|
|
|
|
|
|---|---|---|---|
| 78151 | लैनो नानी | ना. | भर्खर जन्मेको बालक; दूधे शिशु। |
| 78152 | लैबरी | ना. | १. नेपाली लोकगीतमा प्रचलित एक भाकाको नाम। |
| 78153 | लैबरी | ना. | २. त्यस्तो गीतमा आउने रहनी वा थेगो। |
| 78154 | लैलगाम | ना. | लगामे लगाम र त्यससित सम्बन्धित वस्तु; सामानसहितको लगाम। |
| 78155 | लैलै | ना. | लहैलहैको छोटकरी रूप; बहकाउ; हाहा। |
| 78156 | लोँकिल | ना. | कुनै दुई देशका बिचका सिमानामा गाडिने ढुङ्गो; लोहँकिल। |
| 78157 | लोक | ना. | १. ब्रह्माण्डको कुनै एक भाग अथवा खण्ड; संसार; जगत्; दुनियाँ। |
| 78158 | लोक | ना. | २. पुराणअनुसार स्वर्ग, मर्त्य र पाताल तीन स्थान वा पृथ्वीसहित उँभोका भूर्लोक, भुवर्लोक, स्वर्लोक, महर्लोक, जनलोक, तपलोक र सत्यलोक सात र उँधोका अतल, सुतल, वितल, तलातल, रसातल, महातल र पाताल सातसमेत चौध भुवन। |
| 78159 | लोक | ना. | ३. ग्रहमण्डल (जस्तो- सूर्यलोक, चन्द्रलोक, ध्रुवलोक आदि)। |
| 78160 | लोक | ना. | ४. मुख्य देवताको निवासस्थल (जस्तो- शिवलोक, विष्णुलोक, ब्रह्मलोक आदि)। |
| 78161 | लोक | ना. | ५. पुराणअनुसार, प्राणी जीवित छँदा भोग गर्ने र मरेपछि पुग्ने ठाउँ; इहलोक र परलोक। |
| 78162 | लोक | ना. | ६. समान संस्कृति, भावना र सामाजिक स्थिति भएका खास भौगोलिक एकाइमा रहने मानिसको समुदाय; जनसमूह। |
| 78163 | लोक | ना. | ७. वास्तु वा मूर्तिमा प्रयोग हुने अङ्गुल वा मात्राको आठ गुना बराबरको नाप; तूणी, वसु वा मूर्ति बराबरको नाप; आठ अमल। |
| 78164 | लोककण्टक | ना. | दुष्ट वा खराब व्यक्ति; दुर्जन। |
| 78165 | लोककथा | ना. | परम्परादेखि लोकजीवनमा मौखिक रूपले चलिआएको कथा; दन्त्यकथा। |
| 78166 | लोककल्याणकारी | वि. | लोकको भलो गर्ने। |
| 78167 | लोककार्य | ना. | लोक वा सर्वसाधारण जनतासँग सम्बन्ध रहने काम। |
| 78168 | लोकगाथा | ना. | परम्परादेखि लोकले मुखमुखै गाउँदै आएको, नृत्य र कथात्मकतासमेत विद्यमान रहेको, राष्ट्रिय गौरव वा वीरचरित्र र महत्त्वपूर्ण घटनाको बखान गर्ने शृङ्खलाबद्ध विशेष गीत। |
| 78169 | लोकगीत | ना. | जनसमाजमा परम्परादेखि गाउँदै र चल्दै आएको गीत (रसिया, कर्खा, झ्याउरे, सिलोक आदि)। |
| 78170 | लोकघोषणा | ना. | लोकका निम्ति गरिने नीतियुक्त घोषणा। |
| 78171 | लोकचक्षु | ना. | सूर्य। |
| 78172 | लोकजित् | वि. | १. संसारलाई जित्ने; लोकविजयी। |
| 78173 | लोकजित् | वि. | २. बुद्ध। |
| 78174 | लोकडो | वि. | लगभग बाह्रचौध वर्षको; छोकडोभन्दा कती उमेरको वा सानो (ठिटो)। |
| 78175 | लोकतन्त्र | ना. | बहुसङ्ख्यक जनताद्वारा छानिएका प्रतिनिधिहरूको सम्मतिअनुसार कुनै देशको शासनव्यवस्था चल्ने र नीतिनिर्धारण आदि हुने शासनप्रणाली; प्रजातन्त्र। |
| 78176 | लोकतन्त्रवाद | ना. | लोकतन्त्रको शासनपद्धति वा सिद्धान्त। |
| 78177 | लोकतन्त्रवादी | वि. | लोकतन्त्रवादको अनुयायी वा त्यो सिद्धान्त मान्ने। |
| 78178 | लोकतन्त्री | वि. | लोकतन्त्रको; लोकतान्त्रिक। |
| 78179 | लोकतन्त्रीकरण | ना. | कुनै देशको शासनपद्धतिलाई लोकतन्त्रको रूप दिने वा त्यसअनुरूप बनाउने काम; प्रजातन्त्रीकरण। |
| 78180 | लोकतान्त्रिक | वि. | लोकतन्त्रसम्बन्धी; लोकतन्त्रका सिद्धान्तअनुसारको। |
| 78181 | लोकतालोकती | ना. | सानाठुला धेरै लोकताको समूह। |
| 78182 | लोकती | ना. | १. लोकतोको लघु रूप। |
| 78183 | लोकती | ना. | २. लोकतोको स्त्रीरूप; स्त्रीलोकतो। |
| 78184 | लोकतो | ना. | १. जुइनाको रूपमा प्रयोग हुन सक्ने पाट आदिको त्यान्द्रोसहितको बोक्रो; कागते पाट। |
| 78185 | लोकतो | ना. | २. पाट, बोक्रो, छाला आदिबाट बनेको नाम्लाको पातो जस्तै लामो धरो वा डोरी। |
| 78186 | लोकतो | ना. | ३. नेपाली कागत बनाउने एक प्रकारको घाँस। वि. |
| 78187 | लोकतो | ना. | ४. सुनेको नसुन्यै गरी वा भनेको नटेरी बसिरहने; चाम्रो। |
| 78188 | लोकत्रय | ना. | स्वर्ग, मर्त्य र पाताल तीनवटा लोक। |
| 78189 | लोकत्रयी | ना. | लोकत्रय। |
| 78190 | लोकदूषण | वि. | दुनियाँलाई खराब हुने काम गर्ने; दुनियाँको हानिनोक्सानी गर्ने। |
| 78191 | लोकद्वय | ना. | स्वर्ग र पृथ्वी दुई लोक। |
| 78192 | लोकनाच | ना. | हे. लोकनृत्य। |
| 78193 | लोकनाट्य | ना. | १. कुनै घटना वा पक्षको सिङ्गो कथानक नलिई लोकजीवनका सुखदुःख, राष्ट्रिय मेलापर्व वा कुनै ॠतुकालीन सन्दर्भलाई अँगालेर रीतिरिवाजअनुसार जनसाधारणमा खेलिने वा देखाइने अभिनय। |
| 78194 | लोकनाट्य | ना. | २. लोकनृत्य। |
| 78195 | लोकनिन्दा | ना. | लोकको निन्दा; लोकापवाद। |
| 78196 | लोकनृत्य | ना. | लोकजीवनमा प्रचलित सांस्कृतिक परम्परा तथा परिपाटीअनुसारको नाच; लोकनाच (जस्तै- घाटुनाच, धाननाच, मारुनीनाच इ.)। |
| 78197 | लोकन्त | ना. | विवाहपछि प्रायः दुलान नफर्काउन्जेल सँगै रहने वा सुसारका लागि बेहुलीका साथ जाने काम। |
| 78198 | लोकन्ती | ना. | १. बेहुलीका साथ जाने स्त्री साथी; बेहुलीकी सुसारे। |
| 78199 | लोकन्ती | ना. | २. लिम्बूजातिका बिहामा दुलहातिरबाट जाने जन्ती आइमाई र दुलहीतिरबाट दुलहीका साथ लागेर आउने आइमाई। |
| 78200 | लोकपरम्परा | ना. | लोकमा पहिलेदेखि चलिआएको वा मानिएको रीतिरिवाज; लोकप्रथा। |