|
|
|
|
|
|---|---|---|---|
| 74751 | रामदल | ना. | २. नेपालका प्रहरीको पुरानो एक विभाग। |
| 74752 | रामदाना | ना. | लट्टे। |
| 74753 | रामनरवानर | ना. | नृतत्त्वका अनुसार अश्मीभूत अस्थि अवशेषका रूपमा पाइएको नरवानर; शुष्कनरवानरको समसामयिक नरवानर। |
| 74754 | रामनवमी | ना. | रामको जन्म भएको दिन; चैत्र शुक्ल नवमी। |
| 74755 | रामनामी | ना. | रामनाम छापिएको एक प्रकारको पछ्यौरा। |
| 74756 | रामपत्री | ना. | काफलका जस्ता साधारण पात हुने, छ मिलिमिटर लामा फूल फुल्ने, बियाँ औषधीमा काम लाग्ने एक जातको सानो रुख। |
| 74757 | रामपुरी | ना. | प्राय: पहेँलो रङ्गको ऊनी पछ्यौरीविशेष। |
| 74758 | रामफटाका | ना. | वैष्णवहरूले निधारमा लाउने ठाडो तीनधर्के टीका वा तिलक; श्रीतिलक। |
| 74759 | रामफल | ना. | केराका पातजस्ता भालाकार र तिखा टुप्पा हुने दाँतीदार किनारा भएको, बास्ना आउने ठुलो सेतो फूल फुल्ने, ठुला फल लाग्ने, मृगौलाजस्ता बिउ हुने एक जातको रुखविशेष। |
| 74760 | रामवाण | ना. | १. अजीर्ण रोग भएकालाई खुवाइने रसादि औषधीविशेष। वि. |
| 74761 | रामवाण | ना. | २. रामले हानेको वाण जस्तै खेर नजाने वा तुरुन्त पूरा हुने; अचुक; अमोघ। |
| 74762 | रामभरोसा | ना. | रामको मात्र भरोसा वा आधार। |
| 74763 | रामभरोसे | वि. | अरू कसैको आधार नभई रामको मात्र भरोसा भएको। |
| 74764 | रामभिँडा | ना. | गोलभेँडा। |
| 74765 | राममन्दिर | ना. | १. नेपालको प्रसिद्ध तीर्थस्थल जनकपुरमा रहेको रामको प्रसिद्ध मन्दिर। |
| 74766 | राममन्दिर | ना. | २. रामको मूर्ति प्रतिष्ठापित भएको मन्दिर। |
| 74767 | राममाटी | ना. | काठबाट बन्ने सामान दराज, मेच आदि चिल्ल्याउन दलिने एक किसिमको माटो। |
| 74768 | रामरउस | ना. | आनन्द र रमाइलो; रामरमिता। |
| 74769 | रामरगेडा | ना. | असाध्य परिश्रम; चर्को मिहिनेत। |
| 74770 | रामरज | ना. | टीका लगाउन हुने एक प्रकारको पहेंलो माटो; रामतिलक। |
| 74771 | रामरमिता | ना. | आनन्ददायी उत्सवको रमिता; रमाइलो; रमझम। |
| 74772 | रामरस | ना. | १. मनलाई सुख दिने वस्तुको उपभोग; सुखचैन। |
| 74773 | रामरस | ना. | २. नुन वा लवणका निम्ति प्रायः जोगीहरूले प्रयोग गर्ने शब्द। |
| 74774 | रामराज्य | ना. | १. देशका सबै जनतालाई सुखशान्ति परिपूर्ण हुने रामको जस्तो शासनव्यवस्था भएको आदर्श राज्य। |
| 74775 | रामराज्य | ना. | २. मनमोज; ढलीमली। |
| 74776 | रामराम | ना. | १. भेटघाट वा बिदावारीका क्षणमा भनिने एक किसिमको ढोगभेट जनाउने शब्द। |
| 74777 | रामराम | ना. | २. कुनै कुराको नाश हुँदा र कसैको दुःख-कष्ट देख्ता वा सुन्दा सहानुभूतिपूर्वक निस्कने शब्द; कठैबरा। |
| 74778 | रामराम | ना. | ३. मलामीहरूले शवलाई सागरमा वा घाटमा लैजाँदा दोहर्याएर भन्ने शब्द। |
| 74779 | रामरिट्ठो | ना. | ठुलठुला पात र पहेँला फूल हुने एक जातको रुख वा त्यसैको झुप्पाकार फल। |
| 74780 | रामलीला | ना. | रामका कथाको अभिनय। |
| 74781 | रामशाह | ना. | वि. सं. १६६६ देखि १६९३ सम्म गोरखामा राज्य गर्ने शाहवंशीय प्रसिद्ध समाजसुधारक राजा। |
| 74782 | रामा | ना. | १. रूपवती वा सुन्दरी स्त्री। |
| 74783 | रामा | ना. | २. लक्ष्मी; सीता; राधा। |
| 74784 | रामा | ना. | ३. भार्या; पत्नी। |
| 74785 | रामाइ | ना. | गाईबस्तुले राम्ने क्रिया वा प्रक्रिया। |
| 74786 | रामायण | ना. | १. रामको चरित्र तथा कीर्ति वर्णन भएको संस्कृतमा वाल्मीकि मुनि, हिन्दीमा सन्त तुलसीदास र नेपालीमा कवि भानुभक्तद्वारा रचित प्रसिद्ध काव्यग्रन्थ। |
| 74787 | रामायण | ना. | २. कुनै मृत व्यक्तिको शोकप्रकट गर्दै गाईजात्रामा सेतो वा पहेँलो वस्त्र धारण गरेर सहर घुमिघुमी गाइने गीत वा त्यस्तो गीत गाउने मण्डली। |
| 74788 | रामानुज | ना. | १. रामका भाइ (खास गरी लक्ष्मण)। |
| 74789 | रामानुज | ना. | २. वैष्णवपन्थ चलाउने दक्षिण भारतका एक प्रसिद्ध वैष्णवाचार्य। |
| 74790 | रामारुमी | वि. | १. कतै पनि केही नदेखिने; निस्पट्ट; गाढा (अँध्यारो)। (उदा.- बेसीमै रामारुमी भइसकेकाले हिजो गाउँ आउन सकिएन।) |
| 74791 | रामारुमी | वि. | २. सुनसान; चकमन्न। (उदा.- जाडामा नौ बजेतिर नयाँ सडक पनि रामारुमी भइसक्छ।) |
| 74792 | रामिनु | अ.क्रि. | राम्ने काम होइनु। |
| 74793 | रामेछाप | ना. | नेपालको मध्यमाञ्चल विकासक्षेत्रभित्र पर्ने जनकपुर अञ्चलको एक पहाडी जिल्ला। |
| 74794 | रामेश्वर | ना. | भारतको दक्षिणी समुद्रको किनारामा अवस्थित स्वयम् रामचन्द्रले स्थापना गरेको मानिने, हिन्दुहरूका प्रसिद्ध चार धाममध्ये एक। |
| 74795 | रामो | ना. | बिँडमा मुङ्ग्राले ठोकेर काठ काट्ने वा खोप्ने, हलाका फालीजस्तो तर तिखो धार भएको फलामे हतियार; राँबो। |
| 74796 | रामोराम | ना. | किरिया हाल्दा प्रयोग गरिने शब्द; सत्तेसत्ते; धरोधर्म। (उदा.- रामोराम दिदी, मैले तपाईँको पछ्यौरा लिएको छैन।) |
| 74797 | राम्बाँस | ना. | रम्बाँस; क्यात्तुके; हात्तीबार। |
| 74798 | राम्ररी | क्रि.वि. | राम्रो गरी; सुहाउँदोसँग। |
| 74799 | राम्रो | वि. | १. देख्ता मन पर्ने; सुन्दर; रमणीय। |
| 74800 | राम्रो | वि. | २. गुण, हित आदिका दृष्टिले उम्दा; असल; बेस। |