|
|
|
|
|
|---|---|---|---|
| 72701 | याज्ञवल्क्य | ना. | महर्षि वैशम्पायनका शिष्यमध्ये शुक्ल यजुर्वेदको माध्यन्दिनीय शाखाको प्रवर्तन गर्ने ॠषि; एक स्मृतिकार। |
| 72702 | याज्ञिक | ना. | १. यज्ञ गर्ने वा गराउने व्यक्ति; विधिपूर्वक यजमानी कार्य गर्न जान्ने व्यक्ति। वि. |
| 72703 | याज्ञिक | ना. | २. यज्ञ गर्ने; अग्निहोत्री। |
| 72704 | याज्य | वि. | १. यज्ञका निम्ति उपयुक्त; यज्ञलायक। |
| 72705 | याज्य | वि. | २. कुनै प्रकारले यज्ञसँग सम्बन्धित। |
| 72706 | यातना | ना. | १. रोगव्याधबाट वा कुटपिटबाट हुने पीडा; सास्ती। |
| 72707 | यातना | ना. | २. पापात्मालाई यमलोकमा दिइने ताडना; दण्ड। |
| 72708 | यातनापूर्ण | वि. | यातनामय। |
| 72709 | यातनामय | वि. | कष्टले भरिपूर्ण। |
| 72710 | यातायात | ना. | १. आवागमन; आउनेजाने काम; आवतजावत। |
| 72711 | यातायात | ना. | २. आवागमनका जल, स्थल र वायुमार्गमध्ये कुनै पनि साधन; बाटोघाटो। |
| 72712 | यातायात मन्त्रालय | ना. | यातायातसम्बन्धी कार्यको जिम्मेदारी वहन गर्ने मन्त्रीका मातहतमा रहने मन्त्रालय। |
| 72713 | यातायात विभाग | ना. | उक्त मन्त्रालयअन्तर्गत यातायातसम्बन्धी कार्यको रेखदेख गर्ने विभाग। |
| 72714 | यातायात समिति | ना. | यातायातलाई सुव्यवस्थित राख्न गठन हुने वा यातायातसम्बन्धी कार्यको रेखदेख गर्ने समिति। |
| 72715 | यात्रा | ना. | १. एक ठाउँबाट अर्को ठाउँसम्म पैदल वा कुनै सवारीसाधनद्वारा जाने काम; भ्रमण; पर्यटन। |
| 72716 | यात्रा | ना. | २. धार्मिक उद्देश्यले तीर्थस्थलमा जाने काम; तीर्थाटन। |
| 72717 | यात्रा | ना. | ३. देवदेवीको उत्सवमा गरिने मेला; जात्रा। |
| 72718 | यात्रा | ना. | ४. परदेश जाने साइत; प्रस्थान। |
| 72719 | यात्राखर्च | ना. | कार्यालयबाट अन्यत्र खटिएका कर्मचारीले पाउने यात्रा तथा सवारी-साधनसम्बन्धी खर्च; भ्रमणभत्ता। |
| 72720 | यात्री | ना. | १. यात्रा गर्दै रहेको व्यक्ति; पर्यटक; बटुवा। |
| 72721 | यात्री | ना. | २. परदेशी। |
| 72722 | यात्री | ना. | ३. तीर्थाटनमा निस्किएको मान्छे; तीर्थयात्री। वि. |
| 72723 | यात्री | ना. | ४. यात्रा गर्ने; भ्रमणशील। |
| 72724 | यात्रु | ना. / वि. | यात्री। |
| 72725 | याद | ना. | १. मथिङ्गल वा मनमा हुने, बितेका कुराका सम्झना; झझल्को; स्मृति; सम्झाइ; हेक्का; सौँराइ। |
| 72726 | याद | ना. | २. कुनै कुराको अर्थसाथको परिचय; अर्थबोध; बोध; ज्ञान; थाहा। |
| 72727 | यादगार/यादगारी | ना. | बिदा हुने वा मरेर जाने आत्मीयलाई बारम्बार सम्झाउने कुनै साधन; सम्झौटो। |
| 72728 | यादव | ना. | १. महाभारतमा वर्णित राजा ययातिका जेठा छोरा यदुका सम्पूर्ण सन्तान; यदुवंश। |
| 72729 | यादव | ना. | २. श्रीकृष्ण। |
| 72730 | यादव | ना. | ३. बिहार, उत्तरप्रदेश, मध्यप्रदेश र नेपाल तराईमा पाइने एक जाति; जादब; ग्वार; अहिर; जाट। |
| 72731 | यान | ना. | १. मान्छे एक ठाउँबाट अर्को ठाउँमा जानुपर्दा वा माल एक ठाउँबाट अर्को ठाउँ पठाउनुपर्दा लाने साधन; सवारीको साधन; इन्जनद्वारा भारी बोक्ने साधन। |
| 72732 | यान | ना. | २. पुराणकालमा प्रयुक्त विमान; रथ। |
| 72733 | यान | ना. | ३. बौद्ध धर्मका महायान, वज्रयान र हीनयानमध्येको कुनै यान वा पन्थ। |
| 72734 | यानाधिदेव | ना. | कुनै कर्मचारीलाई सवारी राख्दा दिनुपर्ने तेल आदिको खर्च; मोटर, मोटरसाइकल आदि राख्दा मर्मत, पेट्रोल आदिका निम्ति दिनुपर्ने भत्ता। |
| 72735 | यानि/याने | क्रि.वि. | १. वास्तवमा; यथार्थमा; अर्थात्। वि.बो. |
| 72736 | यानि/याने | क्रि.वि. | २. कुनै कुरा बुझ्न नसकेको स्थितिमा फेरि बुझाउने सन्दर्भमा व्यक्त गरिने शब्द (उदा. यानि/याने कुरा चाहिँ अलिक उल्टै छ)। |
| 72737 | यान्त्रिक | वि. | १. यन्त्रका सहायताले काम गरिने; यन्त्रसम्बन्धी; कलपुर्जाका भरमा काम गर्ने। |
| 72738 | यान्त्रिक | वि. | २. कृत्रिम; स्वाङे; बनावटी। |
| 72739 | यान्त्रिकता | ना. | १. यान्त्रिक हुने गुण, स्थिति वा प्रक्रिया। |
| 72740 | यान्त्रिकता | ना. | २. मान्छेका बौद्धिक र चेतनात्मक गुणलाई निष्क्रिय बनाई केवल मिसिनका भरमा काम चलाउने पद्धति; यन्त्रको दास हुने परम्परा वा परिपाटी। |
| 72741 | यान्त्रिक भौतिकवाद | ना. | भौतिकवादको वैज्ञानिक यन्त्रप्रति आवश्यकताभन्दा धेर आस्थावान् हुने परिपाटी। |
| 72742 | यान्त्रिक विधि | ना. | यन्त्रको सहायताले कुनै काम गर्ने प्रक्रिया। |
| 72743 | यान्त्रिक सभ्यता | ना. | यन्त्रमा आश्रित अचेलको आधुनिक सभ्यता। |
| 72744 | यान्त्रिकीकरण | ना. | कुनै पनि कार्य यान्त्रिक किसिमले गर्नका निम्ति यन्त्र जुटाउने व्यवस्था। |
| 72745 | यापन/यापना | ना. | १. निर्वाह गराइ; निर्वाह; कामचलाइ; खेपाइ। |
| 72746 | यापन/यापना | ना. | २. जीविका; जीविकोपार्जन। |
| 72747 | यापित | वि. | यापन वा यापना गरिएको। |
| 72748 | याबो | ना. | डन्डीबियो खेलमा जित्नेले प्वाइन्ट गन्दा एकलाई बुझाउने शब्द; एको। |
| 72749 | याम | ना. | १. प्रचलित घडीका हिसाबले तीन घण्टा र पानीघडीका हिसाबले साढे सात घडीको समय; प्रहर। |
| 72750 | याम | ना. | २. समय; काल। |