|
|
|
|
|
|---|---|---|---|
| 21751 | गुला | ना. | पुरुषजातिको लिङ्गसँगै झुन्डिएर रहेको जोडी कोष; अण्डकोष; अण्ड; आँडो। |
| 21752 | गुलाफ | ना. | १. एउटै भेट्नामा तीनचारवटा पात हुने,फेददेखि टुप्पासम्म डम्फरका जस्ता काँडा हुने, विभिन्न रङका सुगन्धी फूल फुल्ने बोट; अत्तर, सुगन्धी जल आदि बनाइने त्यसकै फूल। |
| 21753 | गुलाफ | ना. | २. परिवार नियोजनका निम्ति गर्भनिरोध गर्न स्त्रीले खाने चक्की औषधीलाई दिइएको नाम; पिल्स। |
| 21754 | गुलाफजल | ना. | सुगन्धित द्रव्य मिसाई गुलाफको फूलबाट तयार गरिने अरक। |
| 21755 | गुलाफजामुन | ना. | १. खुवा र मैदा मुछेको ससानो वा ठिक्कको डल्लो घिउमा पकाएर रातो-रातो भएपछि पागमा डुबाई तयार गरिने मिठाइ; लालमोहन। |
| 21756 | गुलाफजामुन | ना. | २. भित्र दुई फग्ल्याँटा परेको खैरो बियाँ हुने, पहेँलो अम्बाका रङको खाँदा गुलियो स्वाद हुने फल। |
| 21757 | गुलाफी | वि. | १. गुलाफजस्तो रङको; हल्का रातो रङ भएको। |
| 21758 | गुलाफी | वि. | २. गुलाफसम्बन्धी; गुलाफको। |
| 21759 | गुलाफी | वि. | ३. हल्का; नजानिँदो छाँटको (घोचपेच, नशा, पीडा आदि)। |
| 21760 | गुलाफी छेड | ना. | बाहिर थाहै नपाइने, भित्र भने बिझ्ने किसिमले गरिने कुरो; चाल नपाउने किसिमले गरिएको व्यङ्ग्य; छड्के भनाइ। |
| 21761 | गुलाब | ना. | हे. गुलाफ। |
| 21762 | गुलाबजल | ना. | गुलाफजल। |
| 21763 | गुलाबजामुन | ना. | गुलाफजामुन। |
| 21764 | गुलाब तकिया | ना. | गाँजा काटेर मसिनो पार्ने प्रेमकटारीको अचानो। |
| 21765 | गुलाबपास | ना. | गुलाफजल हालेर छर्कने सुराहीजस्तो सानो भाँडो। |
| 21766 | गुलाबी | वि. | हे. गुलाफी। |
| 21767 | गुलाम | ना. | १. कमारो; दास। |
| 21768 | गुलाम | ना. | २. अधीनस्थ व्यक्ति; ऐँचमा परेको मान्छे। |
| 21769 | गुलाम | ना. | ३. दहर र मिमका बिचको एघार फुट्टीलाई सङ्केत गर्ने तासको पत्ती। |
| 21770 | गुलामचोर | ना. | तास खेलमा पत्ती थुत्दै जाँदा अन्तिममा जससँग गुलाम बाँकी रहन्छ उसले हार्ने एक खेल। |
| 21771 | गुलामी | ना. | गुलाम हुनाको भाव वा अवस्था; दासता। |
| 21772 | गुलियो | ना. | १. मिस्री,चिनी, मह आदिको स्वाद। वि. |
| 21773 | गुलियो | ना. | २. त्यस्तो स्वादको; मधुर; मिठो। |
| 21774 | गोलकाँक्री | ना. | तीनकुने पात हुने, लामा नङ्ग्रा निस्कने, पहेँला फूल फुल्ने, काँचामा हरिया र पाक्ता राता हुने र फल फल्ने एक लहरो; सोही लहरामा फलेको फल। |
| 21775 | गुलुब | ना. | बिजुली, टर्चलाइट आदिको बत्ती बल्ने चिम; बल्ब। |
| 21776 | गुलेर | ना. | एक प्रकारको बोट वा त्यसैको फल। |
| 21777 | गुलेली | ना. | १. दुईचोके सानो काठमा रबरको फित्ता लगाई हातले तन्काएर मट्याङ्ग्रा हुर्याई चराचुरुङ्गीको सिकार गरिने अस्त्र। |
| 21778 | गुलेली | ना. | २. चोयाको ताँदो लाएर मट्याङ्ग्राले हानी चराचुरुङ्गीको सिकार गरिने धनुष। |
| 21779 | गुलो | ना. | गुलाको एक वचनको रूप। |
| 21780 | गुल्टनु | अ.क्रि. | १. थाहै नपाई एक्कासि लड्नु; पछारिनु; घुसमुन्टिनु। |
| 21781 | गुल्टनु | अ.क्रि. | २. उत्तानो टाङ हुनु; उभिन्डिनु। |
| 21782 | गुल्टनु | अ.क्रि. | ३. प्रयास खेर जानु; फेल हुनु। |
| 21783 | गुल्टनु | अ.क्रि. | ४. पराजित हुनु; हार्नु। |
| 21784 | गुल्टनु | अ.क्रि. | ५. मर्नु; जिब्रो टोक्नु। |
| 21785 | गुल्टनु | अ.क्रि. | ६. सखाप हुनु; बिग्रनु; नष्ट हुनु। |
| 21786 | गुल्टाइ | ना. | गुल्टने वा गुल्टाउने क्रिया-प्रक्रिया। |
| 21787 | गुल्टाइनु | क.क्रि. | गुल्टने पारिनु; गुल्ट्याइनु। |
| 21788 | गुल्टाउनु | प्रे. क्रि. | गुल्टने पार्नु; गुल्ट्याउनु। |
| 21789 | गुल्टिनु | अ.क्रि. | १. अचानक लड्नु; पछारिनु। |
| 21790 | गुल्टिनु | अ.क्रि. | २. मुन्टाको भर पर्नु; उभिन्डिनु। |
| 21791 | गुल्टिनु | अ.क्रि. | ३. असफल हुनु; फेल हुनु। |
| 21792 | गुल्टिनु | अ.क्रि. | ४. हार्नु। |
| 21793 | गुल्टिनु | अ.क्रि. | ५. मर्नु। |
| 21794 | गुल्टिनु | अ.क्रि. | ६. बिग्रनु; नष्ट हुनु। |
| 21795 | गुल्ट्याइ | ना. | गुल्टिने क्रिया वा प्रक्रिया। |
| 21796 | गुल्ट्याउनु | प्रे. क्रि. | १. पछार्नु; लडाउनु। |
| 21797 | गुल्ट्याउनु | प्रे. क्रि. | २. मुन्ट्याउनु; उभिन्ड्याउनु। |
| 21798 | गुल्ट्याउनु | प्रे. क्रि. | ३. हराउनु; पराजित गर्नु। |
| 21799 | गुल्ट्याहट | ना. | गुल्टिने स्थिति वा क्रिया-प्रक्रिया; गुल्ट्याइ। |
| 21800 | गुल्म | ना. | १. एकै फेदबाट धेरै हाँगा निस्कने बोट (उखु, बाँस,धान आदि)। |