|
|
|
|
|
|---|---|---|---|
| 64951 | भतुवा | ना. | १. तलबविना भातमात्र खाएर बस्ने नोकर। वि. |
| 64952 | भतुवा | ना. | २. कामकाज नगरी खाएर मात्र बस्ने; भातमारा। |
| 64953 | भतुवाकार | ना. | कमला पात र डाँठ हुने, फुलीका आकारका पहेँला, सेता फूल फुल्ने एक थरी बर्खे झार। |
| 64954 | भतेर | ना. | १. निम्तारु अथवा अन्य धेरै मान्छेलाई खान तयार गरिएको भातभान्सा। |
| 64955 | भतेर | ना. | २. प्रशस्त खाना; धेरै खानेकुरो। |
| 64956 | भतेर | ना. | ३. आवश्यकभन्दा बढी मात्रामा पाकेको भात। |
| 64957 | भतेरे | वि. | भतेरका निम्ति आवश्यक; भतेरमा चाहिने। |
| 64958 | भतेरे डाडुपन्यु | ना. | खड्कौँलाहरूको भाततिहुन चलाउन, बाँड्न र पस्कन हुने ठुलठुला डाडु-पन्यु। |
| 64959 | भत्कनु | अ.क्रि. | १. पर्खाल, भित्तो, छानो, गारो, ढिस्को, डिल, खात आदि खस्नु वा लड्नु; ढल्नु। |
| 64960 | भत्कनु | अ.क्रि. | २. कुनै कामव्यवहार बिग्रनु; लथालिङ्ग हुनु; भताभुङ्ग हुनु; बिग्रनु। |
| 64961 | भत्करु | ना. | बिहेमा जन्तीको खबर लिएर दुलहीका घरमा जाने दुलहातर्फको मानिस; वरयात्रीको अग्रदूत; भत्खरु; भत्खौरे। |
| 64962 | भत्काइ | ना. | १. भत्कने भाव, क्रिया वा प्रक्रिया। [ भत्काउ + आइ] |
| 64963 | भत्काइ | ना. | २. भत्काउने भाव, क्रिया वा प्रक्रिया। |
| 64964 | भत्काइनु | क.क्रि. | घर पर्खाल आदि लडाइनु; ढलाइनु। |
| 64965 | भत्काउनु | स.क्रि. | १. घर, पर्खाल आदि बिगार्नु वा लडाउनु। |
| 64966 | भत्काउनु | स.क्रि. | २. बिगार्नु; नाश पार्नु। |
| 64967 | भत्किनु | अ.क्रि. | १. भत्कनु। |
| 64968 | भत्किनु | अ.क्रि. | २. बिग्रिनु; नासिनु। |
| 64969 | भत्कोस | ना. | बाधाव्यवधानको लक्षण वा सङ्केत; भत्कने मेलो वा पालो; भाङपाली। |
| 64970 | भत्खरु | ना. | हे. भत्करु। |
| 64971 | भत्ता | ना. | १. वेतनबाहेक यात्रा, महँगी अथवा अन्य कुनै अतिरिक्त कार्य वा अवस्थाका निम्ति कर्मचारीहरूलाई दैनिक, मासिक वा सामयिक रूपमा दिइने थप निश्चित रकम। |
| 64972 | भत्ता | ना. | २. राम्रो काम गरेबापत कसैलाई दिइने जीवनवृत्ति। |
| 64973 | भदन्त | वि. | १. सम्मानित; पूजित; श्रद्धेय। ना. |
| 64974 | भदन्त | वि. | २. बौद्ध भिक्षुहरूमा प्रचलित प्रतिष्ठासूचक एक उपाधि। |
| 64975 | भदन्त | वि. | ३. बौद्ध भिक्षु; भन्ते। |
| 64976 | भदालो | ना. | तरकारी आदि पकाउने काममा प्रयोग हुने, बिँड भएको, ताईजस्तो ठुलो ताप्के; ठुलो दिउरे; झ्याँगा। |
| 64977 | भदाहा | ना. | १. स्वास्नीमानिसले आफ्ना दाजु वा भाइका छोरालाई भन्ने नाताबोधक शब्द; भदो। |
| 64978 | भदाहा | ना. | २. सालो वा जेठानको छोरो। |
| 64979 | भदै/भदैनी | ना. | स्त्रीका भाइ वा दाजुकी छोरी। |
| 64980 | भदैया | ना. | १. भदौ महिनामा पाक्ने बाली; भदौरे बाली (धान र अरू अन्न)। |
| 64981 | भदैया | ना. | २. भदौमा पाक्ने धानको एक जात; घैया। |
| 64982 | भदो | ना. | हे. भदाहा। |
| 64983 | भदौ | ना. | वर्षको पाँचौँ महिना; साउन र असोजका बिचमा पर्ने महिना; भाद्र। |
| 64984 | भदौरे | वि. | १. भदौ महिनामा हुने वा पाक्ने; भदौसम्बन्धी; भदौको (भदौरे घाम, भदौरे झरी आदि)। |
| 64985 | भदौरे | वि. | २. भदौ महिनामा जन्मेको, बियाएको वा बियाउने (गाईबस्तु)। |
| 64986 | भद्दा | वि. | जिउडाल र आकार-प्रकार नमिलेको; छन्द न बन्दको; नराम्रो; कुरूप। |
| 64987 | भद्र | वि. | १. सभ्य, शिष्ट तथा सुशिक्षित; सज्जन। |
| 64988 | भद्र | वि. | २. मङ्गलकारी; शुभकारक। |
| 64989 | भद्र | वि. | ३. सुन्दर; मनोहर। ना. |
| 64990 | भद्र | वि. | ४. मङ्गल; शुभ। |
| 64991 | भद्रकाली | ना. | देवीका विभिन्न रूपमध्ये सोह्र भुजा भएको एक रूप वा मूर्ति। |
| 64992 | भद्रगोल | ना. | १. धेरै गज्याङगुजुङको स्थिति; गन्जागोल; ठुलो अलमल। ना. |
| 64993 | भद्रगोल | ना. | २. काठमाडौँमा रहेको केन्द्रीय कारागारको दोस्रो फाँट। |
| 64994 | भद्रा | ना. | १. ज्योतिषशास्त्रका अनुसार शुक्लपक्षका चुतुर्थी, अष्टमी, एकादशी र पूर्णिमा तथा कृष्णपक्षका तृतीया; सप्तमी, दशमी र चतुर्दशीका दिन पर्ने सातौँ करण; फलित ज्योतिषअनुसार अशुभ योग। |
| 64995 | भद्रा | ना. | २. गाई। |
| 64996 | भद्रा | ना. | ३. दुर्गा। |
| 64997 | भद्रा | ना. | ४. पृथ्वी। |
| 64998 | भद्राई | ना. | लामो पुच्छर, आङ्कुसे परेको चुच्चो, आँखावरिपरि काला धर्सा तथा पिठियुँतिर रातो र छातीतिर सेतो हुने, जुरेलीजत्रो सानो चरो। |
| 64999 | भद्राक्ष | ना. | जपमाला बनाउने काममा प्रयोग गरिने रुद्राक्ष जस्तै सानो खालको दाना। |
| 65000 | भद्राच्छे | ना. | हे. भद्राक्ष। |