट गराउन खास- खास ठाउँमा हुने विराम वा यति। |
| 49924 | पदविराम चिह्न | ना. | पद, वाक्यांश वा चरणका अन्तमा विश्राम गरिने कुरा बुझाउन प्रयोग गरिने चिह्न; कमा (,); अल्पविराम (;)। |
| 49925 | पदवी | ना. | १. कुनै व्यक्तिलाई योग्यताअनुसार सरकार वा अन्य कुनै संस्थाबाट दिइने उच्च पद वा सम्मानित उपाधि। |
| 49926 | पदवी | ना. | २. प्रतिष्ठासूचक पद; दर्जा; ओहदा। |
| 49927 | पदव्याख्या | ना. | कुनै पद वा शब्दको भेद, वचन, लिङ्ग, पुरुष र वाक्यमा त्यसको अन्य शब्दका साथमा रहेको सम्बन्ध देखाउने काम। |
| 49928 | पद शिक्षार्थी | वि. | नोकरी पाउने आशाले कम तलब वा विनातलबमा काम सिक्ने व्यक्ति; सिकारु उम्मेदवार (अप्रेन्टिस )। |
| 49929 | पदसङ्गति | ना. | वाक्यमा व्याकरणका नियमअनुसार लिङ्ग, वचन र पुरुषसम्बन्धी पदहरू मिलाएर राख्ने काम। |
| 49930 | पदसङ्घात | ना. | १. संहितामा छुट्टिएका पदहरू मिलाउने काम। |
| 49931 | पदसङ्घात | ना. | २. टीका; व्याख्या। |
| 49932 | पदसूचक | वि. | पद जनाउने; पदको बोध गराउने। |
| 49933 | पदसूचक चिह्न | ना. | राजा, मन्त्री र अरू सरकारी प्रमुख कर्मचारी वा अधिकारीका पदको ज्ञान गराउने विशेष चिह्न (श्रीपेच, झन्डा, पट्टा, बिल्ला, पगरी, तोडा, ब्याज आदि)। |
| 49934 | पदस्थापन | ना. | १. लिखित परीक्षा तथा अन्तर्वार्तामा उत्तीर्ण भई कुनै पदमा छानिएका उम्मेदवारहरूलाई कुनै निश्चित ठाउँमा काम गर्ने गरी बहाली गर्ने कार्य (पोस्टिङ)। |
| 49935 | पदस्थापन | ना. | २. पदको स्थापना; दरबन्दी। |
| 49936 | पदाइ | ना. | पाद्ने क्रिया वा प्रक्रिया। |
| 49937 | पदाइनु | क.क्रि. | १. पाद्न लगाइनु; पाद्ने पारिनु। |
| 49938 | पदाइनु | क.क्रि. | २. हाराबारा खेलाइनु। |
| 49939 | पदाउनु | प्रे. क्रि. | १. पाद्न लगाउनु; पाद्ने पार्नु। स.क्रि. |
| 49940 | पदाउनु | प्रे. क्रि. | २. आच्छु-आच्छु खेलाउनु; मुस्किल पार्नु। |
| 49941 | पदाउनु | प्रे. क्रि. | ३. सास्ती दिनु, कष्ट दिनु। |
| 49942 | पदाउनु | प्रे. क्रि. | ४. डन्डीबियोका खेलमा जित्नेले हार्नेलाई 'बजी' भन्दै दौडाउनु; खेद्नु। |
| 49943 | पदाक्रान्त | वि. | गोडाले कुल्चिएको; खुट्टाले थिचिएको; पाउले खुँदेको; पददलित। |
| 49944 | पदाघात | ना. | लात्तीले हान्ने काम; पदप्रहार; लात्तीले भकुर्ने काम; लत्याइ। |
| 49945 | पदाति | ना. | पैदल हिँड्ने सिपाही; पैदल सैनिक; पत्ति। |
| 49946 | पदाधिकार | ना. | कुनै पदमा रहेका अधिकारीले प्रयोग गर्न पाउने अधिकार; अधिकारीमा निहित अधिकार। |
| 49947 | पदाधिकारी | वि | कुनै पदमा रहेर वा नियुक्त भएर अधिकारपूर्वक काम गर्ने अधिकारी; ओहदादार। |
| 49948 | पदान्त | ना. | १. पदको अन्तिम भाग। |
| 49949 | पदान्त | ना. | २. कुनै श्लोक वाद्यका चरणको अन्तिम भाग। |
| 49950 | पदारूढ | वि | पदमा रहेको; पदासीन। |