|
|
|
|
|
|
|---|---|---|---|---|
| 8951 | उडका | ना. | लामो चुच्चो हुने बट्टाईका रङ्गको सारौँजत्रो, सिमसारमा पाइने एक चरो; चाहा; लामचुच्चे । | |
| 8952 | उडन | ना. | उड्ने काम । | |
| 8953 | उडनतस्तरी | ना. | परीकथाहरूमा पाइने आकाशमा उड्ने डुङ्गा; काल्पनिक हवाईजहाज । | |
| 8954 | उडनधर्मी | वि. | उड्ने वा उडेर बिलाउने स्वभावको (चरो, हावा, कपुर आदि) । | |
| 8955 | उडन्ता | वि. | १. कुनै प्रमाण वा दसी नभएको; बेप्रमाणको; उडुवा (हल्ला वा कुरा) । | |
| 8956 | उडन्ता | वि. | २. नचाहिँदो किसिमले खर्च गर्ने; फजुलखर्ची; खर्चालु । | |
| 8957 | उडन्ता | वि. | ३. जहाँतहीँ पुग्ने; घुमन्ता । | |
| 8958 | उडन्ताम् | वि. | हे. उडन्ता । | |
| 8959 | उडन्ती | वि. | हे. उडन्ता । | |
| 8960 | उडन्ते | वि. | उड्ने जातको; उडुवा । | |
| 8961 | उडाइ | ना. | उड्ने भाव, क्रिया वा प्रक्रिया । | |
| 8962 | उडाइनु | क.क्रि. | उड्ने पारिनु; उड्न लाइनु । | |
| 8963 | उडाउनु | प्रे.क्रि. | १. उड्न लाउनु; उड्ने पार्नु। स.क्रि. | |
| 8964 | उडाउनु | प्रे.क्रि. | २. खिसिटिउरी गर्नु; गिज्याउनु । | |
| 8965 | उडाउनु | प्रे.क्रि. | ३. भएनभएको कुरा गाँसेर उराल्नु, फुर्क्याउनु । | |
| 8966 | उडाउनु | प्रे.क्रि. | ४. नचाहिँदो किसिमले धनपैसा मास्नु; बेतरिकाले खर्च गर्नु; अपव्यय गर्नु। | |
| 8967 | उडाउनु | प्रे.क्रि. | ५. बतासले धुलोमाटो आदि सगरमा लानु । | |
| 8968 | उडाउनु | प्रे.क्रि. | ६. नाङ्लो आदि हम्केर बतास लगाई भुस, पगटा आदि हटाउनु । | |
| 8969 | उडाउनु | प्रे.क्रि. | ७. कुनै वस्तु थाहा नपाई लानु; चोर्नु । | |
| 8970 | उडाउनु | प्रे.क्रि. | ८. कुनै कामकुरो मिलिक्कै सक्नु। | |
| 8971 | उडाउनु | प्रे.क्रि. | ९. खानेकुरो फुर्तीसाथ छिटै खानु । | |
| 8972 | उडान | ना. | १. पखेटा वा अन्य साधनको सहायताले आकाशमा माथिसम्म पुग्ने काम; हवाईजहाजद्वारा एक ठाउँबाट अर्को ठाउँका लागि गरिने प्रस्थान। | |
| 8973 | उडान | ना. | २. उड्ने क्रिया वा भाव; उडाइ । | |
| 8974 | उडान कर | ना. | हवाईजहाजबाट प्रस्थान गर्दा विमानस्थलमा उठाइने अतिरिक्त शुल्क। | |
| 8975 | उडान सेवा | ना. | हवाईसेवा । | |
| 8976 | उडालु | वि. | १. धेरै समयसम्म उड्ने स्वभावको । | |
| 8977 | उडालु | वि. | २. अनियन्त्रित रूपमा खर्च गर्ने; खर्चालु । | |
| 8978 | उडिल्याइँ | ना. | उडिल्याउने चाल; बहकावट । | |
| 8979 | उडिल्याउनु | स.क्रि. | कसैलाई नभएका कामकुरामा सर्काउनु वा जिस्क्याउनु; उडाउनु। | |
| 8980 | उडु | ना. | १. नक्षत्र; तारा । | |
| 8981 | उडु | ना. | २. चरा; पक्षी । | |
| 8982 | उडु | ना. | ३. डुङ्गा; नाउ । | |
| 8983 | उडुगण | ना. | ताराको समूह; नक्षत्रपुञ्ज । | |
| 8984 | उडुपति | ना. | चन्द्रमा । | |
| 8985 | उडुल्को | ना. | सम्म ठाउँमा केही उठेको भाग । | |
| 8986 | उडुवा | वि. | १. उड्ने स्वभावको। | |
| 8987 | उडुवा | वि. | २. बेप्रमाणको; आधारहीन; उडन्ता । | |
| 8988 | उडुवा | वि. | ३. चाहिँदोभन्दा बढ्ता खर्च गर्ने; फजुलखर्ची । | |
| 8989 | उडुवा भ्यागुतो | ना. | सानो र सलक्क परेको, पातला लामा खुट्टा हुने र औँलाका कापमा पातलो छाला हुने, टुप्पा गाँठा गाँठा परेको, रुखमा बस्ने र एक रुखबाट अर्को रुखमा हातखुट्टा फैलाई सजिलै जानसक्ने एक भ्यागुतो (उभयचर समूहमा पर्ने यो भ्यागुतो, नेपाल, भारत आदि देशमा पाइन्छ।)। | |
| 8990 | उडुवा माछो | ना. | अगाडि पखेटा फैलिएर चराको जस्तै भएको, फुत्त फुत्त पानीमा उड्न सक्ने, अन्दाजी १० इन्च लामो हुने एक माछो (माछासमूहमा पर्ने यो माछो हिन्द र आन्ध्र महासागरमा पाइन्छ।)। | |
| 8991 | उडुवा लोखर्के | ना. | लामो भुवादार, ध्वाँसे परेको शरीर र ठुला कान भएको, रुखमा बस्ने, राति हिँडडुल गर्ने र १३५ मिटरसम्म उड्न सक्ने लोखर्के। (स्तनधारी समूहमा पर्ने यस लोखर्केको छाला फैलिएर पखेटाजस्तो बनेको हुन्छ)। | |
| 8992 | उडुस | ना. | पलङ, बिछ्यौना, झुल आदिमा हुने, गहतजस्तो कलेजी रङको, मानिसको रगत चुस्ने च्याप्टो किरा । | |
| 8993 | उडुसे | वि. | उडुसजस्तो; उडुसको छाँटको । | |
| 8994 | उड्कनु | स.क्रि. | १. कुनै विषयका बारेमा दोष देखाउनु वा भाँजी हाल्ने चर्चा गर्नु; अर्काको कमजोरी लगातार कोट्याइरहनु ।२. आफूबाट भएगरेका कामकुरा बारम्बार दोहोऱ्याउनु । | |
| 8995 | उड्कनु | स.क्रि. | ३. राम्रो सम्बन्ध भएका व्यक्तिसँग पनि चाहिने-नचाहिने कुरा गरेर बाझ्नु । | |
| 8996 | उड्कनु | स.क्रि. | ४. चिल्लो लागेका भाँडाबर्तन आदिलाई फुको भुस वा खरानी दलेर सफा गर्नु । | |
| 8997 | उड्काइ | ना. | उड्कने भाव वा क्रियाप्रक्रिया । | |
| 8998 | उड्काइनु | क.क्रि. | उड्कन लाइनु । | |
| 8999 | उड्काउनु | प्रे.क्रि. | उड्कन लाउनु; अर्काको दोष कोट्ट्याउनु । | |
| 9000 | उड्कुसी-मुड्कुसी | ना. | केटाकेटीले भुईंमा हात फिँजारी परस्परमा मुड्कीले हिर्काएर खेल्ने एक खेल । |