|
|
|
|
|
|
|---|---|---|---|---|
| 31551 | जम्ल्याहा | वि. | एकै कोखबाट एकै समयको गर्भवासद्वारा जन्मिएको, एकै साथ जन्मेको। | |
| 31552 | जय | ना. | १. कुनै परिश्रम, अभियान वा तपस्याको सफल परिणाम, विजय, सफलता। | |
| 31553 | जय | ना. | २. कल्याण, शुभमङ्गल। | |
| 31554 | जय | ना. | 3. इन्द्रिय वा कुनै पनि अन्य अवस्था वा स्थितिमाथिको जित वा नियन्त्रण, निग्रह। | |
| 31555 | जय | ना. | ४. साठी संवत्सरमध्ये एक। | |
| 31556 | जय | ना. | ५. वैकुण्ठका चार द्वारमध्ये पूर्वद्वारमा रहने दुई द्वारपाल जय र विजयमध्ये जयचाहिँ। | |
| 31557 | जय | ना. | वि.बो. ६. जितेको खुसीमा मुखबाट सामूहिक रूपले निकालिने हर्षित ध्वनि। | |
| 31558 | जयकार | ना. | १. विजयोल्लासमा वा कुनै देवदेवीका मङ्गलगानमा उच्चारण गरिने जयघोष। | |
| 31559 | जयकार | ना. | २. कसैको प्रशंसा, स्तुति। | |
| 31560 | जयघोष | ना. | जयकार। | |
| 31561 | जयजय | वि.बो. | जितेको खुसीमा निकालिने ध्वनि, जय। | |
| 31562 | जय दुन्दुभि | ना. | १. कुनै द्वन्द्व, झगडा वा लडाइँमा जित भएको खुसीयालीमा बजाइने नगरा, विजयका बाजा, जयबाजा आदि। | |
| 31563 | जय दुन्दुभि | ना. | २. तिनै बाजाको शब्द। | |
| 31564 | जयदेव | ना. | १. नेपालका लिच्छविवंशीय एक राजा। | |
| 31565 | जयदेव | ना. | २. 'गीतगोविन्द' काव्यका रचयिता बङ्गालका कवि। | |
| 31566 | जयद्रथ | ना. | महाभारतअनुसार सिन्धु देशका एक राजा, दुर्योधनका बैनीज्वाइँ, महाभारतका एक प्रसिद्ध पात्र। | |
| 31567 | जयध्वज | ना. | युद्ध आदिको विजयपछिको चिह्न वा सङ्केतपताका, विजयको झन्डा, विजयपताका। | |
| 31568 | जयध्वनि | ना. | जयघोष, जयगान, जयकार। | |
| 31569 | जय नेपाल | वि.बो. | २००७ सालको क्रान्तिछेक र त्यसपछि विशेष रूपमा चल्दै आएको, खास गरी राष्ट्रवादी नेपाली समाज र प्रहरी समाजमा प्रचलित, भेटघाट र बिदाइका बेला शिष्टाचारपूर्ण अभिवादनका रूपमा प्रकट गरिने वा भाषण, प्रवचन आदिको अन्तमा अभिवादन जनाउन देशप्रेमको द्योतन गर्ने एक शब्द। | |
| 31570 | जयन्त | ना. | १. इन्द्रको छोरो, इन्द्रपुत्र। | |
| 31571 | जयन्त | ना. | २. शिव। | |
| 31572 | जयन्त | ना. | ३. विष्णु। | |
| 31573 | जयन्त | ना. | वि. ४. जय प्राप्त गर्ने, विजयी। | |
| 31574 | जयन्तिका / जयन्ती | ना. | १. कुनै व्यक्ति वा सङ्घसंस्थाको जन्मदिन, सो दिन मनाइने उत्सव, जम्को। | |
| 31575 | जयन्तिका / जयन्ती | ना. | २. बज्रदन्ती वृक्ष। | |
| 31576 | जयन्तिका / जयन्ती | ना. | ३. मसिना हरिया पात र राता सेता फूल फुल्ने, मकै आदिका बोटमा लाग्ने लहरो लक्ष्मीफूल। | |
| 31577 | जयपत्र | ना. | १. प्राचीन कालमा कुनै दुई देशको युद्ध हुँदा हार्ने पक्षका राजा वा उच्च शासकले जित्ने पक्षलाई आफ्नो हार स्वीकार गरी लेखिदिएको पत्र,पराजित पक्षले लेखिदिने जितापत्र। | |
| 31578 | जयपत्र | ना. | २. अश्वमेधका घोडाका टाउकामा टाँसिने पत्र, विजयपत्र। | |
| 31579 | जयपत्र | ना. | ३. अदालतद्वारा दिइएको जितबाजीको फैसला, जितापत्र। | |
| 31580 | जयपत्री | ना. | हे.जाइपत्री। | |
| 31581 | जय पराजय | ना. | परस्परको युद्ध वा सङ्घर्षको जित र हार, हारजित, जितहार। | |
| 31582 | जयपाल | ना. | जमालगोटा, अजयपाल। | |
| 31583 | जयप्रकाश मल्ल | ना. | नेपालको एकीकरणपूर्वको कान्तिपुर राज्यका अन्तिम मल्ल राजा। | |
| 31584 | जयमाला / जयमाल्य | ना. | १. युद्ध वा अभियानमा सफलता प्राप्त गर्नेलाई लगाइदिने माला, विजयमाला। | |
| 31585 | जयमाला / जयमाल्य | ना. | २. स्वयंवर गर्दा कन्याले केटालाई लगाउने वरमाला। | |
| 31586 | जयलक्ष्मी | ना. | सनातनी परम्पराअनुसार युद्धकी अधिष्ठात्री देवी, विजयश्री, जयश्री। | |
| 31587 | जयलेख | ना. | १. विजयको इतिहास पछिसम्म रहोस् भन्ने उद्देश्यले तिथि, मिति, घटना, प्रसङ्ग आदि उल्लेख गरी शिला, काष्ठ, ताम्र आदिमा अङ्कित गरिएको लेख, विजय अभिलेख। | |
| 31588 | जयलेख | ना. | २. जयपत्र। | |
| 31589 | जयश्री | ना. | विजयकी प्रतीक देवी, जयलक्ष्मी। | |
| 31590 | जयस्तम्भ | ना. | कुनै देशको भूभागमा विजय प्राप्त गरेपछि त्यसको स्मृतिस्वरूप स्थापित गरिने कीर्तिमान, विजयस्तम्भ। | |
| 31591 | जया | ना. | १. पार्वती, दुर्गा। | |
| 31592 | जया | ना. | २. ध्वजा, पताका। | |
| 31593 | जया | ना. | ३. हरियो दुबो। | |
| 31594 | जया | ना. | ४. वज्रदन्ती वृक्ष। | |
| 31595 | जया | ना. | वि. ५. विजय गराउने, जयी। | |
| 31596 | जयी | वि. | विजय हासिल गर्ने, जय प्राप्त गरेको, जित्ने। | |
| 31597 | जयोल्लास | ना. | १. विजय प्राप्त गर्दा पैदा हुने वा मनाइने खुसीयाली, जितबाजीबाट हुने रमाइलो। | |
| 31598 | जयोल्लास | ना. | २. विजयको प्रसन्नता,जयजयकार, जयघोष। | |
| 31599 | जर | वि. | १.वृद्ध, बुढो। | |
| 31600 | जर | वि. | २. पुरानो जीर्ण। |