|
|
|
|
|
|
|---|---|---|---|---|
| 86301 | समर्थन पुस्तिका | ना. | पासबुक। | |
| 86302 | समर्थनीय | वि. | समर्थन गर्न योग्य; अनुमोदन गर्न उचित। | |
| 86303 | समर्थ मानव | ना. | नृतत्त्वका दक्षिणी नरवानर र लुप्तशृङ्खला। | |
| 86304 | समर्थित | वि. | समर्थन वा पुष्टि गरिएको; ठिक छ वा गर्नुपर्छ भनी सिद्ध गरिएको; अनुमोदित। | |
| 86305 | समर्पक | वि. | श्रद्धापूर्वक दिने वा चढाउने; समर्पण गर्ने। | |
| 86306 | समर्पण | ना. | १. श्रद्धासाथ कसैलाई कुनै चिज दिने वा चढाउने काम; आदरपूर्वकको अर्पण। | |
| 86307 | समर्पण | ना. | २. आफ्नो अधिकार, स्वामित्व आदि अरू कसैलाई दिने वा सुम्पने काम। | |
| 86308 | समर्पित | वि. | १. समर्पण गरिएको; चढाइएको। | |
| 86309 | समर्पित | वि. | २. सुम्पिएको। | |
| 86310 | समवकार | ना. | पुराणइतिहास आदिसित सम्बन्धित कुनै देवता वा असुरको कथा भएको, विमर्श सन्धिबाहेक अन्य चारैवटा सन्धि हुने र वीररसप्रधान, तीनअङ्के रूपक; एक प्रकारको पूर्णाङ्की रूपक; एक प्रकारको पूर्णाङ्की नाटक। | |
| 86311 | समवयस्क | वि. | समान वा एउटै उमेरको; उमेरमिल्दो; दौँतरी। | |
| 86312 | समवर्ती | वि. | सँगसँगै हुने, रहने वा चल्ने; बराबरीको दाँजोमा रहेको। | |
| 86313 | समवाय | ना. | १. समुदाय; समूह; जमात; समष्टि। | |
| 86314 | समवाय | ना. | २. घनिष्ठ सम्बन्ध; अटुट साइनो | |
| 86315 | समवाय | ना. | ३. गहिरो मेल वा मिलाप; अविच्छिन्न संयोग। | |
| 86316 | समवितरण | ना. | खाद्यान्न वा वस्त्रादिको कमी भएका नागरिकहरूलाई प्रतिदिन, प्रतिसप्ताह वा प्रतिमासका लागि निर्धारित वस्तुहरू समान मात्रामा वितरण गर्ने कार्य वा व्यवस्था। | |
| 86317 | समवेत | वि. | १. एकत्र भएको; जोरिएको; सम्मिलित। | |
| 86318 | समवेत | वि. | २. घनिष्ठता वा अभेद्य रूपले सम्बन्धित; अन्तर्भूत। | |
| 86319 | समवेदना | ना. | १. आफन्तहरू मित्रवर्ग वा परिचित कसैलाई स्वजनको मृत्युवियोग, दुःखविपद् आदि पर्दा आफूलाई पनि हुने त्यस्तै वेदना वा दुःखको अनुभव। | |
| 86320 | समवेदना | ना. | २. त्यस्तो वेदना वा दुःखको अनुभव हुँदा प्रकट गरिने भाव; सहानुभूति। | |
| 86321 | समवेदना सन्देश | ना. | शोकाकुल व्यक्ति वा परिवारलाई पठाइने समवेदना वा दुःखयुक्त सन्देश। | |
| 86322 | समशीतोष्ण | वि. | शीत र उष्म सम भएको; ज्यादा गर्मी पनि नहुने र ज्यादा ठन्डा पनि नहुने। | |
| 86323 | समशीतोष्ण कटिबन्ध | ना. | भूमध्यरेखादेखि साढे तेइस र साढे छयसट्ठी अंशका बिचमा पर्ने, शीत र उष्म समान भएको, उत्तर र दक्षिणका दुई भाग। | |
| 86324 | समष्टि | ना. | उस्तै खालका वा भएभरका वस्तुहरूको मेल; व्यक्तिको समूह वा जमात। | |
| 86325 | समष्टिमूलक | वि. | मूल रूपमा समष्टि भएको; समष्टिको प्रमुखता हुने। | |
| 86326 | समष्टिवाद | ना. | व्यक्तिलाई प्रधानता नदिई सामाजिक र सामूहिक नियन्त्रण नै मानवीय विकासका निम्ति अनिवार्य मानिने तथा देशको शासनव्यवस्था वा सम्पूर्ण उत्पादन र उत्पादित वस्तुहरूको अधिकार समष्टि रूपमा जनताको हातमा हुनुपर्छ भन्ने राजनीतिक सिद्धान्त वा विचारधारा। | |
| 86327 | समष्टिवादी | वि. | समष्टिवादसम्बन्धी; समष्टिवादलाई मान्ने। | |
| 86328 | समसमागमी | ना. | समलिङ्गीहरूका बिच यौनक्रीडा गर्नेहरूको वर्ग। | |
| 86329 | समसाँझै | क्रि.वि. | साँझ पर्न लाग्दा; मध्य साँझमा। | |
| 86330 | समसामयिक | वि. | एकै समयको वा एकै समयसित सम्बन्धित; उही वेलाको (जस्तो- समसामयिक परिस्थिति, समसामयिक पत्रिका, समसामयिक लेखक इ.)। | |
| 86331 | समसेर | ना. | १. तरबार। | |
| 86332 | समसेर | ना. | २. राणापरिवारका पुरुष व्यक्तिहरूले नामको पछाडि जोर्ने शब्द (जस्तो- देवशमशेर, चन्द्रशमशेर, जुद्धशमशेर इ.)। | |
| 86333 | समस्त | वि. | १. जे-जति छ सबै; सम्पूर्ण; तमाम; सारा। | |
| 86334 | समस्त | वि. | २. पूर्णतः गाँसिएको वा मिसिएको; संयुक्त। | |
| 86335 | समस्तर | ना. | वर्ग, स्थिति, गुण, आवश्यकता आदि दृष्टिले समान स्तर; बराबरी वा एकनासको तह। (उदा.- बजारभाउ नियन्त्रण गर्न मालको मूल्यमा समस्तर-निर्धारणको आवश्यकता छ)। | |
| 86336 | समस्तर निर्धारण | ना. | भिन्नभिन्न शिक्षणसंस्थाबाट पढेर आएका शिक्षार्थीहरूको डिग्रीलाई तत्सम्बन्धी पाठ्यक्रम अध्ययन गरी खास तहअनुरूपको हो भनी तोकिदिने प्रक्रिया। | |
| 86337 | समस्थल | वि. | होचो अग्लो नभएको; सम्म परेको; समथर। | |
| 86338 | समस्या | ना. | १. समाधान गर्न गाह्रो पर्ने वा कुनै रूपबाट पनि समाधान निकाली तामिल गर्नुपर्ने कुरो; जटिल अवस्था। | |
| 86339 | समस्या | ना. | २. गाँठो फुकाउनुपर्ने कुनै विषय वा कुरो; अड्को। | |
| 86340 | समस्या | ना. | ३. कल्पना तथा भाव भरी छन्द पूरा गर्नका लागि कविहरूलाई दिइने कविताको एक अंश वा विषय। | |
| 86341 | समस्यापूर्ति | ना. | समस्या दिइएको कुनै विषय वा अंशलाई आफ्ना शब्द तथा वाक्यद्वारा स्पष्ट पारी विभिन्न पाद बनाएर पूरा गर्ने काम। | |
| 86342 | समाइ | ना. | समाउने भाव, क्रिया वा प्रक्रिया। | |
| 86343 | समाइनु | क.क्रि. | समाउने काम गरिनु; समातिनु। | |
| 86344 | समाउनु | स.क्रि. | १. कसैले दिएको कुरा लिनु; ग्रहण गर्नु; समात्नु। | |
| 86345 | समाउनु | स.क्रि. | २. कुनै वस्तु वा व्यक्तिलाई हातले वा अन्य साधनले नफुस्कने पार्नु; पक्रनु। | |
| 86346 | समाउनु | स.क्रि. | ३. प्रहरीले कुनै अभियोगमा कसैलाई पक्रनु। | |
| 86347 | समाउनु | स.क्रि. | ४. स्वीकार गर्नु; अँगाल्नु। | |
| 86348 | समाकलन | ना. | राम्रोसँग गणना गर्ने वा तथ्याङ्क मिलाउने काम। | |
| 86349 | समाकुल | वि. | १. साह्रै घबडाएको; ज्यादै आकुल। | |
| 86350 | समाकुल | वि. | २. घुइँचो भएको; भरिभराउ। |