|
|
|
|
|
|---|---|---|---|
| 45101 | नगदे | वि. | नगदका रूपमा परिणत गर्न सकिने (बस्तुभाउ, बालीनाली आदि); नगदी। |
| 45102 | नगदे बाली | ना. | १. नगद आम्दानी गर्ने उद्देश्यले उब्जाइने कृषिबाली (उखु, सुर्ती, कपास, जुट आदि )। |
| 45103 | नगदे बाली | ना. | २. बेचबिखन गरेर नगदका रूपमा परिणत गर्न सकिने त्यस्तो बाली। |
| 45104 | नगर | ना. | १. सडक, बजारसहित धेरै मान्छेहरूको बस्ती भएको र गाउँभन्दा बढी भौतिक साधन र सुविधा भएको विकसित ठाउँ; सहर; पुर (टाउन)। |
| 45105 | नगर | ना. | २. त्यस्तै ठुलो रूपमा रहेको कुनै एक बस्ती (विराटनगर, आदर्शनगर, महेन्द्रनगर इ.)। |
| 45106 | नगरकोट | ना. | नेपालको बाग्मतीअञ्चलअन्तर्गत भक्तपुर जिल्लाको उत्तरपूर्व कुनामा रहेको हिमाली शृङ्खला तथा सूर्योदयको मनोहर दृश्य देखिने एक प्रसिद्ध ठाउँ। |
| 45107 | नगरनायिका | ना. | सहरमा बसेर नाचगान गर्ने र पैसा लिएर परपुरुषसँग सहवास गर्ने स्त्री; वेश्या; रन्डी। |
| 45108 | नगरपञ्चायत | ना. | नगरको स्वास्थ्य, सफाइ, बत्ती, सडक, ढल, पानी आदिको व्यवस्था गर्नका लागि पञ्चायतकालीन नगरपञ्चायत ऐनबमोजिम सम्बन्धित नगरका जनताद्वारा निर्वाचित, पञ्चायती व्यवस्थाअनुसार नगरतहको निकाय। |
| 45109 | नगरपाल | ना. | नगरको हेरचाह गर्ने व्यक्ति; नगरको रक्षा गर्ने व्यक्ति; नगररक्षक। |
| 45110 | नगरपालिका | ना. | वर्तमान व्यवस्थाअनुरूप नगरको सरसफाइ, स्वास्थ्य, सडक, भवन, ढल, पानी आदिको व्यवस्था गर्न वैधानिक रूपमा निर्वाचित र सङ्गठित निकाय। |
| 45111 | नगरपिता/प्रमुख | ना. | नगरपालिकाका निर्वाचित प्रमुख अधिकारी; मेयर। |
| 45112 | नगर प्रहरी | ना. | नगरको हेरचाह वा रक्षा गर्नका लागि राखिने प्रहरी; नगररक्षक प्रहरीको विशेष विभाग। |
| 45113 | नगरवासी | वि. | नगर वा सहरमा बस्ने; पुरवासी; सहरिया। |
| 45114 | नगर विकास योजना | ना. | नगरमा पानी, बिजुली, ढल, सडक आदिको आवश्यक व्यवस्था मिलाई नगरको समुचित विकास गर्न बनेको योजना; योजनाबद्ध रूपमा नगर बसाउने वा नगरको विकास गर्ने कार्यक्रम (टाउनप्लानिङ)। |
| 45115 | नगरा | ना. | पिँध तिखो भएको भिउँटजस्तो, तामाका भाँडामा छालाले मोहोरेको, गजाले बजाइने एक तालबाजा; ठुलो दमाहा; डङ्का। |
| 45116 | नगरी | ना. | १. सानो नगर वा सहर। |
| 45117 | नगरी | ना. | २. नगर। |
| 45118 | नगरीकरण | ना. | नगर बनाउने काम; कुनै ठाउँलाई सहरका रूपमा विकास गर्ने काम। |
| 45119 | नगरीय | वि. | १. नगरमा बस्ने वा हुने। |
| 45120 | नगरीय | वि. | २. नगरसम्बन्धी; नगरको। |
| 45121 | नगर्ची | ना. | १. नगरा बजाउने व्यक्ति। |
| 45122 | नगर्ची | ना. | २. दमाईंलाई मानपूर्वक सम्बोधन गर्दा प्रयोग गरिने शब्द। |
| 45123 | नगाधिप | ना. | १. पुराणअनुसार पर्वतको राजा मानिएको सुमेरु पर्वत। |
| 45124 | नगाधिप | ना. | २. हिमालय। |
| 45125 | नगिच | ना. यो. / क्रि.वि. | हे. नजिक। |
| 45126 | नगेन्द्र | ना. | १. नगाधिप; सुमेरु। |
| 45127 | नगेन्द्र | ना. | २. हिमालय। |
| 45128 | नगोपा | ना. | धार्मिक पूजाआजा चलाउने, राईलिम्बूका धर्मगुरु। (नगोपालाई देउता चढ्नुका साथै ऊ ईश्वरको प्रतिनिधि बनेर मानिसलाई निर्देशित गर्छ। नगोपाद्वारा झाँक्री र वैद्यको काम पनि हुन्छ )। |
| 45129 | नग्गा | वि. | उछिनेर अगाडि जाने; नाघ्ने। |
| 45130 | नग्न | वि. | १. शरीरमा लुगाफाटो केही नभएको; नाङ्गो; दिगम्बर; निर्वस्त्र। |
| 45131 | नग्न | वि. | २. आवरण नभएको। |
| 45132 | नग्न | वि. | ३. ढाकछोप नगरी जस्ताको तस्तै रहेको; यथार्थ; खसोखास (रूप, कुरो आदि)। |
| 45133 | नग्नता | ना. | १. नग्न हुनाको भाव वा अवस्था; नङ्गापन; नाङ्गोपना। |
| 45134 | नग्नता | ना. | २. सब थोक प्रकट गर्नाको भाव वा स्थिति। |
| 45135 | नग्न नृत्य | ना. | १. नाङ्गो नाच। |
| 45136 | नग्न नृत्य | ना. | २. मनलाग्दो व्यवहार। |
| 45137 | नग्न सत्य | ना. | राम्रो वा प्रिय देखाउने उद्देश्यले कुनै कपोकल्पित वा बनावटी कुरा नथपिएको वास्तविक कुरो; सुन्दा वा हेर्दा अप्रिय र नराम्रो लाग्ने तर यथार्थ कुरो; नाङ्गो सत्य। |
| 45138 | नग्ना | वि. | १. लुगाफाटो नलगाएकी; नाङ्गी; निर्वस्त्र (स्त्री)।२. लाज सरम नभएकी; निर्लज्ज (स्त्री)। |
| 45139 | नघाइ | ना. | १. नाघ्ने क्रिया वा प्रक्रिया। [ नघाउ + आइ] |
| 45140 | नघाइ | ना. | २. नघाउने क्रिया वा प्रक्रिया। |
| 45141 | नघाइनु | क.क्रि. | नाघ्न लाइनु। |
| 45142 | नघाउनु | प्रे. क्रि. | नाघ्न लगाउनु; नाघ्ने बनाउनु। |
| 45143 | नङ | ना. | औँलाका टुप्पामा औँलाको मासुबाटै पलाएको र त्यसैसँग टाँसिएको, छालाभन्दा माथि आएजति चाहिँ काट्ता नदुख्ने पातलो हाड; नख; नङ्ग्रा। |
| 45144 | नङकटनी | ना. | १. इस्पातबाट बनेको नङ काट्ने साधन। |
| 45145 | नङकटनी | ना. | २. नङ काट्ने काम। |
| 45146 | नङछुरी | ना. | १. औँलाका टुप्पामा नङनिर ठिहिऱ्याउँदा हुने पीडा; नङसिरी। |
| 45147 | नङछुरी | ना. | २. नङका दायाँबायाँ कुनामा निस्कने मसिनो छेस्कोजस्तो अवयव, उचेरा। |
| 45148 | नङछुरी | ना. | ३. नङका कुना पाक्ने एक रोग। |
| 45149 | नङपालिस | ना. | नङमा लगाइने पालिस। |
| 45150 | नङमासु | ना. | १. नङ र मासु। |