|
|
|
|
|
|---|---|---|---|
| 40301 | दमखि | ना. | मादलजस्तो दुवैतिर खरी भएको, गहुँको पिठो मलेर टाँसी बजाइने, एक प्रकारको बाजा। |
| 40302 | दमचुली / दमचुलो / दमचुल्ही / दमचुल्हो | ना. | कोइला, गोल, काठको धुलो वा धानको बालेर खानेकुरा पकाइने, सानो खालको चुलो। |
| 40303 | दमडी | ना. | एक पैसाको चौथाइ मूल्यको प्राचीन सिक्का; एक पैसाको चतुर्थांश, चुनदाम। |
| 40304 | दमदमे | ना. | १. घोडा नारेर तानिने एक्का जस्तै यान। |
| 40305 | दमदमे | ना. | २. मान्छेले नै तानेर चलाइने रिक्सा। |
| 40306 | दमन | ना. | १. थिचोमिचो; दबदबाउ। |
| 40307 | दमन | ना. | २. थिच्ने, पेल्ने वा निचोर्ने काम; पेलाइ। |
| 40308 | दमन | ना. | ३. बल, शक्ति, प्रभाव आदिले दबाउने काम। |
| 40309 | दमन | ना. | ४. इन्द्रियलाई वश गर्ने काम; इन्द्रिय-निग्रह। |
| 40310 | दमन | ना. | ५. दमना फूल। |
| 40311 | दमनकारी | वि. | १. बल, साधन, शासन, शक्ति आदिले दमन गर्ने; पेलाहा; मिचाहा। |
| 40312 | दमनकारी | वि. | २. वशीकरण गर्ने। |
| 40313 | दमनगरा | ना. | गजाले हिर्काएर बजाइने ठुलो दमाहा बाजा; ठुलो नगरा। |
| 40314 | दमन चक्र | ना. | अरूलाई दबाउनका लागि प्रयोग गरिने विभिन्न षड्यन्त्रपूर्ण चाल; शक्ति र साधनद्वारा जबरजस्ती दबाउने प्रक्रिया। |
| 40315 | दमनशील | वि. | १. दबाउने स्वभाव भएको; दमन गर्ने खालको। |
| 40316 | दमनशील | वि. | २. दबाउन सकिने; लचिलो;लचकदार। |
| 40317 | दमना | ना. | गोदावरी फूलका जस्तै मसिना पात हुने, पहेँला र मसिना फूल फुल्ने, एक जातको फूलको बोट; त्यसकै फूल; दमन (फूल)। |
| 40318 | दमनीय | वि. | १. दमन गर्न उचित; वशमा पार्न लायक; दमन गर्नुपर्ने। |
| 40319 | दमनीय | वि. | २. दमन गर्न सकिने; दब्ने खालको। |
| 40320 | दमपच | ना. | १. कसैबाट लिएको धनमाल, सरसामान फिर्ता नगरी पचाउने काम; लिएको मालताल, पैसा वा जिन्सी दबाउने काम। |
| 40321 | दमपच | ना. | २. भाग्ने काम; चम्पट; सुइँकुच्चा। |
| 40322 | दमयन्ती | ना. | महाभारतमा वर्णित, विदर्भ देशका राजा भीमकी छोरी; राजा नलकी रानी। |
| 40323 | दमाईं | ना. | प्रायः लुगा सिउने र बिहा, व्रतबन्ध बाजा बजाउने पेसा भएको एक जाति; नगर्ची; दर्जी। |
| 40324 | दमाईंगेडो | ना. | बोटमा काँडैकाँडा हुने र हिउँद महिनामा राता राता दाना फल्ने एक रुख; त्यसै बोटमा फल्ने गेडा। |
| 40325 | दमाईंचरो | ना. | जिउ फिक्का पहेँलो तर ढाडमा कालो मिसिएको, पुच्छर ठाडो पारेर फुरुकफुरुक नाच्ने र पातपतिङ्गर सिएर गुँड बनाउने, भँगेरोजत्रो एक जातको चरो। |
| 40326 | दमार | ना. | १. खोलाका किनारको वा औलो लाग्ने जङ्गलका बिचको खोँच; औलिया ठाउँ। |
| 40327 | दमार | ना. | २. झारैझार भएको झाडी वा ठाउँ। |
| 40328 | दमाहा१ | ना. | पिँधतिर सानो र मुखतिर ठुलो हुँदै आएको, भिउँट जस्तै आकारको, तामाको भाँडोलाई छालाले मोहोरिएको, गजाले हानेर बजाइने एक बाजा; सानो खालको नगरा। |
| 40329 | दमाहा२ | ना. | दमना फूलका जस्तै फूल फुल्ने, पहाडी भेगमा हुने एक जातको बोट; सोही बोटको फूल; दमौरो। |
| 40330 | दमाहागेडी | ना. | बोटधयेँराको जस्तो पात र अमिलो गेडा हुने, स्याउलाको काम लिइने एक बोट। |
| 40331 | दमिनी / दमेना | ना. | १. दमाईं जातकी स्त्री; दमाईं नारी। |
| 40332 | दमिनी / दमेना | ना. | २. दमाईंकी पत्नी; दमेना। |
| 40333 | दमौरो | ना. | पहाडतिर पाइने पाकेपछि कालो रङको हुने, गुलियो स्वादको, दमाहा वृक्षको फल। |
| 40334 | दम्कनु | अ.क्रि. | १. नदेखिने गरी लुके झैँ गर्नु; छिप्न खोज्नु; दब्नु; लुक्नु। |
| 40335 | दम्कनु | अ.क्रि. | २. अलिअलि गरी पछि हट्नु; हच्कनु; दच्कनु। |
| 40336 | दम्काइ | ना. | दम्कने तथा दम्काउने भाव, क्रिया वा प्रक्रिया। |
| 40337 | दम्काइनु | क.क्रि. | दम्कने पारिनु। |
| 40338 | दम्काउनु | स.क्रि. / प्रे.क्रि. | १. दप्काउनु; हच्काउनु। |
| 40339 | दम्काउनु | स.क्रि. / प्रे.क्रि. | २. लुकाउनु; छिपाउनु; दबाउनु। |
| 40340 | दम्कन्ने | ना. | उनिउँका जस्तै पात हुने, मसिनो कालो डाँठ भएको, पातका पछाडि सेतो धुलो हुने एक जातको झार; एक प्रकारको उनिउँ। |
| 40341 | दम्किनु | अ.क्रि. | १. दप्किनु। |
| 40342 | दम्किनु | अ.क्रि. | २. दम्कनु। |
| 40343 | दम्किलो | वि. | दम्कने खालको; दम्कने स्वभाव भएको; लुक्ने; छिप्ने। |
| 40344 | दम्को | ना. | १. हिँड्दा पदचापबाट आउने आवाज;पैतालाको शब्द। |
| 40345 | दम्को | ना. | २. हिँडाइमा कुर्कुच्चो बज्रिँदा भित्र चस्कने एक रोग। |
| 40346 | दम्को | ना. | ३. हुप; झस्को। |
| 40347 | दम्क्याइ | ना. | दम्को आउने भाव, अवस्था वा प्रक्रिया; दम्काइ। |
| 40348 | दम्पती | ना. | विधिविधानअनुसार औपचारिक रूपमा परिणत भएका लोग्नेस्वानीको जोडी; जोईपोइ; पतिपत्नी। |
| 40349 | दम्भ | ना. | १. बोक्रे खालको अभिमान; झुटो घमन्ड; आडम्बर; देखावटी स्वाङ। |
| 40350 | दम्भ | ना. | २. जालझेल; छल; कपट। |