|
|
|
|
|
|
|---|---|---|---|---|
| 13051 | करेन्ट | ना. | १. पानी, कोइला वा तेलबाट वैज्ञानिक प्रक्रियाद्वारा उत्पादित बिजुलीबत्ती बाल्ने र मेसिन आदि चलाउने काममा प्रयोग गरिने एक प्रकारको अदृश्य शक्ति; विद्युत् प्रवाह; विद्युत् तरङ्ग। | |
| 13052 | करेन्ट | ना. | २. नदी आदिको पानीको प्रवाह; पानीको धारा। | |
| 13053 | करेप्नु | अ.क्रि. | १. हलचल गर्न नसक्ने गरी समाउनु; अँठ्याउनु। | |
| 13054 | करेप्नु | अ.क्रि. | २. अक्करमा वा पासोमा पार्नु; करमा पार्नु; करकाप गर्नु; ऱ्याखऱ्याखती पार्न। | |
| 13055 | करेप | ना. | १. हलचल गर्न नसकिने अँठ्याइ, समाइ, पासो आदिबाट भएको वा परेको बन्धन। | |
| 13056 | करेप | ना. | २. कुनै काम नगरी नहुने वा टार्नै पर्ने कर; करकाप। | |
| 13057 | करेपाइ | ना. | करेप्ने वा करेपिने क्रिया वा प्रक्रिया। | |
| 13058 | करेपाइनु | क.क्रि. | करेप्न लाइनु। | |
| 13059 | करेपाउनु | प्रे.क्रि. | करेपमा पार्नु वा पार्न लाउनु। | |
| 13060 | करेपिनु | क.क्रि. | करेप्ने काम गरिनु; अँठ्याइनु। | |
| 13061 | करेली | ना. | १. काठी कसेको बखत घोडाका टाउकामा लाउने छालाको साज; मोहोडा। | |
| 13062 | करेली | ना. | २. लगाम। | |
| 13063 | करेलो | ना. | वर्षायाममा तीनचोसे पात हुने लहरामा फल्ने, चोसैचोसा निस्कने र तितो स्वादको हुने, तरकारी वा अचार बनाएर खाइने लाम्चो फल; तिते करेलो। | |
| 13064 | करेसाबारी | ना. | घरले चर्चेको तर घर र आँगनले ओगटेर बाँकी रहेको, घरका दायाँबायाँ र पछिल्तिरको तरकारी खेती गर्ने बारी; घरका वरिपरिको तरकारी खेती गर्ने जग्गा। | |
| 13065 | करेसो | ना. | घरले चर्चेको र आँगनले ओगटेर बाँकी रहेको जग्गा ( दायाँबायाँका पटाङ्गिनी र पछाडिको बारीसमेत)। | |
| 13066 | करोड | ना. | सय लाखको सङ्ख्या; कडोर। | |
| 13067 | करोडन् | वि. | अनेक करोड। | |
| 13068 | करोडपति | ना. | करोडौँ रुपियाँको मालिक; कडोरपति। | |
| 13069 | करोडौँ | वि. | करोडन्; कडोरौँ। | |
| 13070 | करौँजा/करौँजी | ना. | १. पिरो, तितो स्वादको भईकन गरम र दीपनगुण हुने, तीन चोसा परेको साना साना काला दाना हुने एक प्रकारको वनस्पति; कालो जिरा; मुग्रेलो; मुङ्रेलो। | |
| 13071 | करौँजा/करौँजी | ना. | २. तितो र अमिलो स्वाद हुने, रातोसेतो रङ्को, आयुर्वेदमा रुचिकारक, कफपित्तवर्धक र तृष्णानाशक भनी बताइएको वनस्पति फलविशेष; करौँदा। | |
| 13072 | करौँत | ना. | काठ चिर्ने काम गरिने, चौकोसमा जडिएको, दाँती भएको, चेप्टो र लामो फलामको पाता; ठुलो आरा। | |
| 13073 | करौँती | ना. | रेटेर काठ आदि चिर्ने एकापट्टि मुठ जडिएको एक किसिमको दाँतीदार फलामे हतियार; सानो खालको आरा। | |
| 13074 | करौँते | ना. | १. खस्रा र लामा पात हुने, सेतो फूल फुल्ने, भुईंमा वा पानीमा लहरा फैलने दुबोजातको एक प्रकारको झार; पानीदुबो। | |
| 13075 | करौँते | ना. | २. पात ज्यादै खस्रो हुने सानो खालको एक प्रकारको बाँस। वि. | |
| 13076 | करौँते | ना. | ३. करौँतीजस्तो रेट्ने वा अर्कालाई निर्दयी चालले दुःख दिने स्वभावको; करौँतीजस्तो। | |
| 13077 | करौँते झार | ना. | पातका दुई छेउमा करौँतीका जस्ता मसिना काँढा हुने झार (घाँस)। | |
| 13078 | करौँदा | ना. | १. ससाना पात, सेतो फूल, साना गोल फल लाग्ने एक प्रकारको काँडे रुख। | |
| 13079 | करौँदा | ना. | २. त्यसैको फल; करमर्द। | |
| 13080 | करौँदा | ना. | ३. सेतोरातो मिसिएको अमिलो फल; करञ्ज। | |
| 13081 | कर्कनु | अ.क्रि. | १. सोझो भएर ठडिनुपर्ने वस्तु (घरको गाऱ्हो, लिङ्गो, बाँस, खामो आदि) बाङ्गिनु; टेढिनु; कर्के हुनु। | |
| 13082 | कर्कनु | अ.क्रि. | २. कसैलाई देखेको नदेख्यै गरी अर्कातिर लाग्नु; बाटो छलेर हिँड्नु। | |
| 13083 | कर्कट | ना. | १. बाह्र राशिमध्ये चौथो राशि; कर्क राशि; कर्कट राशि। | |
| 13084 | कर्कट | ना. | २. छिपछिपे पानी भईकन ढुङ्ग्यान ठाउँमा बस्ने छ खुट्टाजति भएको र अघिल्तिर केही मोटा, चिम्टे, धारिला, चेपुवाजस्ता दुई नङ्ग्रा हुने एक जलजन्तु; गँगटो। | |
| 13085 | कर्कट | ना. | ३. मालसामान जोख्ने तराजुको तेर्सो डाँठको दुवैतिर घुमुर्किएको, पल्ला थाली झुन्ड्याइने टुप्पो। | |
| 13086 | कर्कट राशि | ना. | कर्कट। | |
| 13087 | कर्कटपाता | ना. | घर छाउने काममा प्रयोग हुने, डिल र खोल्सी वा डाँडी र डोल्सीहरू परेको टिन वा जस्ताको पाता; जस्तापाता। | |
| 13088 | कर्कटरेखा | ना. | हे. कर्करेखा। | |
| 13089 | कर्कटशृङ्गी | ना. | लाम्चा पात, खैरा रङका लाम्चिला फल फल्ने, अर्को कुनै पनि वृक्षका साथ जोडिएर फस्टाउने एक प्रकारको परजीवी वृक्ष; हिक्का, वायु, अतिसार र रक्तदोषमा हित गर्ने गुण बताइएको त्यसैको फल। | |
| 13090 | कर्कटिका | ना. | मानिसको जन्मदेखि जीवनपर्यन्त शरीरका विभिन्न अङ्गमा रहने, कारणवश बढेर उग्र रूप लिएमा ज्यानै जाने सम्भावना पनि हुने मांसकोषको गिर्खा वा ग्रन्थि; अर्बुद। | |
| 13091 | कर्करेखा | ना. | भूगोलको विषुवत्रेखा वा भूमध्यरेखादेखि २३ 1/20 अंश उत्तरतिर भएको भूमध्यरेखाको समानान्तर रूपमा रहेको कल्पित भौगोलिक रेखा। | |
| 13092 | कर्कली | ना. | कर्कलाको लघु रूप; कर्कलो। (खाऊँ त कर्कली पेट फर्कली, नखाऊँ कर्कली सासू झर्कली। - उखान।) | |
| 13093 | कर्कलो | ना. | छाता जस्तै ठुलठुला नरम पात हुने, पहेँलो घोगाजस्तो फूल फुल्ने र धेरै सेला भएको कन्द हुने एक बोट; पिँडालुको बोट। | |
| 13094 | कर्कश | वि. | १. रुखो मिजास भएको; टर्रो स्वभावको। | |
| 13095 | कर्कश | वि. | २. लोलोपोतो गर्न नजान्ने; खस्रो। | |
| 13096 | कर्कशता | ना. | रुखो मिजास; कर्कश हुने भाव वा काम; करकरेपन। | |
| 13097 | कर्काइ | ना. | कर्कने भाव, क्रिया वा प्रक्रिया। | |
| 13098 | कर्काइनु | क.क्रि. | कर्कन लाइनु; टेढ्याइनु; बङ्ग्याइनु। | |
| 13099 | कर्काउनु | प्रे. क्रि. | १. टेढो पार्नु; बङ्ग्याउनु; मर्काउनु। | |
| 13100 | कर्काउनु | प्रे. क्रि. | २. आँखा सन्काउनु। |