|
|
|
|
|
|---|---|---|---|
| 69851 | मानव पूर्वकाल | ना. | नृतत्त्वशास्त्रअनुसार किनिया नर- वानर र त्यसभन्दा पहिलेको समय। |
| 69852 | मानव बस्ती | ना. | मानिसको बसोबास भएको भूक्षेत्र। |
| 69853 | मानव युग | ना. | १. नृतत्त्वशास्त्रअनुसार पृथ्वीमा पहिलोपल्ट मानवको सृष्टि प्रारम्भ हुन थालेको युग; आजभन्दा पचासदेखि चालिस लाख वर्षपहिले प्रारम्भ भएको युग। |
| 69854 | मानव युग | ना. | २. प्रातिनूतनाश्मको समस्त भाग वा हिमकल्पको समस्त भागलाई भनिने युग। |
| 69855 | मानवशास्त्र | ना. | १. मानवजातिको उत्पत्ति, प्रकार, गुण, स्वभाव, संस्कृति आदिको अध्ययन गर्ने एक शास्त्र; नृतत्त्वशास्त्र; नृवंशशास्त्र। |
| 69856 | मानवशास्त्र | ना. | २. मूलतः मानवजातिको उन्नतिप्रगतिमा सहायक हुने इतिहास, दर्शन, पुरातत्त्व, दर्शन, मनोविज्ञान, अर्थशास्त्र, राजनीति, साहित्य आदिसित सम्बन्ध राख्ने सबै शास्त्रविषय। |
| 69857 | मानवानुगुण | ना. | नृतत्त्वशास्त्रअनुसार नरवानरानुगणभित्र पर्ने सङ्कीर्णनास भएकामध्ये अपुच्छको गणनामा आउने मानव र त्यससँग मिल्ने प्राणीको समूह। |
| 69858 | मानविकी | ना. | शिक्षाशास्त्रीय वर्गीकरणका दृष्टिले मानिसका विचार, सम्बन्ध आदिसँग सम्बन्धित ज्ञानहरूमध्ये दर्शन, भाषा, साहित्य, कला, भूगोल, गणित, इतिहास आदिसँग सम्बन्धित शाखा। |
| 69859 | मानविकी र सामाजिक शास्त्र | ना. | मानविकी र राजनैतिक, आर्थिक, सामाजिक आदि शास्त्रहरूको समुदाय। |
| 69860 | मानविकी र सामाजिक शास्त्र अध्ययन संस्थान | ना. | उक्त समुदायको पठनपाठनसँग सम्बन्धित संस्था। |
| 69861 | मानवीकरण | ना. | कुनै वस्तुलाई मानवको रूप दिनाको भाव तथा प्रक्रिया वा मानवका रूपमा कल्पित तथा प्रस्तावित गर्ने काम। |
| 69862 | मानवीय | वि. | १. मानवसम्बन्धी; मानव वा मनुष्यको। |
| 69863 | मानवीय | वि. | २. मानिस भएर गरिने; मनुष्योचित। |
| 69864 | मानवीय तत्त्व | ना. | मानिसमा हुनुपर्ने गुण वा वैशिष्ट्य। |
| 69865 | मानस | ना. | १. अनुभव र अनुभूति तथा विचार र संवेदना आदि हुने, मानिसमा रहेको आन्तरिक सत्ता; मन; हृदय। |
| 69866 | मानस | ना. | २. मानसरोवर। |
| 69867 | मानस | ना. | ३. तुलसीदासकृत रामायण (रामचरितमानस)। वि. |
| 69868 | मानस | ना. | ४. मनसँग सम्बन्ध राख्ने; मानसिक। |
| 69869 | मानसपुत्र | ना. | इच्छाले मात्र उत्पन्न सन्तति; कल्पित पुत्र। |
| 69870 | मानसपूजा | ना. | लौकिक विधि नअँगाली मनद्वारा नै सबै कृत्य गरिने पूजा। |
| 69871 | मानसरोवर | ना. | १. हिमालमा कैलास पर्वतमुनि रहेको ठुलो र पवित्र तीर्थ मानिने एक प्रसिद्ध दह। |
| 69872 | मानसरोवर | ना. | २. हठयोगमा शरीरभित्र कल्पना गरिएको अमृतरूपी भावसरोवर वा सो रहने स्थान। |
| 69873 | मानसिक | वि. | १. मनसम्बन्धी; मनसँग सम्बन्ध राख्ने; मानस; आत्मिक। |
| 69874 | मानसिक आघात | ना. | १. मनमा परेको आघात वा चोट। |
| 69875 | मानसिकता | ना. | मानसमा हुने भाव, गुण वा स्थिति; आत्मिकता। |
| 69876 | मानसी | वि. | १. मनसम्बन्धी; मानसिक; मनको। |
| 69877 | मानसी | वि. | २. मनैमन हुने (आराधना; पूजा इ.)। |
| 69878 | मानहानि | ना. | कसैको इज्जत, प्रतिष्ठा आदिमा क्षति पुऱ्याउने काम; मानभङ्ग; बेइज्जती; अपमान। |
| 69879 | माना | ना. | १. दश मुठी बराबरको अनाज आदि भर्ने भाँडो; मानु। वि. |
| 69880 | माना | ना. | २. दश मुठीको परिमाण भएको। |
| 69881 | मानाङ्क | ना. | लिच्छवि राजा मानदेवले प्रचलनमा ल्याएको टक; मानाङ्क-मुद्रा। |
| 69882 | मानाङ्क मुद्रा | ना. | मानाङ्क। |
| 69883 | मानाचामल | ना. | १. कुनै विशेष स्थितिमा अरूलाई जीवननिर्वाह वा पेटपालोका निम्ति दिइने खर्च, वृत्ति वा सिधा; पेटिया। |
| 69884 | मानाचामल | ना. | २. सरकारको सेवामा विशेष रूपले संलग्न भारदारका वंशज तथा उच्च खानदानका व्यक्तिलाई जीवन-निर्वाहका लागि दिइने र निजको मृत्युपछि सो जग्गा रैकरमा परिणत गरिने एक प्रकारको पुरानो बिर्ताप्रथा; खुवा बिर्ता। |
| 69885 | मानापाथी | ना. | मानु र पाथी वा त्यति परिमाणको वस्तु। |
| 69886 | मानार्थ | वि. | मानका निम्तिको; मानको खातिर। |
| 69887 | मानार्थ उपाधि | ना. | खास प्राज्ञिक आवश्यकताका लागि तयारी भएका पाठ्यांशहरू पूरा नगरी कुनै खास क्षेत्रमा महत्त्वपूर्ण सफलता हासिल गरेको व्यक्तिलाई सम्मान गर्न दिइने डिग्री वा उपाधि। |
| 69888 | मानार्थ सदस्य | ना. | मानार्थ दिइने सदस्यपद। |
| 69889 | मानिक | ना. | लालमणि। |
| 69890 | मानिका | ना. | १. एक प्रकारको रक्सी। |
| 69891 | मानिका | ना. | २. आठ पल वा साठी तोलाको तौल वा परिमाण। |
| 69892 | मानिका | ना. | ३. लिच्छविकालीन प्रचलनमा एक मुरीजतिको नापो। |
| 69893 | मानिका कर | ना. | पूरा उब्जनीको छैटौँ भाग लिइने एक प्रकारको पुरानो भूमिकर। |
| 69894 | मानिता | ना. | १. मान्यता; सम्मान; आदर; मानभाउ। |
| 69895 | मानिता | ना. | २. स्वाभिमान; गौरव। |
| 69896 | मानिनु | क.क्रि. | मान गरिनु; पुजिनु। |
| 69897 | मानिस | ना. | जैविक जातिमा मस्तिष्क तथा बुद्धिबलका कारणले सबैभन्दा श्रेष्ठ, विकसित तथा चेतनशील रूपमा रहेको र श्रमलाई सरल तथा सुगम तुल्याउन आवश्यकताअनुसार हतियारको निर्माण तथा प्रयोगसमेत गर्ने स्तनपायीवर्गको दुईखुट्टे प्राणी; मनुष्य; मान्छे। |
| 69898 | मानी१ | ना. | चार पाथीको परिमाण। |
| 69899 | मानी२ | वि. | १. कुनै मान वा कुराको अभिमान गर्ने, अभिमानी; अहङ्कारी; घमन्डी। |
| 69900 | मानी२ | वि. | २. मान भएको वा मान पाउने; प्रतिष्ठित; इज्जतदार। |