|
|
|
|
|
|---|---|---|---|
| 36351 | ढाप | ना. | पानी नसुक्ने खालको जमिन; थलथले सिम; धाप। |
| 36352 | ढापिनु | क.क्रि. | ढाकिन; ओगटिनु। |
| 36353 | ढामरा | ना. | हाँसको पोथी; पोथी हाँस। |
| 36354 | ढाल्नु | स.क्रि. | १. ठडिएको कुनै वस्तुलाई लडाउनु, ढलाउनु वा पल्टाउनु। २ युद्ध, प्रतिस्पर्धा आदिमा शत्रु वा विपक्षीलाई परास्त गर्नु; हराउनु। |
| 36355 | ढाल्नु | स.क्रि. | ३. कसैको मनोभावनालाई कुनै निश्चित सिद्धान्त वा विचारमा परिणत गर्नु। |
| 36356 | ढाल्नु | स.क्रि. | ४. धातु, सिमेन्ट आदि पगालेर वा घोलेर साँचोमा हाली विभिन्न किसिमका वस्तु बनाउनु। |
| 36357 | ढाल | ना. | १. युद्धमा हतियारहरूको चोट रोक्नाका लागि छातीमा भिरिने गैँडाको छाला वा फलामको थालका आकारको साहो, बलियो एक उपकरण। |
| 36358 | ढाल | ना. | २. परिवार नियोजनका निम्ति पुरुषेन्द्रियमा खोलका रूपमा प्रयोग गरिने एक प्रकारको अस्थायी साधनको नाम; कन्डम। |
| 36359 | ढालबन्द | ना. | आफ्नी विवाहिता स्वास्नीलाई अरूले करणी गरेको थाहा पाएर पनि जार हान्न वा उसको नाक काट्न नसक्ने मानिस। |
| 36360 | ढालिनु | क.क्रि | ढाल्न लाइनु; लडाइनु। |
| 36361 | ढाली | ना. | छातीमा ढाल धारण गर्ने सैनिक; ढाल भिर्ने योद्धा। |
| 36362 | ढालू | वि. | पानी बग्ने किसिमको थोरै भिरालो वा ओरालो; ढलुवा (जग्गा, निकास आदि)। |
| 36363 | ढाले कटुस | ना. | केही ठुलो र खैरो रङ्ग हुने एक जातको कटुस; ढाल्ने कटुस। |
| 36364 | ढाल्पा | ना. | पानीको ढल, निकास आदिको रखवाली गर्ने कर्मचारी | |
| 36365 | ढिँड | ना. | १. एकोहोरो जिद्दी; हठ। वि. |
| 36366 | ढिँड | ना. | २. जिद्दीवाल; हठी। |
| 36367 | ढिँडी | ना. | नभाँचिएको खोर्सानीको कोसो; सिङ्गो खोर्सानी। |
| 36368 | ढिँडे | वि. | १. ढिँडो खाएर जीविका चलाउने। |
| 36369 | ढिँडे | वि. | २. असभ्य; गँवार; मूर्ख। |
| 36370 | ढिँडे | वि. | ३. मोटो र लामो। |
| 36371 | ढिँडे खोर्सानी | ना. | मोटो र लामो खालको खोर्सानी। |
| 36372 | ढिँडो | ना. | पानी उमालेर मकै, कोदो आदिको पिठो हाली पन्युँले बेसरी चलाएर पकाइएको खानेकुरो। |
| 36373 | ढिँड्याहा | वि. | एकोहोरो किसिमले आफ्नै जिद्दीमा लागिरहने; झुँज्याहा। |
| 36374 | ढिक | वि. | १. जिउडाल ठुलो र मोटोघाटो भए तापनि बेकम्माको; कामकाज नगर्ने। ना. |
| 36375 | ढिक | वि. | २. ढिस्को; थुम्को। |
| 36376 | ढिक | ना. | पसलमा तेर्सो पारेर छिराई लगाइने ढोका वा कोटाल; झ्याल वा ढोकामा जडिएको ठुलो कपाट, द्वार; ठुलो ठेला। |
| 36377 | ढिकी | ना. | प्वाल पारेका दुइटा खाँबा गाडी त्यसका बिचमा आग्लो हाली अड्याएर तेर्स्याइएको छ फिटजति लामो र अगाडि ( टाउका ) पट्टि एक फिटजति वर मुस्ली जोडिएको तथा पछाडि ( पुच्छर ) पट्टि एक फिटजति छोडिएको भागमा उभिएर खुट्टाले थिचेर उचाल्दै, छोड्दै गरी धान, चिउरा आदि अन्न कुट्ने काठको चारपाटे यन्त्रविशेष। |
| 36378 | ढिकीच्याउँ | ना. | १. लामा मसिना बाङ्गाटिङ्गा आठवटा खुट्टा हुने माकुराको ढाँचाको कालो किरो। वि. |
| 36379 | ढिकीच्याउँ | ना. | २. लऱ्याङबऱ्याड चालले काम गर्ने; लोसे (मानिस)। |
| 36380 | ढिकीच्याउँ | ना. | ३. लेच्याएर हिँड्ने (मानिस); खोरन्डो। |
| 36381 | ढिकुरी | ना. | १. धान राख्ने भकारी। |
| 36382 | ढिकुरी | ना. | २. ढुकुटी। |
| 36383 | ढिकुरी | ना. | ढिकुरोको लघु रूप; सानो ढिकुरो। ( उदा.- बिचरी बुढियाको ढिकुरी उठाउने पनि कोही भएनन् )। |
| 36384 | ढिकुरो | ना. | १. प्रेतक्रियाका निम्ति दश दिनसम्म पिण्ड दिइने वेदी; अन्त्येष्टिस्थल। |
| 36385 | ढिकुरो | ना. | २. माटाको ढिस्को; ढिस्कुरो। |
| 36386 | ढिकुरो | ना. | ३. थकालीको एक किसिमको व्यापारिक प्रथा। |
| 36387 | ढिकुवा | ना. | कोलमा रहने, बियाका टुप्पाबाट कात्रीमा जोडिने काठ। |
| 36388 | ढिके | वि. | ढिको भएको; ढिको हुने। |
| 36389 | ढिके नुन | ना. | ढिकाढिका परेको एक जातको नुन। |
| 36390 | ढिके पर्वत | ना. | वरिपरि खाल्टाखुल्टी भई ढिकाढिकाजस्तो परेको देखिने पहाड। |
| 36391 | ढिकेरी | ना. | १. ढिकी रहने सानो कटेरो; ढिकीकटेरो। |
| 36392 | ढिकेरी | ना. | २. धान कुट्ने ठाउँ; ढिकडी। |
| 36393 | ढिको | ना. | धुलो नभएको वा नफोरिएको डल्लो; ठुलो डल्लो; ढोल। |
| 36394 | ढिगुर | ना. | बर्सेनि सदस्यहरूले तोकिएको रकम बुझाउने र खरखाँचो भएको बेला त्यसबाट आफ्नो काम चलाउने, थकाली जातिमा प्रचलित एक किसिमको साझा संस्था वा सङ्गठन। |
| 36395 | ढिङ | ना. | भगनासिका; योनिगुटिका; टिसी। |
| 36396 | ढिठो | ना. | बोल्नमा सिपालु वा धक, लाज, सङ्कोच आदि नमान्ने; पुक्खलो। |
| 36397 | ढिपी | ना. | हुने वा नहुने कुनै कुरामा बारम्बार गरिने जोडसितको आग्रह; एकोहोऱ्याइँ; हठ; जिद्दी। |
| 36398 | ढिपीवाल | वि. | ढिपी गर्ने; हठी; जिद्दीवाल। |
| 36399 | ढिब्री | ना. | मटीतेलको बत्ती बाल्ने धातु वा माटाको सानो भाँडो; कुपी। |
| 36400 | ढिम्री | ना. | माझमा प्वालभित्र पेच भएको, डन्डीमा कस्ने चार वा छपाटे फलामको रिङदार चक्का। |