|
|
|
|
|
|---|---|---|---|
| 70901 | मुङ्ग्रे कोदो | ना. | बोट अलि सानो भई बाला ठाडो हुने एक जातको कोदो वा त्यसैको बोट। |
| 70902 | मुङ्ग्रेलो | ना. | ज्वानुका छाँटका काला गेडा हुने एक प्रकारको जिरो; कालो जरो; कलौँजी | |
| 70903 | मुङ्ग्रो | ना. | १. लुगा धुँदा पिट्ने वा कीला आदि ठोक्ने काठको हाते साधन। |
| 70904 | मुङ्ग्रो | ना. | २. छाडा गाईभैँसीका घाँटीमा अघिल्तिरका खुट्टा ठोकिएर कुद्न नहुने गरी बाँध्ने काठको डन्डी। |
| 70905 | मुङ्ग्रो | ना. | ३. एक खालको पुरानो हतियार; मुद्गर। |
| 70906 | मुङ्लेरी | ना. | विवाह आदि कार्यमा मङ्गलगीत गाउने आइमाई। |
| 70907 | मुङ्सिर | ना. | मङ्सिर; मार्ग। |
| 70908 | मुङ्सिरे | ना. | मङ्सिरमा दाइँ गर्दा गाइने एक लोकगीत; मङ्सिरे; राशिगीत। |
| 70909 | मुचकुन्द/मुचुकुन्द | ना. | १. मान्धाताका पुत्र प्राचीन एक तपस्वी राजा। |
| 70910 | मुचकुन्द/मुचुकुन्द | ना. | २. ठुलठुला खस्रा पात हुने, झुस भएका पहेँला ठुलठुला फूल फुल्ने र लाम्चा खैरा फल फल्ने एक वृक्षविशेष; सोही वृक्षको फूल। |
| 70911 | मुचुमुचु | ना. | १. चाम्रो वस्तु (चुइगम आदि) को चपाइको चाल वा ध्वनि। क्रि.वि. |
| 70912 | मुचुमुचु | ना. | २. त्यस्तो वस्तु चपाइरहने गरी। |
| 70913 | मुचुल्का | ना. | सरजमिन हुँदा कसैले कुनै कामकारबाई भएबापत आफूले जानेसुनेको बयान लेखिदिएको कागज; सरजमिनका मानिसहरूले लेखिदिएको बयानको कागज। |
| 70914 | मुचो | ना. | १. मुठो; झुप्पो। |
| 70915 | मुचो | ना. | २. साँचोको पूरक, जस्तै- साँचोमुचो। |
| 70916 | मुछ्नु | स.क्रि. | १. रसदार पदार्थमा मिलाएर खाइने खानेकुरालाई मासमिस गर्नु; सरोबर वा सालेमाले पार्नु (दालभात, दुधभात, दहीचिउरा आदि)। |
| 70917 | मुछ्नु | स.क्रि. | २. कुनै दोष वा अपराधमा आरोपित गर्नु; बोर्नु। |
| 70918 | मुछमाछ | ना. | सबै मुछ्नेवर्ने काम। |
| 70919 | मुछाइ | ना. | मुछ्ने क्रिया वा प्रक्रिया। |
| 70920 | मुछाइनु | क.क्रि. | मुछ्न लाइनु; फतेलाइनु। |
| 70921 | मुछाउनु | प्रे. क्रि. | मुछ्न लाउनु; फतेलाउनु। |
| 70922 | मुछामुछ | ना. | परस्परमा मुछ्ने काम। |
| 70923 | मुछिनु | क.क्रि. | १. सालेमाले गरिनु; सरोबर पारिनु। |
| 70924 | मुछिनु | क.क्रि. | २. बोरिनु। |
| 70925 | मुज | ना. | कुशका छाँटका पात र काँसका जस्ता सेता फूल फुल्ने, पातको डोरी आदि बाटिने र व्रतबन्धमा डोरीको कन्धनीसमेत लगाइने एक जातको झार वा त्यसैको लट्ठी। |
| 70926 | मुजा | ना. | १. मुख, हात आदिमा छाला खुम्चिनाले परेका ससाना गरा; चाउरी। |
| 70927 | मुजा | ना. | २. मुजो। |
| 70928 | मुजिनु | अ.क्रि. | १. मुजा पर्नु; चाउरी पर्नु। |
| 70929 | मुजिनु | अ.क्रि. | २. बाध्य हुनु; विवश बन्नु। |
| 70930 | मुजी | ना. | १. स्त्रीका योनि ओरिपरि उम्रने रौँ। |
| 70931 | मुजी | ना. | २. उपेक्षा; गालीबोधक अश्लील शब्द। |
| 70932 | मुजुक्क | क्रि.वि. | १. खुम्चिने वा चाउरी पर्ने किसिमले; खुम्चुङ। |
| 70933 | मुजुक्क | क्रि.वि. | २. मुजिने वा मुजा पर्ने चालसँग। |
| 70934 | मुजुक्क | क्रि.वि. | ३. विवशता वा बाध्यताका साथमा। |
| 70935 | मुजुर | ना. | फुक्ने खालको लामो पुच्छर हुने र पुच्छरका प्वाँखैपिच्छे टल्कने टीका तथा बुट्टा हुने, शिरमा कल्की भएको, केही ठुलो आकारको प्रसिद्ध सुन्दर पक्षी; मयूर; मजुर; मजूर। |
| 70936 | मुजुरखुट्टे | ना. | १. टुप्पो मुजुरको खुट्टा झैँ हुने र निहुरो झैँ तरकारी खाइने एक जातको औल्याहा वनस्पति। वि. |
| 70937 | मुजुरखुट्टे | ना. | २. मुजुरको जस्तो झिनो खुट्टा हुने। |
| 70938 | मुजुरप्वाँखे | वि. | १. मुजुरका जस्तो प्वाँख हुने (पङ्खा आदि)। |
| 70939 | मुजुरप्वाँखे | वि. | २. नक्कले; झिल्के। |
| 70940 | मुजुरा१ | ना. | मुना; कोपिला; मुन्टा; टुसा। |
| 70941 | मुजुरा२ | ना. | काँसको सानो झ्याली वा झाम्टा; मजुरा। |
| 70942 | मुजुरो | ना. | कोपिलो; मुनु; मुना; मुजुरा। |
| 70943 | मुजो | ना. | १. सारी, धोती आदि लुगामा मसिनो पारी मिलाइएको पाटो; चुना; भाँज। |
| 70944 | मुजो | ना. | २. मुजा। |
| 70945 | मुज्याइ | ना. | मुजिने वा मुज्याउने क्रिया-प्रक्रिया। |
| 70946 | मुज्याइनु | क.क्रि. | मुजो पारिनु; मुजा पार्ने काम गरिनु। |
| 70947 | मुज्याउनु | स.क्रि. | १. मुजा पार्नु; चुन्याउनु; खुम्च्याउनु। |
| 70948 | मुज्याउनु | स.क्रि. | २. धडपकड गर्नु; बाध्य गर्नु। |
| 70949 | मुज्याउनु | स.क्रि. | ३. कष्ट दिनु; सास्ती दिनु। |
| 70950 | मुजूर | ना. | हे. मुजुर। |