|
|
|
|
|
|
|---|---|---|---|---|
| 16701 | कोटकाली | ना. | १. कोटकी वा कोटमा स्थापना गरिएकी देवी। | |
| 16702 | कोटकाली | ना. | २. नेपालको गोरखा जिल्लामा पर्ने आरुघाट भन्ने ठाउँमा अवस्थित देवी वा तिनै देवीको मन्दिर। | |
| 16703 | कोटतुरुप | ना. | तासको तुरुप खेलमा विपक्षी खेलाडीले एक हात पनि खान नपाई आफ्नो तुरुपले सबै हात खाने काम त्यस्तो जित। | |
| 16704 | कोटपाल | ना. | किल्लाको सुरक्षा गर्ने व्यक्ति; कोटको अधिपति; दुर्गरक्षक। | |
| 16705 | कोटफ्रक | ना. | दुईतीन रङका कपडा प्रयोग गर्न सकिने अगाडि पाँच र पछाडि दुई टुक्रा गाँसी बनाइने विशेष प्रकारको फ्रक; कोटका छाँटको घाँगर। | |
| 16706 | कोटर | ना. | रुखको टोड्को वा धोद्रो। | |
| 16707 | कोटा | ना. | कसैसित लिन वा कसैलाई दिन निश्चित गरिएको कुनै वस्तुको हिस्सा वा भाग; बिक्रीवितरण हुने वस्तु र योजना पूरा गरिने खर्चमा अनुपातले पाइने सम्पूर्ण भागको एक पटकमा दिइने वा लिइने अंश। | |
| 16708 | कोटाल | ना. | १. झ्यालढोकाको पल्ला अड्याइने चौकोसका दायाँबायाँ ठाडा काठमा झन्डै आधा खोली गहिरो बनाएर त्यसमा छिराई झ्यालढोका बन्द गरिने फल्याक। | |
| 16709 | कोटाल | ना. | २. झ्यालको तल्लो आधा भागमा जडिने डन्डी, रेलिङ आदि। | |
| 16710 | कोटाली | ना. | १. झ्यालको तल्लो भागमा डन्डी हाली बनाइएको सानो खण्ड। वि. | |
| 16711 | कोटाली | ना. | २. कोटमा बस्ने; कोटको बासिन्दा। | |
| 16712 | कोटि | ना. | हे. कोटी। | |
| 16713 | कोटिला | ना. | दैलेख जिल्लाको छामगाउँ खोलाको पूर्वी किनारमा स्थित महादेवको मन्दिर। | |
| 16714 | कोटिलिङ्ग | ना. | शिवजीका करोड लिङ्गमूर्ति। | |
| 16715 | कोटिलिङ्ग अदालत | ना. | मध्यकालीन नेपालको कोटिलिङ्गको स्थापना गरिएको ठाउँमा रहेको सबैभन्दा माथिल्लो देवानी अदालत। | |
| 16716 | कोटिशः | क्रि.वि. | १. धेरै किसिमले; अनेकौँ प्रकारले। वि. | |
| 16717 | कोटिशः | क्रि.वि. | २. करोडौँ; धेरै; असङ्ख्य। | |
| 16718 | कोटी | ना. | १. सय लाखको सङख्या; करोड; कोटि। | |
| 16719 | कोटी | ना. | २. हतियारको चुच्चो वा धार। | |
| 16720 | कोटी | ना. | ३. धनुको टुप्पो। | |
| 16721 | कोटी | ना. | ४. श्रेणी; स्तर; दर्जा। | |
| 16722 | कोटी | ना. | ५. कुनै विवादको पूर्वपक्ष। वि. | |
| 16723 | कोटी | ना. | ६. सय लाख; करोड। | |
| 16724 | कोटे | वि. | कोटमा बस्ने वा कोटको बासिन्दा ( मुसीकोटे, माझकोटे, नुवाकोटे इ.)। | |
| 16725 | कोटेरो | ना. | भँगेरा जस्तै रङको, फिस्टोभन्दा केही सानो, डल्लो आकारको, झाडीमा बटुकाका ढाँचाको लाम्चो गुँड लाउने एक चरो; बगेडी। | |
| 16726 | कोटेसन | ना. | कुनै पनि कार्यालयको मागअनुसार आवश्यक मालसामान वा खर्चको दरभाउ खुलाई सम्बन्धित विक्रेता वा व्यक्तिले दिने विवरणपत्र। | |
| 16727 | कोट्ट | ना. | दुर्ग; किल्ला; कोट। | |
| 16728 | कोट्टिनु | अ.क्रि. | १. कुनै विषयवस्तुसित सम्बन्धित प्रसङ्ग वा कुरो उठ्नु; कामकुरो प्रारम्भ हुनु; उक्किनु। | |
| 16729 | कोट्टिनु | अ.क्रि. | २. चिम्टँदा, कोतर्दा, खोस्रँदा, खन्दा कुनै चिज वा वस्तुको पाप्रो, तह आदि निस्कनु; उप्कनु। | |
| 16730 | कोट्ट्याइ | ना. | १. कोट्टिने क्रिया वा प्रक्रिया। | |
| 16731 | कोट्ट्याइ | ना. | २. कोट्ट्याउने काम वा प्रक्रिया। | |
| 16732 | कोट्ट्याइनु | क.क्रि. | कोट्ट्याउने काम गरिनु; उक्काइनु; कोतरिनु; उफाइनु। | |
| 16733 | कोट्ट्ट्याउनु | स. क्रि. | १. कुनै विषयवस्तुको प्रसङ्ग वा कुरो उठाउनु; कामकुरो थाल्नु। | |
| 16734 | कोट्ट्ट्याउनु | स. क्रि. | २. थोरै थोरै गरेर खन्नु वा उप्काउनु; खोतल्नु। | |
| 16735 | कोट्ट्ट्याउनु | स. क्रि. | ३. इसाराका निम्ति वा सतर्क पार्न हातले छुनु; खुसुक्क चिमोट्नु। | |
| 16736 | कोठरी | ना. | सानो वा साँघुरो कोठो; कम्ती उज्यालो भएको र चल्नफिर्न असजिलो पर्ने कोठो। | |
| 16737 | कोठाकोठी | ना. | १. घरका सानाठुला कोठाहरूको समूह। | |
| 16738 | कोठाकोठी | ना. | २. बाकस, भाँडा आदिका ससाना धेरै खण्ड। | |
| 16739 | कोठामचे/ कोठामोचे | ना. | कोठाको कामधन्दा गर्ने मान्छे; कोठे नोकर। | |
| 16740 | कोठार | ना. | १. अन्नपात राख्ने ठुलो ढुकुटी; धनसार। | |
| 16741 | कोठार | ना. | २. सिएका लुगाको आङपट्टि पर्ने भाग। | |
| 16742 | कोठार | ना. | ३. पेटभित्रको भाग; गर्भाशय; पाठेघर। | |
| 16743 | कोठार | ना. | ४. पेट; भुँडी। | |
| 16744 | कोठारिन | ना. | कोठारको खटनपटन गर्ने वा काम गर्ने आइमाई; कोठाको काम वा भित्रिया काम गर्ने स्वास्नीमान्छे। | |
| 16745 | कोठारी | ना. | जिमीदारको जग्गामा कोठारको जिम्मा लिएर काम गर्ने कर्मचारी; कोठारको रक्षक वा धरालो। | |
| 16746 | कोठी १ | ना. | जिउमा निस्कने कालो वा रातो नमेटिने मसिनु दाग वा थोप्लो; तिल। | |
| 16747 | कोठी २ | ना. | १. ठुलठुलो लेनदेन वा व्यापारको कारोबार हुने घर; ठुलो पसल। | |
| 16748 | कोठी २ | ना. | २. रन्डीहरू बस्ने घर वा कोठा; वेश्यालय। | |
| 16749 | कोठी २ | ना. | ३. चियाबगान, अलैँचीबगान आदिका व्यवस्थापकहरू रहने घर। | |
| 16750 | कोठी २ | ना. | ४. धनसार। |