|
|
|
|
|
|
|---|---|---|---|---|
| 8201 | इतिवृत्त | ना. | २. ऐतिहासिक वृत्तान्त; इतिहास। | |
| 8202 | इतिश्री | ना. | १. भएभरको सबै सम्पत्ति, कामकाज वा अन्य कुरा खत्तम भएको वा टुङ्गिएको अवस्था; समाप्ति; स्वाहा; निःशेषता; निर्मूलन। | |
| 8203 | इतिश्री | ना. | २. कुनै ग्रन्थ वा ग्रन्थांशको पुछारमा सो समाप्त भएको कुरा जनाउने शब्द (.... इतिश्री स्कन्दपुराणे केदारखण्डे माघमहात्म्ये... प्रथमोऽध्यायः)। | |
| 8204 | इतिहास | ना. | १. अतीत काल वा विगत समयका घटनाहरूको वर्णन, विश्लेषण र मूल्याङ्कन गर्ने ज्ञानको एक शाखा; अतीतको अनुसन्धान र छानबिनमा आधारित अध्ययन; तत्सम्बन्धी ग्रन्थ। | |
| 8205 | इतिहास | ना. | २. कुनै मुलुक, जाति, संस्था, विषय आदिका अतीतका घटनाहरूको क्रमबद्ध वर्णन वा वृत्तान्त। | |
| 8206 | इतिहास | ना. | ३. अतीतका सानाठुला घटनाहरूको सारांश वा विवरण; अतीतका असाधारण तथा स्मरणीय चरित्र आदिको वृत्तान्त वा विवरण; पुर्ख्यौली। | |
| 8207 | इतिहासविद् / वेत्ता | वि. | इतिहासको ज्ञाता। | |
| 8208 | इतिहासशिरोमणि | ना. | नेपालमा इतिहासका क्षेत्रमा विशिष्ट योगदान दिएका व्यक्तिलाई राष्ट्रका तर्फबाट प्रदान गरिने एक उपाधि (स्व. बाबुराम आचार्यलाई 'इतिहासशिरोमणि' को उपाधि दिइएको थियो।)। | |
| 8209 | इत्तरो | वि. | लाज, सरम पचेको; जिस्किने वा छिल्लिने; नकच्चरो; थेत्तरो। | |
| 8210 | इत्यादि | अव्य. | १. यो र यस प्रकारका; यसबाहेक अन्य पनि; यस्तै; अरू पनि; आदि; प्रभृति। २ लगायत; समेत। | |
| 8211 | इत्यादि | अव्य. | ३. कुनै लेखाइ वा बोलाइका क्रममा प्रमुख कुराहरूको उल्लेख गरी त्यस्तै प्रकारका अन्य कुराको सङ्केत दिन प्रयुक्त हुने शब्द (उदा.- साहित्यमा कविता, कथा, उपन्यास इत्यादि विधा देखिएका छन्।)। | |
| 8212 | इत्रिनु | अ.क्रि. | हे. इतरिनु। | |
| 8213 | इथर | ना. | १. सम्पूर्ण आकाशमा व्याप्त भएको र त्यसैबाट प्रकाशका किरण पृथ्वीमा आउने पारदर्शी सूक्ष्म तत्त्व। | |
| 8214 | इथर | ना. | २. गन्धकको तेजाब र मद्यसारबाट तयार हुने एक रासायनिक पदार्थ। | |
| 8215 | इद | ना. | मुसलमानको एक प्रसिद्ध चाड। | |
| 8216 | इदगाह | ना. | इदका दिन सबै मुसलमान मेला भएर नमाज पढ्ने ठाउँ। | |
| 8217 | इदमित्थ/इदमित्थम् | ना. | १. यो कुरा यस्तै हो वा यस कुरामा यसै गर्ने भन्ने निक्र्यौल, निधो वा ठहर; अठोट; अन्तिम टुङ्गो। | |
| 8218 | इदमित्थ/इदमित्थम् | ना. | २. ठेगान;तहकिकात। | |
| 8219 | इदमित्थ/इदमित्थम् | ना. | ३. कुनै कामकुराका बारेमा यस अवधिसम्म यसो नभएमा यसो गरिनेछ भनी दिइने म्यादसहितको अन्तिम चेतावनी; अल्टिमेटम। (उदा.- मजदुरहरूद्वारा आफ्ना सात सूत्रीय माग एक साताभित्र पूरा नभएमा हडताल गर्ने इदमित्थम् दिइएको खबर छ। )। | |
| 8220 | इनसोल | ना. | जुत्ताभित्रको तलुवा; जुत्ताको भित्री तलुवा; गुरुपात। | |
| 8221 | इनाम | ना. | कुनै उल्लेखनीय वा चित्तबुझ्दो काम गरेबापत सो काम गर्ने व्यक्तिको हौसला बढाउन दिइने पुरस्कार; पारितोषिक; बक्स; बक्सिस। | |
| 8222 | इनामपाट | ना. | डकर्मीले घरको गाह्रो लगाउँदा तलमाथिको सुर सिधा पार्न झुन्ड्याएर हेर्ने घण्टीको डोरी। | |
| 8223 | इनामेल | ना. | काठ, फलाम, ढुङ्गा, सिसा आदि वस्तुको सजावट वा संरक्षणका निम्ति रङ लगाउन वा त्यस्ता वस्तुमा केही लेख्न र चित्रकारी गर्न प्रयोग गरिने विभिन्न रङको रासायनिक तरल पदार्थ। | |
| 8224 | इनार | ना. | जमिनमा खनेर पानीको मूल भेट्टाई इँट आदिको गोलाकार गाह्रो लगाएर बनाइएको, डोरीमा घल्चा, बाल्टी आदि झुन्ड्याएर डुबाई पानी झिकिने गहिरो खाल्डो। | |
| 8225 | इनेगिने | वि. | छानिएका वा रोजिएका केही; नाम चलेका वा गनिएका मध्ये थोरै; धेरैमध्ये केही वा दुईचार। | |
| 8226 | इन्कार्नु | स.क्रि. | इन्कार गर्नु; अस्वीकार गर्नु; नामन्जुरी जनाउनु। | |
| 8227 | इन्कार | ना. | १. नकारात्मक उत्तर; अस्वीकार; नामन्जुरी। विप. मन्जुरी; स्वीकार। | |
| 8228 | इन्कार | ना. | २. कसैले आफूमाथि कुनै कुराको अभियोग वा आरोप लगाउँदा सो कुरा होइन भनी वा त्यसको खण्डन गरी दिइने जवाफ। | |
| 8229 | इन्कारी | ना. | १. इन्कार वा अस्वीकार गर्ने काम। | |
| 8230 | इन्कारी | ना. | २. आफुमाथि आइपरेको वा लगाइएको कुनै अभियोग वा आरोपको अस्वीकार; त्यस्तो अभियोग वा आरोपबाट सफाइ लिने चेष्टा वा प्रयास। | |
| 8231 | इन्कारी पत्र | ना. | अभियोग लगाइएको व्यक्तिले आफूले त्यसो गरेको छैन भनी लेखिदिने कागत; नामन्जुरीको लिखत वा कागत। | |
| 8232 | इन्क्लाब | ना. | १. सामूहिक विरोध प्रदर्शन, जुलुस आदिमा प्रेरणा वा उल्लास जागृत गर्न नाराका रूपमा प्रयोग गरिने शब्द (जस्तो- इन्क्लाब जिन्दावाद )। | |
| 8233 | इन्क्लाब | ना. | २. क्रान्ति; परिवर्तन। | |
| 8234 | इन्च | ना. | एक फुटको बाह्रौँ भाग वा त्यस बराबरको नापो। | |
| 8235 | इन्ची | ना. | इन्च। | |
| 8236 | इन्जन / इन्जिन | ना. | १. बाफबाट चल्ने, बाटो पेल्ने गह्रौँ र भद्दा किसिमको कल। | |
| 8237 | इन्जन / इन्जिन | ना. | २. बाफ अथवा बिजुलीका बलले रेलका डिब्बाहरू तान्ने यन्त्र। | |
| 8238 | इन्जन / इन्जिन | ना. | ३. शक्ति उत्पादक यन्त्र। | |
| 8239 | इन्जिनियर | ना. | १. सडक, घर, पुल आदि बनाउने वा मरम्मत गर्ने शिल्पविद्यामा विश्वविद्यालयबाट स्नातकको उपाधि प्राप्त व्यक्ति; वास्तुकला विशेषज्ञ। | |
| 8240 | इन्जिनियर | ना. | २. कल, इन्जिन आदि बनाउने वा मरम्मत गर्ने काममा स्नातक भएको व्यक्ति; यन्त्रविद्या विशेषज्ञ। | |
| 8241 | इन्जिनियरिङ | ना. | १. कलपुर्जा आदि बनाउने वा मरम्मत गर्ने विद्या; यन्त्रविद्या। | |
| 8242 | इन्जिनियरिङ | ना. | २. घर, पुल, बाटो आदि बनाउने विद्या; वास्तुकला। | |
| 8243 | इन्जिनियरिङ | ना. | ३. इन्जिनियरको काम। | |
| 8244 | इन्जिनियरी | ना. | इन्जिनियरिङ। | |
| 8245 | इन्जेक्सन | ना. | १. शरीरको नसा, मांसलस्थान आदिमा सियोद्वारा औषधीको अन्तःक्षेपण। | |
| 8246 | इन्जेल | प्रत्य. | धातु वा सर्वनाम शब्दका पछाडि गाँसिएर लगातारको क्रमिकता जनाउने प्रत्यय ( खाइन्जेल, बसिन्जेल, त्यतिन्जेल, कतिन्जेल इ.)। | |
| 8247 | इन्टरनेट | ना. | कम्प्युटरका माध्यमबाट तथ्यहरूलाई प्रसारण वा आदान-प्रदान गर्न प्रयोग गरिने विश्वव्यापी सञ्जाल। | |
| 8248 | इन्टरभ्यु | ना. | अन्तर्वार्ता। | |
| 8249 | इन्टरमिडियट | वि. | १. प्रवेशिका र स्नातकका बिचको (कक्षा)। | |
| 8250 | इन्टरमिडियट | वि. | २. बिचको; मध्यवर्ती। |