|
|
|
|
|
|---|---|---|---|
| 15951 | कुर्कुच्चे | वि. | कुर्कुच्चो भएको; कुर्कुच्चाको। |
| 15952 | कुर्कुच्चे जुत्ता | ना. | अग्लो कुर्कुच्चा भएको एक प्रकारको जुत्ता। |
| 15953 | कुर्कुच्चो | ना. | पैतालाको पछाडिपट्टिको वा गोलीगाँठादेखि मन्तिरको डल्लो साह्रो भाग। |
| 15954 | कुर्कुरे | ना. | साना कोसा हुने एक जातको केरा। |
| 15955 | कुर्चा | ना. | असजिलो पाराको एकै ठाउँको बसाइ; डल्लिएर एकै ठाउँमा बस्नुपर्ने स्थिति वा वाध्यता। |
| 15956 | कुर्चा खानु | टु. | लन्ठिएर बस्नु; डल्लिनु। |
| 15957 | कुर्चिनु | अ. क्रि. | कुर्चा खानु; असजिलोसँग बस्नु। |
| 15958 | कुर्ची | ना. | हे. कुर्सी। |
| 15959 | कुर्च्याइ | ना. | कुर्चिने काम वा प्रक्रिया। |
| 15960 | कुर्च्याइनु | क.क्रि. | कुर्चिन लाइनु; कुर्चा खुवाइनु। |
| 15961 | कुर्च्याउनु | प्रे. क्रि. | कुर्चा खुवाउनु; कुर्चिन लाउनु; असजिलोसँग बसाउनु। |
| 15962 | कुर्ता | ना. | कठालो भएको वा नभएको र बाहुलामा कफ नभएको, कुना परेको फेर हुने, प्रायः गर्मी याम वा गर्मी ठाउँमा लगाइने कमिजका ढाँचाको पहिरन; एक प्रकारको फत्तु वा अलखा। |
| 15963 | कुर्ता सलवार | ना. | कुर्तासहितको सलवार; कुर्ता र सलवार। |
| 15964 | कुर्था | ना. | हे. कुर्ता। |
| 15965 | कुर्नी | ना. | एक प्रकारको जङ्गली लहरो। |
| 15966 | कुर्नेस/कुर्नैस | ना. | १. नुहेर गरिने सलाम; नम्रतापूर्वक गरिने नमस्कार। ( यो शब्द नेपालीमा विशेष गरी एकतन्त्री जहानियाँ शासनमा प्रचलित थियो)। |
| 15967 | कुर्नेस/कुर्नैस | ना. | २. साइकलका पाङ्ग्राको बिचमा पर्ने डन्डीका दुवैतिर रहने गेडी अड्याउने एक प्रकारको ढिम्री। |
| 15968 | कुर्बानी | ना. | बलि हुने काम; बलिदान। |
| 15969 | कुर्मी | ना. | तराईतिर बस्ने तरकारी बेच्ने एक जाति। |
| 15970 | कुर्र | क्रि.वि. | १. ससाना बालकसँग खेल्दा कानैमा मुख लगेर 'कानाकाना' गर्दै स्नेहपूर्वक भनिने शब्द। |
| 15971 | कुर्र | क्रि.वि. | २. गीतको टुङ्ग्याउनी वा रहनीमा सुर मिलाउन भनिने प्रेमसूचक शब्द। |
| 15972 | कुर्लनु | अ.क्रि. | १. चड्का स्वरले बोल्नु वा जोस र रिसले कराउनु। |
| 15973 | कुर्लनु | अ.क्रि. | २. ढुकुर आदि चराले बोल्नु। |
| 15974 | कुर्लाइ | ना. | कुर्लने काम वा प्रक्रिया। |
| 15975 | कुर्लाइनु | क.क्रि. | कराउन लाइनु; कुर्लन लाइनु। |
| 15976 | कुर्लाउनु | प्रे. क्रि. | कराउन लाउनु; कुर्लन लाउनु। |
| 15977 | कुर्लिनु | अ.क्रि. | ठुलो स्वरले कराउनु वा बोलिनु। |
| 15978 | कुर्ले-ढुकुर | ना. | चड्का र गुन्जने खालको बोली हुने ठुलो जातको ढुकुर। |
| 15979 | कुर्सिँलो | ना. | चिन्डेका जस्तै पात हुने, पहराहुँदो पलाउने एक प्रकारको घाँस। |
| 15980 | कुर्सियो | ना. | कपडामा बुट्टा काढ्ने आरोका ढाँचाको टुप्पो मास्तिर फर्केको सुइरो। |
| 15981 | कुर्सी | ना. | पछिल्तिर आडा भएको चारखुट्टे अग्लो आसन; गद्दादार मेच; कुर्ची। |
| 15982 | कुल १ | वि. | जम्मा; सबै; समस्त; सम्पूर्ण; तमाम; बेमाख। |
| 15983 | कुल २ | ना. | १. पितापुर्खादेखिको एउटै थर, गोत्र, सम्बन्ध आदिको घराना; वंश। २ जातिबन्धुहरूको समूह; बिन्द्रालो; खानदान। |
| 15984 | कुल २ | ना. | ३. समूह; समुदाय। |
| 15985 | कुलक | वि. | १. असल कुलमा जन्मेको। |
| 15986 | कुलक | वि. | २. कारिगर तहको प्रधान। ना. |
| 15987 | कुलक | वि. | ३. उच्च कुलमा जन्मेको शिल्पकार। |
| 15988 | कुलक | वि. | ४. एक वाक्यभित्र पर्ने पाँच र पाँचभन्दा बढी श्लोकहरूको समूह। |
| 15989 | कुलकलङ्क | ना. | १. कुलको मानप्रतिष्ठा स्वाहा पार्ने काम। वि. |
| 15990 | कुलकलङ्क | ना. | २. कुलमा कलङ्क वा दाग लगाउने; कुलाङ्गार। |
| 15991 | कुल कविला | ना. | जहानछोराछोरी। |
| 15992 | कुल कुटुम्ब | ना. | जाति र सरसाइनुका नातादार; इष्टमित्र; बन्धुवर्ग। |
| 15993 | कुलक्षण | ना. | खराब लक्षण; कुलच्छिन; अलच्छिन; अमङ्गल; बिच्छुक। |
| 15994 | कुलक्षणी | वि. | खराब लक्षण भएकी; अलच्छिनी (स्त्री)। |
| 15995 | कुलगुरु | ना. | पितापुखदिखि मान्दै वा पुज्दै आएका गुरु; कुलका गुरु; वंशका गुरु। |
| 15996 | कुलघर | ना. | १. कुलपरम्परादेखि बसिआएको जेठो घर। |
| 15997 | कुलघर | ना. | २. वंशको मुख्य घर। |
| 15998 | कुलघर | ना. | ३. कुलीनको घर। |
| 15999 | कुलघरान | ना. | १. असल चालचलन भएको घर; श्रेष्ठ घराना; उत्तम खानदान; उच्च कुल। |
| 16000 | कुलघरान | ना. | २. वंश र घरको चालचलन। |