|
|
|
|
|
|
|---|---|---|---|---|
| 18001 | खरखरी | क्रि.वि. | हे. खरखरती। | |
| 18002 | खरखरे | ना. | टेबुल, दराज आदिमा बाहिर तान्न र भित्र घुसार्न हुने गरी मालसामान राख्न बनाइएको सानो खण्ड; घर्रा। | |
| 18003 | खरखाँचो | ना. | आफूलाई चाहिएको कुनै वस्तु आफूसँग नभएको बेला; कुनै कुराको खाँचो परेको अवस्था; हर्जा, खनखाँचो, गाह्रोसाह्रो; असर्दो। | |
| 18004 | खरखिचोला | ना. | खिचोला आदि गर्ने काम; विघ्नबाधा। | |
| 18005 | खरखुवाई | ना. | कसैको भलो चिताउने काम; शुभेच्छा; मङ्गलकामना। | |
| 18006 | खरदार | ना. | राजपत्र अनङ्कित तहको द्वितीय श्रेणीका कर्मचारीको एक दर्जा; निजामती कर्मचारीको एक तह। | |
| 18007 | खरदारी | ना. | खरदारको काम, पद वा अवस्था। | |
| 18008 | खरब | ना. | सय अरबको सङ्ख्या; १,००,००,००,००,०००। | |
| 18009 | खरबुजो | ना. | फर्सीको जस्तो डल्लो आकारमा हरिया र सेता धर्का हुने काँक्राका जस्ता बियाँ लाग्ने र पाकेपछि गुलियो गुदी हुने, प्रायः बालुवाप्रधान भूमिमा फल्ने एक फल। | |
| 18010 | खरमासो | ना. | दैलाको बाहिरपट्टि साँचो लाउनका निम्ति गाडिएको पाङ्ग्रो। | |
| 18011 | खररा | ना. | १. खर, घाँस आदिबाट बनेको झार्नेबढार्ने साधन। | |
| 18012 | खररा | ना. | २. गाई, घोडा आदिको जिउ मल्ने र बुरुसमा लागेका रौँ र धुलोसमेत झार्ने बुरुस जस्तै फलामे साधन। | |
| 18013 | खराइ | ना. | खराउने क्रिया वा प्रक्रिया। | |
| 18014 | खराइनु | क.क्रि. | खरो पारिनु; सुकाइनु। | |
| 18015 | खराउ | ना. | खुट्टाका औँलाको कापले माथि उठेको सानो काठ च्याप्ने गरी वा खुट्टाका पन्जालाई टायर आदिका फित्ताले अड्याउने गरी बनाइएको काठका फल्याकको तलुवा मात्र भएको चट्टीजस्तो जुत्ता; पादुका; कठपाउ; खडाउ। | |
| 18016 | खराउनु | स.क्रि. | १. कुनै वस्तु भुटेर वा घाममा सुकाएर खरो पार्नु। | |
| 18017 | खराउनु | स.क्रि. | २. खुब तताउनु; ज्यादै सुकाउनु। | |
| 18018 | खराउ खुट्टे | वि. | १. पैतालाका बिच भागले नछोई कुर्कुच्चा र औँलाले मात्र जमिन छुने खुट्टा भएको; कठपाउ भएको। ना. | |
| 18019 | खराउ खुट्टे | वि. | २. त्यस्तो खुट्टा वा पैताला भएको मान्छे। | |
| 18020 | खराखर | क्रि.वि. | धमाधम; खरखरी; खुरुखुरु। | |
| 18021 | खराखरी | क्रि.वि. | सरासरी; नरोकीकन। | |
| 18022 | खराज/खराद | ना. | १. काठ, धातु आदिका वस्तु सम्म्याउने वा सफा गर्ने औजारविशेष। | |
| 18023 | खराज/खराद | ना. | २. काठ, धातु आदिका वस्तुहरू मेसिनमा चढाई सफा गर्ने वा चिल्लो पार्ने काम। | |
| 18024 | खराज कल | ना. | अम्खोरा आदि धातुका भाँडा बनाउँदा आकार दिइसकेपछि धातुका बाँकी रहेका नमिल्दा चोसाचोसीलाई सफा गरी चिल्लो टल्कने बनाउने कल। | |
| 18025 | खरानी | ना. | दाउरा आदि वस्तु बलिसकेपछि बाँकी रहने धुलो वा क्षार पदार्थ; भस्म; खाक। | |
| 18026 | खरानी दानी | ना. | खरानी हाल्ने वा खरानी फ्याँक्ने, झार्ने भाँडो; ठुटोरो (एस्ट्रे)। | |
| 18027 | खराने | वि. | १. खरानी रङको; खरानीसम्बन्धी। | |
| 18028 | खराने | वि. | २. बेकम्मा; रद्दी। ना. | |
| 18029 | खराने | वि. | ३. एक प्रकारको बनैयाँ झार। | |
| 18030 | खराब | वि. | १. ननिको चालको; काम नलाग्ने; नजाती; बेकम्मा; बेठिक। | |
| 18031 | खराब | वि. | २. चालचलन बिग्रेको; दुर्जन; दुष्ट। | |
| 18032 | खराब | वि. | ३. छुल्याइँपुल्याइँ गर्ने वा कुभलो चिताउने; हानिकारक; अहितकर। | |
| 18033 | खराब | वि. | ४. सामाजिक मर्यादाको प्रतिकूल वा प्रचलित नियमकानुनको विपरीत (चालचलन, बानीबेहोरा, आचरण इ.)। | |
| 18034 | खराबी | ना. | १. खराब हुने काम वा चाल; नजातीपन; दोष, त्रुटि; अवगुण; कमी। | |
| 18035 | खराबी | ना. | २. हानि; नोक्सानी। | |
| 18036 | खरायो | ना. | मुसाका जातको, बिरालोजत्रो, लामा कान हुने र उफ्रिँदै दगुर्ने, शाकाहारी एक जङ्गली प्राणी; चौघडा। | |
| 18037 | खरिनु | अ.क्रि. | १. कुनै वस्तु आगो वा घामले खरो हुनु; डढ्लाजस्तो भएर भुटिनु। | |
| 18038 | खरिनु | अ.क्रि. | २. आकाङ्क्षा बढ्नु; उत्कण्ठित हुनु। | |
| 18039 | खरिनु | अ.क्रि. | ३. रुखिनु; भोक, प्यासले पीडित हुनु। | |
| 18040 | खरिनु | अ.क्रि. | ४. धान, गहुँ आदि बाली ज्यादा पाकेर वा सुकेर झर्ने हुनु। | |
| 18041 | खरिद्नु | स.क्रि. | अर्काका अधिकारमा रहेको कुनै वस्तु वा मालसामान मूल्य तिरेर आफ्नो बनाउनु; खरिद गर्नु; किन्नु; बेसाउनु। | |
| 18042 | खरिद | ना. | अर्काको अधिकारमा रहेको कुनै मालसामान मूल्य तिरेर आफ्नो अधिकारमा पार्ने काम; किन्ने काम; बेसाउने काम; किनमेल। | |
| 18043 | खरिद आदेश | ना. | सरकारी वा गैरसरकारी कार्यालयहरूमा कुनै मालसामान बजारभाउअनुसार किन्न वा खरिद गर्नका लागि कार्यालय प्रमुखद्वारा दिइने आदेश। | |
| 18044 | खरिददार | वि. | मालसामान खरिद गर्ने; किन्ने; ग्राहक; गाहक। | |
| 18045 | खरिददारी | ना. | खरिद गर्ने वा किन्नेको काम; खरिददारको काम। | |
| 18046 | खरिदबिक्री | ना. | किन्ने र बेच्ने काम; किनबेच; क्रयविक्रय। | |
| 18047 | खरिदाइ | ना. | खरिद्ने क्रिया वा प्रक्रिया। | |
| 18048 | खरिदाइनु | क.क्रि. | खरिद गर्न लाइनु; किनाइनु। | |
| 18049 | खरिदाउनु | प्रे. क्रि. | किन्न लाउनु; खरिद गराउनु। | |
| 18050 | खरिदार | ना. | हे. खरदार; खर्दार। |