|
|
|
|
|
|---|---|---|---|
| 56951 | प्रदर्शन | ना. | २. रङ्गमञ्चमा नाटक आदि देखाउने काम वा देखाउने उद्देश्यले अभिनयादि गर्ने काम। |
| 56952 | प्रदर्शन | ना. | ३. कुनै समस्याप्रति जनताको समर्थन वा सहानुभूति प्राप्त गर्न वा सरकारको दृष्टि आकर्षित गर्न सो समस्यासँग सम्बन्धित व्यक्तिहरूको जुलुस, नारा आदिद्वारा असन्तोष वा आफ्नो विचार प्रकट गर्ने काम; सामूहिक रूपमा कुनै विषयमा असन्तोष व्यक्त गर्ने काम। |
| 56953 | प्रदर्शन कक्ष | ना. | व्यापारका लागि चिजबिजका नमुना राखिएको ठाउँ (सोरूम)। |
| 56954 | प्रदर्शनकारी | वि. | कुनै विषयमा सामूहिक रूपमा असन्तोष व्यक्त गर्ने। |
| 56955 | प्रदर्शन शाला | ना. | नाटक आदि देखाइने र अन्य सांस्कृतिक कार्यक्रमको आयोजना गरिने उद्देश्यले बनाइएको घर; प्रदर्शनकक्ष; सभाकक्ष। |
| 56956 | प्रदर्शनालय | ना. | प्रदर्शन गरिने ठाउँ; प्रदर्शनीस्थल; प्रेक्षालय। |
| 56957 | प्रदर्शनी | ना. | १. जनसाधारणलाई देखाउने उद्देश्यले नमुनास्वरूप विभिन्न प्रकारका वस्तु सजाएर राखिने ठाउँ; प्रदर्शनका निम्ति समय-समयमा विभिन्न प्रकारका वस्तुहरू राखिने ठाउँ। |
| 56958 | प्रदर्शनी | ना. | २. विभिन्न प्रकारका वस्तुहरू नमुनास्वरूप देखाउने काम। |
| 56959 | प्रदर्शनीय | वि. | प्रदर्शन गर्न योग्य; प्रदर्शन गर्न लायक। |
| 56960 | प्रदर्शित | वि. | देखाइएको; प्रदर्शन गरिएको। |
| 56961 | प्रदर्शिनी | वि. | १. कुनै वस्तु वा कुनै कार्यक्रम देखाउने वा हेर्ने (स्त्री)। |
| 56962 | प्रदर्शिनी | वि. | २. प्रदर्शनी। |
| 56963 | प्रदर्शी | वि. | प्रदर्शित गर्ने (पुरुष)। |
| 56964 | प्रदान | ना. | कसैलाई कुनै वस्तु वा कुरा दिने काम; दान। |
| 56965 | प्रदाय | ना. | चुक्ता गर्नुपर्ने वा दिनुपर्ने रकम अथवा सम्पत्ति। |
| 56966 | प्रदीप | ना. | १. चहकिलो बत्ती। |
| 56967 | प्रदीप | ना. | २. दीप; दियो; बत्ती। |
| 56968 | प्रदीपक | वि. | १. निकै उज्यालो बनाउने; पर्याप्त प्रकाश दिने। |
| 56969 | प्रदीपक | वि. | २. स्पष्ट र सफा पार्ने। ना. |
| 56970 | प्रदीपक | वि. | ३. ठुलो र चहकिलो बत्ती। |
| 56971 | प्रदीपन | ना. | १. चम्किलो कुनै वस्तुले उज्यालो पार्ने क्रिया; प्रदीप्त पार्ने काम। |
| 56972 | प्रदीपन | ना. | २. उद्दीप्त पार्ने काम। |
| 56973 | प्रदीपन | ना. | ३. पाँच पाँच कुना परेका पहेँला र हरिया रङ मिसिएका पात, राता फूल, खैरा कन्द हुने र रातो दुध निस्कने, हिमालयको लेकमा पाइने एक जातको विषालु बुटी। |
| 56974 | प्रदीपिका | ना. | १. उज्यालो पार्ने र वस्तुहरूलाई देखाउने सानो बत्ती। |
| 56975 | प्रदीपिका | ना. | २. कुनै विषय वा अर्थलाई स्पष्ट पार्ने सानो पुस्तिका। |
| 56976 | प्रदीप्त | वि. | बेसरी बलेको; प्रकाशयुक्त; उद्दीप्त। |
| 56977 | प्रदीप्ति | ना. | विशेष प्रकारको तेज वा दीप्ति। |
| 56978 | प्रदूषक | वि. | हावा, पानी, माटो वा कुनै खाद्य वस्तु आदिमा मिसिएर वातावरण दूषित पार्ने; वातावरणमा दूषित असर ल्याउने (तत्त्व )। |
| 56979 | प्रदूषण | ना. | १. दूषित पार्ने काम; दोषयुक्त पार्ने काम। |
| 56980 | प्रदूषण | ना. | २. रोगव्याधि पैदा गर्ने वा स्वास्थ्यमा हानि गर्ने तत्त्वको सराइ। |
| 56981 | प्रदूषित | वि. | कुनै वस्तु वा वातावरण नराम्रो कारणले दूषित भएको। |
| 56982 | प्रदेय | वि. | १. कसैलाई दिनुपर्ने; देय; प्रदाय। |
| 56983 | प्रदेय | वि. | २. दिन योग्य; दातव्य। |
| 56984 | प्रदेश | ना. | १. भाषा, रीतिरिवाज, हावापानी र अन्य भौगोलिक स्थिति, प्रशासन आदिका दृष्टिले छुट्ट्याइएको देशको एउटा ठुलो भाग; प्रान्त। |
| 56985 | प्रदेश | ना. | २. कुनै ठाउँ; स्थान। |
| 56986 | प्रदेश | ना. | ३. शरीरको अङ्ग; अवयव। |
| 56987 | प्रदेश | ना. | ४. कुनै भूभाग। |
| 56988 | प्रदेश | ना. | ५. भूभाग वा नदीका दृष्टिले नेपालका तीन भौगोलिक (हिमाली, पहाडी र तराइली वा कोसी, गण्डकी र कर्णाली) विभाजनमध्ये कुनै एक। |
| 56989 | प्रदेश | ना. | ६. वास्तुकलामा वा मूर्ति-निर्माणसम्बन्धी कलामा अङ्गुलको नौ गुना बराबरको नापका लागि प्रयोग गरिने शब्द; नौ अमल बराबरको नाप। |
| 56990 | प्रदेश | ना. | ७. परदेश; विदेश (न्यूनस्तरीय प्रयोग)। |
| 56991 | प्रदेशी/प्रदेशीय | वि. | १. प्रदेशको; प्रदेशसम्बन्धी। |
| 56992 | प्रदेशी/प्रदेशीय | वि. | २. देख्ने वा देखाउने। |
| 56993 | प्रदोष | ना. | १. सूर्य अस्ताउने समय; सन्ध्याको समय। |
| 56994 | प्रदोष | ना. | २. रात्रिको पहिलो प्रहर। |
| 56995 | प्रदोष | ना. | ३. कृष्ण र शुक्ल दुवै पक्षका त्रयोदशीका दिन उपवास बसेर सन्ध्याकालमा शिवको पूजा गरिने एक व्रत। |
| 56996 | प्रद्युम्न | ना. | १. पौराणिक कथाअनुसार कृष्णका जेठा छोरा; अनिरुद्धका पिता, बाणासुरका सम्धी र उषाका ससुरा। |
| 56997 | प्रद्युम्न | ना. | २. कामदेव। |
| 56998 | प्रद्योत | ना. | १. चम्किला वस्तुबाट चारैतिर फिँजिएको देखिने प्रकाशरेखा; किरण; रश्मि। |
| 56999 | प्रद्योत | ना. | २. चम्किला वस्तुमा हुने चमक; दीप्ति। |
| 57000 | प्रद्योत | ना. | ३. उज्जैनका प्राचीन ऐतिहासिक राजा; महासेन। |