|
|
|
|
|
|
|---|---|---|---|---|
| 15651 | कारोबार | ना. | कुनै मालमत्ता बेचबिखन गरी जीविका चलाउने काम; व्यापार। | |
| 15652 | कारोबार | ना. | २. रकम वा कुनै वस्तु लिनेदिने काम लेनदेन; सरसापट; ऐँचोपैंचो। | |
| 15653 | कारोबार | ना. | ३. उद्योगधन्दा, इलम; व्यवसाय। | |
| 15654 | कारोबारी | वि. | कारोबार गर्ने, बेपारको पेसा अँगाल्ने, लेनदेन गर्ने। | |
| 15655 | कार्गो | ना. | जल, स्थल वा हवाईमार्ग हुँदै एक ठाउँबाट अर्को ठाउँ पुऱ्याउन ल्याइएको मालमत्ता। | |
| 15656 | कार्गो बुक | ना. | कुनै कम्पनी वा संस्था आदिले कार्गो सेवा उपलब्ध गर्नाका निम्ति गरिने अग्रिम अनुबन्ध। | |
| 15657 | कार्गो सेवा | ना. | जल, स्थल वा हवाईमार्गबाट मालताल ल्याउनेलाने वा ओसारपसार गर्ने कार्य। | |
| 15658 | कार्चोप | ना. | १. कपडामा बुट्टा भर्ने कला वा काम; बत्तुभराइ, बेलबुट्टा, कारचोब (इम्ब्राइडरी)। | |
| 15659 | कार्चोप | ना. | २. बुट्टा भर्नका निमित्त कपडा तानेर राख्ने एक साधन। | |
| 15660 | कार्चोपी | वि. | कार्चोप वा बत्तु भरिएको; बुट्टा हालिएको। | |
| 15661 | कार्चोपी टोपी | ना. | मखमलमा रेसमका धागाले बुट्टा भरिएको, बिचमा जालीदार गट्टा राखिएको विशेष प्रकारको नेपाली टोपी; बिर्के टोपी। | |
| 15662 | कार्टुन | ना. | कुनै व्यक्ति वा घटनाको उपहास गर्न वा कुनै सत्यतर्फ औंल्याउन व्यङ्ग्यात्मक ढङ्गले लेखिएको चित्र, हास्यसहितको व्यङ्ग्यचित्र; व्यङ्ग्यचित्र। | |
| 15663 | कार्ड | ना. | कुनै पर्व, उत्सव वा विवाह आदिका निमन्त्रणा छापिने वा अन्य विशेष लेखपढ आदिमा प्रयोग गरिने आयताकार, बाक्लो र दह्रो कागजको टुक्रा, पत्र। | |
| 15664 | कार्ड | ना. | (निमन्त्रणाकार्ड, पोस्टकार्ड, पुस्तक लेनदेन कार्ड इ.)। | |
| 15665 | कार्तवीर्य | ना. | कृतवीर्यका छोरा तथा रावणका समकालीन हैहय देशका राजा; दश हजार यज्ञ गर्ने, दीर्घजीवी र तन्त्रशास्त्रका आचार्यका रूपमा प्रख्यात तिनै व्यक्ति; सहस्रार्जुन। | |
| 15666 | कार्तिक | ना. | असौज र मङ्सिरका बिचको महिना; सातौँ महिना कात्तिक। | |
| 15667 | कार्तिकेय | ना. | युद्धका देवता वा देवताहरूका सेनाध्यक्ष मानिएका, ६ टाउका, बाह्र हात र बाह्रवटै आँखा भएको वर्णन गरिएका शिवपुत्र; स्कन्द, अग्निभू, गङ्गापुत्र, षडानन; षण्मुख; कुमार, स्वामी- कार्तिक, मयूरवाहन। | |
| 15668 | कार्तोस | ना. | बाक्लो गत्ता, धातु आदिबाट बनाइएको, टोटावाल बन्दुक, तोप, पिस्तौलमा बारुदजस्ता विस्फोटक पदार्थ बन्द गरिएको वस्तु, टोटा (पानीभित्र विस्फोट गराई यसबाट माछा मार्ने काम पनि गरिन्छ।)। | |
| 15669 | कार्नेस | ना. | घर, भवन आदिका बाहिरपट्टिको पर्खाल वा गाह्रोलाई पानीबाट बचाउन र बाछिटा आदि भित्र जान नदिनका लागि आवश्यकताअनुसार प्रत्येक तलाका बिचमा त्यसै पर्खाल वा गाह्रोसँग जोडी केही बाहिर निकालिएको ईंट, टायल, कर्कटपाता आदिको फल्याकजस्तो छ। | |
| 15670 | कार्पेट | ना. | १. भुईं ढाक्न ओछ्याइने बाक्लो सादा वा बुट्टेदार कपडा, दरी। | |
| 15671 | कार्पेट | ना. | २. पालकीका विभिन्न भेदमध्ये एक। | |
| 15672 | कार्पेट ऊन | ना. | कार्पेट वा गलैँचा बनाउने खास किसिमको ऊन। | |
| 15673 | कार्बन | ना. | कोइला, अङ्गार आदिमा विद्यमान रहने एक रासायनिक तत्त्व (हीरा र सिसालाई विशुद्ध कार्बन मानिन्छ); प्राङ्गार। | |
| 15674 | कार्बन पेपर | ना. | टङ्कन आदिमा प्रतिलिपि निकाल्न कागतको बिचमा हाली प्रयोग गरिने एकापट्टि कार्बन लगाइएको पातलो पत्र वा कागत; प्राङ्गारपत्र। | |
| 15675 | कार्य | ना. | १. काम, कृत्य; काज। | |
| 15676 | कार्य | ना. | २. कर्तव्य। | |
| 15677 | कार्य | ना. | ३. पेसा, व्यवसाय। | |
| 15678 | कार्य | ना. | ४. धार्मिक कृत्य वा अनुष्ठान। | |
| 15679 | कार्य | ना. | ५. प्रयोजन; उद्देश्य। | |
| 15680 | कार्य | ना. | ६. नाटकको उपसंहार। | |
| 15681 | कार्यकर्ता | ना. | १. खास उद्देश्य वा कारणले काम गर्ने व्यक्ति; कर्मी, कर्मचारी; श्रमिक। | |
| 15682 | कार्यकर्ता | ना. | २. जिल्ला र गाउँगाउँ घुमेर राजनीतिक, सामाजिक आदि सिद्धान्तको प्रचारप्रसार गर्ने व्यक्ति। | |
| 15683 | कार्यकलाप | ना. | कामसम्बन्धी गतिविधि, कामकारबाई, काम गर्ने विधि वा तरिका। | |
| 15684 | कार्यकारण | ना. | कारण र कार्य; उद्देश्य र प्रयोजन; हेतु संयोग। | |
| 15685 | कार्यकारण भाव | ना. | कार्य र कारणको सम्बन्ध उत्पाद्य र उत्पादक भाव। | |
| 15686 | कार्यकारिणी | ना. | १. कुनै विशेष काम गर्न वा व्यवस्था मिलाउन आधिकारिक रूपबाट चुनिएका वा मनोनीत भएका विशिष्ट व्यक्तिहरूको समिति; सञ्चालक समिति; कार्यसमिति। | |
| 15687 | कार्यकारिणी | ना. | वि. २. कार्यको व्यवस्था गर्ने वा मिलाउने (सचिव, समिति, सभा, परिषद् इ.)। | |
| 15688 | कार्यकारी | ना. | १. विशेष रूपले कुनै काम गर्ने व्यक्ति, कार्यकर्ता। | |
| 15689 | कार्यकारी | ना. | २. कसैको अनुपस्थितिमा त्यस व्यक्तिको सम्पूर्ण अधिकार उपभोग गरी काम गर्ने व्यक्ति। | |
| 15690 | कार्यकारी | ना. | ३. कसैलाई कुनै विशिष्ट पद केवल सम्मानार्थ दिँदा विशेष अवस्थामा त्यस पदबाट गर्नुपर्ने काम सम्पन्न गर्ने अर्को व्यक्ति। | |
| 15691 | कार्यकाल | ना. | १. काम गर्ने समय; मौसम; उपयुक्त समय वा अवसर। | |
| 15692 | कार्यकाल | ना. | २. कुनै पद वा सेवामा रहँदा तोकिएको समयावधि; पदावधि। | |
| 15693 | कार्यकुशल | वि. | सिपालु, प्रवीण, खप्पिस, निपुण, दक्ष। | |
| 15694 | कार्यकुशलता | ना. | कार्यकुशल हुनाको भाव, ल्याकत, दक्षता, निपुणता। | |
| 15695 | कार्यक्रम | ना. | १. कुनै विशेष काम ( समारोह, आयोजना, गोष्ठी; सेमिनार आदि) का विविध अङ्गको सम्पादन गर्न तयार पारिएको क्रम वा सिलसिलापछि हुने कुनै पनि कामको योजना वा प्रक्रिया। | |
| 15696 | कार्यक्रम | ना. | २. त्यस्ता कामकुराको मुद्रित सूची; तालिका। | |
| 15697 | कार्यक्षेत्र | ना. | काम गर्नका निम्ति प्रदत्त अधिकार वा निर्देशनको सीमा। | |
| 15698 | कार्यटोली | ना. | निर्दिष्ट वा खास खास काम गर्नका निम्ति बनाइएको कार्यकर्ताहरूको समूह; काम गर्ने व्यक्तिहरूको विभाजित एकाइ तोकिएको क्षेत्रमा गई काम गर्नेहरूको डफ्फा। | |
| 15699 | कार्यदक्ष | वि. | काम गर्नमा योग्य वा सिपालु, कार्यकुशल। | |
| 15700 | कार्यदक्षता | ना. | कार्यदक्ष हुनाको भाव वा स्थिति, कार्यकुशलता। |