|
|
|
|
|
|---|---|---|---|
| 31001 | जिजुमुमा | ना. | जिज्यूमुमा। |
| 31002 | जिजे / जिजै | ना. | दासप्रथा समाप्त हुनुभन्दा पहिले कमाराकमारीले आफूभन्दा जेठा मालिककी पत्नीलाई सम्बोधन गर्दा प्रयोग गर्ने शब्द; मैयाँरानी। |
| 31003 | जिज्ञासा | ना. | कुनै कुरा जान्ने इच्छा; थाहा पाउने अभिलाषा। |
| 31004 | जिज्ञासित | वि. | जान्न खोजिएको; जिज्ञासा राखिएको। |
| 31005 | जिज्ञासु | वि. | जान्न चाहने; जिज्ञासा राख्ने; ज्ञानको भोको। |
| 31006 | जिज्यू | ना. | १. बाजेका बाबु; कुप्री हजुरबा। |
| 31007 | जिज्यू | ना. | २. पुर्खा। |
| 31008 | जिज्यू | ना. | ३. जिउ अर्थात् राजाका पनि जिउ; बडामहाराज। |
| 31009 | जिज्यू | ना. | ४. एक सम्मान (ज्यू) ले नपुगेर दोहोरो सम्मान ( ज्यूज्यू) गर्नुपर्ने कुनै पनि माननीय व्यक्ति; अत्यन्त सम्माननीय व्यक्ति। |
| 31010 | जिज्यू | ना. | ५. स्वीकृतिसूचक टाउको हल्लाइ। |
| 31011 | जिज्यूआमा | ना. | बाजेकी आमा। |
| 31012 | जिज्यूबज्यै | ना. | १. जिज्यूकी पत्नी। |
| 31013 | जिज्यूबज्यै | ना. | २. पूर्वज नारी। |
| 31014 | जिज्यूबराज्यू | ना. | १. जिज्यूहरू; बराज्यूहरू; बाजेबराज्यू। |
| 31015 | जिज्यूबराज्यू | ना. | २. पूर्वज। |
| 31016 | जिज्यूबाजे | ना. | १. जिज्यू। |
| 31017 | जिज्यूबाजे | ना. | २. पूर्वज। |
| 31018 | जिज्यूबुबा | ना. | १. जिज्यू। |
| 31019 | जिज्यूबुबा | ना. | २. जिज्यूका पनि बुबा। |
| 31020 | जिज्यूबुबा | ना. | ३. पूर्वज। |
| 31021 | जिज्यूमुमा | ना. | १. जिज्यूकी पत्नी। |
| 31022 | जिज्यूमुमा | ना. | २. जिज्यूकी पनि माता। |
| 31023 | जिज्यूमुमा | ना. | ३. पूर्वज नारी। |
| 31024 | जित् | प्रत्य. | नामबोधक शब्दका पछाडि जोडिई जित्ने अर्थ प्रत्यधर्मी शब्द ( इन्द्रजित्, मारजित् इ.)। |
| 31025 | जित्नु | स.क्रि. | वशमा पार्नु; अधीनमा पार्नु; विजय हासिल गर्नु। |
| 31026 | जित | वि. | १. वशमा पारिएको; कब्जामा लिइएको; जितिएको; पराजित; विजित (उदा.- जितप्रदेश )। |
| 31027 | जित | वि. | २. वशमा पारेको (उदा.- जितलोभ, जितमोह )। ना. |
| 31028 | जित | वि. | ३. जित्ने काम; विजय; जित; जितबाजी (उदा.- यो जित जनताको जित हो )। |
| 31029 | जितक्रोध | वि. | क्रोधलाई जितेको; क्रोधलाई वशमा पारेको; रिस खप्न सक्ने; रिस नभएको। |
| 31030 | जितगढी | ना. | पाल्पा जिल्लामा पर्ने एक प्रसिद्ध ठाउँ। |
| 31031 | जितबाजी | ना. | जित; विजय। |
| 31032 | जिताइ | ना. | जित्ने क्रिया वा प्रक्रिया। |
| 31033 | जिताइनु | क.क्रि. | जित्ने पारिनु; विजय गराइनु। |
| 31034 | जिताइलो | वि. | जितिएलाजस्तो। |
| 31035 | जिताउनु | प्रे. क्रि. | जित्न लाउनु; जित्ने बनाउनु; विजय हासिल गराउनु। |
| 31036 | जिताउरी | ना. | १. जुवा, तास, पासा आदिमा वा मुद्दामामिला जितेको खुसीयालीमा जित्नेद्वारा बाँडिने रुपियाँपैसा। |
| 31037 | जिताउरी | ना. | २. मुद्दा जित्नेले अड्डामा बुझाउनुपर्ने दस्तुर। |
| 31038 | जितात्मा | वि. | मन र इन्द्रियहरूलाई जितेको; मन र इन्द्रियहरूलाई आफ्ना वशमा लिएको; जितेन्द्रिय। |
| 31039 | जितापत्र | ना. | मुद्दा जित्नेलाई जितेको प्रमाणस्वरूप अदालतका तर्फबाट दिइने फैसलाको नकल। |
| 31040 | जितार | वि . | जुन कुरा पनि जित्न खोज्ने; अरूलाई नटेर्ने; जिताहा। |
| 31041 | जितारि | वि. | १. शत्रुलाई जितेको। |
| 31042 | जितारि | वि. | २. काम, क्रोध,लोभ, मोह, मद र मात्सर्यजस्ता छवटा शत्रुलाई वशमा राखेको। |
| 31043 | जितारि मल्ल | ना. | मध्यकालीन नेपालको सिन्जासाम्राज्यका अत्यन्त प्रभावशाली राजा; अशोकमल्लका पुत्र। |
| 31044 | जितिनु | क.क्रि. | अधीनमा पारिनु; जितिएको हुनु। |
| 31045 | जितिया | ना. | दसैँको आसपासमा थारू जातिका नवयुवती र अधबैँसे स्त्रीहरूले माइतमा गएर घिरौँलाको पातमा घिरौँलाकै फूल राखेर गर्ने 'जित महान्' को पूजा। |
| 31046 | जितिया पावनी / पौनी | ना. | जितिया चाड। |
| 31047 | जितुवा | वि. | जित्ने; विजयी। |
| 31048 | जितेन्द्रिय | वि. | इन्द्रियलाई जितेको; इन्द्रियलाई आफ्ना वशमा राखेको। |
| 31049 | जितौरी | ना. | हे. जिताउरी। |
| 31050 | जिद | ना. | हे. जिद्दी। (उदा- राम्लाई वनवास् भरत्कन रजैँ देऊ भनी जिद् गरी। - भानुभक्तको रामायण)। |