|
|
|
|
|
|---|---|---|---|
| 67251 | भ्रम | ना. | १. कुनै विषयवस्तुलाई अर्कै सम्झने स्थिति वा प्रक्रिया; मिथ्या ज्ञान; गलत आभास। |
| 67252 | भ्रम | ना. | २. शङ्का; सन्देह। |
| 67253 | भ्रम | ना. | ३. भुल; बिराम। |
| 67254 | भ्रम जाल | ना. | वेदान्तवादीहरूले जीवन र जगत्लाई भ्रम ठान्ने काम; मायाजाल; मोहपाश। |
| 67255 | भ्रम निवारण | ना. | धुकचुक नरहेको अवस्था; भ्रम हटाउने काम। |
| 67256 | भ्रमण | ना. | १. घुमफिर वा डुलफिर गर्ने काम; नजिक वा टाढाको आइजाइ। |
| 67257 | भ्रमण | ना. | २. देशदेशावरको विचरण; देशाटन। |
| 67258 | भ्रमण | ना. | ३. यात्रा; सफर। |
| 67259 | भ्रमण आदेश | ना. | कार्यालयले कसैलाई आवश्यक काममा कतै खटाउँदा यति समयसम्म यस - यस साधनद्वारा यहाँसम्म जाने भनी भत्तासमेत दिई प्रदान गरिने औपचारिक पत्र; भ्रमणको अनुमति प्रमाणित गर्ने कागत। |
| 67260 | भ्रमण केन्द्र | ना. | पर्यटकहरूलाई आकर्षित पार्न सक्ने ठाउँ; पर्यटकले मूल केन्द्र मानेको ठाउँ। |
| 67261 | भ्रमण पेस्की | ना. | कार्यालयद्वारा कसैलाई भ्रमणमा पठाउँदा अग्रिम रूपमा दिइने रकम; भ्रमणमा जानुअगावै पाइने रकम। |
| 67262 | भ्रमण भत्ता | ना. | काज खटिई जाने व्यक्तिले नियमबमोजिम पाउने भ्रमणका अवधिको थप सुविधा; काजभात्त। |
| 67263 | भ्रमण साधन | ना. | भ्रमण गर्दा प्रयोग गरिने रेल, मोटर, हवाईजहाज, पैदाल आदि साधन। |
| 67264 | भ्रममूलक | वि. | मूल रूपमा भ्रम पार्ने; भ्रमका कारणले उब्जिएको। |
| 67265 | भ्रमर | ना. | भमरो; भँवरो। |
| 67266 | भ्रमात्मक | वि. | १. भ्रम उत्पन्न भएको; भ्रममूलक; भ्रम पैदा गर्ने। |
| 67267 | भ्रमात्मकता | ना. | भ्रमात्मक हुनाको भाव वा स्थिति। |
| 67268 | भ्रमित | वि. | १. फनफनी घुमेको; चक्कराएको। |
| 67269 | भ्रमित | वि. | २. भ्रममा परेको; भुल परेको। |
| 67270 | भ्रमी | वि. | १. चक्कर लाउने; फनफनी घुम्ने। |
| 67271 | भ्रमी | वि. | २. भ्रममा परेको; चक्कराएको। |
| 67272 | भ्रष्ट | वि. | १. कहीँबाट फ्यात्त खसेको; च्युत भएको; गिरेको। |
| 67273 | भ्रष्ट | वि. | २. आचरण र अनुशासनबाट तल झरेको; दुश्चरित्र। |
| 67274 | भ्रष्ट | वि. | ३. अपवित्र; दूषित। |
| 67275 | भ्रष्ट | वि. | ४. बिग्रेको; विनाश भएको। |
| 67276 | भ्रष्टा | ना. | चरित्र वा आचरण भ्रष्ट भएकी नारी; दुश्चरित्र स्त्री; कुलटा। |
| 67277 | भ्रष्टाचरण | ना. | नीतिनियमले मनाही गरेको व्यवहार; कानुनले निषेध गरेको आचरण; दुराचरण। |
| 67278 | भ्रष्टाचार | ना. | १. पतित आचरण; दूषित मर्यादा। |
| 67279 | भ्रष्टाचार | ना. | २. नियम वा कानुनविरुद्ध नैतिक पतन हुने काम गरी घुस खाई पक्षपातपूर्ण निर्णय र व्यवहार गर्ने काम; भ्रष्ट मनसाय वा घुसखोरीको काम। |
| 67280 | भ्रष्टाचार निवारण | ना. | भौतिक वा नैतिक रूपमा हुने भ्रष्टाचारलाई रोक्ने काम; घुसखोरी र अवैध व्यवहार हुने वातावरणलाई हटाउने काम। |
| 67281 | भ्रष्टाचार निवारण आयोग | ना. | प्रशासनिक क्षेत्रबाट हुने भ्रष्टाचार, ढिलासुस्ती, घुसखोरी आदि निवारण गर्ने उद्देश्यले पहिले गठित विशेष समिति। |
| 67282 | भ्रष्टाचारी | वि. | भ्रष्टाचार गर्ने आचरण भएको; नैतिक र भौतिक दुवै रूपमा आचरणको पतन भएको। |
| 67283 | भ्राता | ना. | १. एकै गर्भबाट वा एउटै बाबुका छोरा भएर जन्मेका दाजु वा भाइ; सहोदर दाजु वा भाइ। |
| 67284 | भ्राता | ना. | २. बन्धुवर्ग। |
| 67285 | भ्राता | ना. | ३. समान स्तरका पुरुषलाई सम्बोधन गरिने शब्द। |
| 67286 | भ्रातृ | ना. | हे. भ्राता। |
| 67287 | भ्रातृक | वि. | दाजु वा भाइ भएको (जस्तै- सभ्रातृक)। |
| 67288 | भ्रातृज | ना. | १. भतिजो। |
| 67289 | भ्रातृज | ना. | २. भदो। |
| 67290 | भ्रातृजाया | ना. | १. दाजु वा भाइकी पत्नी। |
| 67291 | भ्रातृजाया | ना. | २. भाउजू वा बुहारी। |
| 67292 | भ्रातृत्व | ना. | दाजुभाइमा रहने आत्मीयता; भ्रातृभावको सम्बन्ध। |
| 67293 | भ्रातृ द्वितीया | ना. | कार्तिक शुक्लपक्षको द्वितीया; भाइटिका; भाइतिहार। |
| 67294 | भ्रातृभाव | ना. | दाजुभाइमा रहने आत्मीय स्नेह; भ्रातृत्व। |
| 67295 | भ्रान्त | वि. | १. भुलेको; भ्रममा परेको। |
| 67296 | भ्रान्त | वि. | २. देशदेशावर घुमफिर गरेको; चक्कर खाएको; घुमेको। |
| 67297 | भ्रान्तापहनुति | ना. | भ्रम पर्दा भ्रम हटाउका लागि सत्य कुरा बताउँदा हुने एक काव्यालङ्कार; अपह्नुति अलङ्कारको एक भेद। |
| 67298 | भ्रान्ति | ना. | १. कुनै कुरो देख्दा वा सुन्दा त्यस्तै अर्को कुराको भान हुने अवस्था; कुनै कुराको आभास। |
| 67299 | भ्रान्ति | ना. | २. चक्कर; भ्रमण; घुमफिर। |
| 67300 | भ्रान्ति | ना. | ३. मानसिक असन्तुलनबाट आउने भ्रम। |