|
|
|
|
|
|---|---|---|---|
| 701 | अच् | ना. | संस्कृतका 'अ' देखि 'औ' सम्मका स्वरहरूको सङ्क्षिप्तीकृत पारिभाषिक संज्ञा; स्वरवर्ण। |
| 702 | अचकच | क्रि.वि. | निर्णयमा पुग्न नसकेर; अकमक। |
| 703 | अचकचाइ | ना. | अचकचाउने भाव, क्रिया वा प्रक्रिया । |
| 704 | अचकचाइनु | अ.क्रि. | अकमकाइनु। |
| 705 | अचकचाउनु | अ.क्रि. | निर्णय लिन नसक्नु; अकमकाउनु। |
| 706 | अचकन | ना. | पाँच कल्ली भएको, दुई ठाउँमा मात्र तुना लगाइने लामो कोटजस्तो लबेदा; एक किसिमको लामो दौरा। |
| 707 | अचकल्टो | वि. | १. पूरा नभएको; अधुरो। |
| 708 | अचकल्टो | वि. | २. आधा पाकेको; कट्मिरो। |
| 709 | अचकल्टो | वि. | ३. पूरा परिपक्व नभएको; अर्धशिक्षित। |
| 710 | अचकल्टो | वि. | ४. पूरा काम दिन नसक्ने; अधबेस्रो (अचकल्टो काम; अचकल्टो ठिटो; अचकल्टो पढाइ इ.)। |
| 711 | अचकाली | क्रि.वि. / ना. | हे. अचाक्ली। |
| 712 | अचम्म | ना. | नचिताएको कुरो; उदेकलाग्दो कुरो; छक्क पराइ; गजब; आश्चर्य। |
| 713 | अचर | वि. | नचल्ने; गतिरहित; स्थावर; जड (चर-अचर सृष्टि; चराचर जगत्)। |
| 714 | अचल | वि. | १. नचल्ने; नडग्ने; चलाउन नसकिने। |
| 715 | अचल | वि. | २. जड; स्थावर; स्थिर। |
| 716 | अचल | वि. | ३. निश्चल; दृढ। ना. |
| 717 | अचल | वि. | ४. पर्वत; पहाड; डाँडो (उदयाचल, अस्ताचल, हिमाचल इ.)। |
| 718 | अचल जायजेथा/सम्पत्ति | ना. | एक ठाउँबाट अर्का ठाउँमा लैजान वा सारनतारन गर्न नसकिने घर, जग्गाजमिन आदि जायजेथा। |
| 719 | अचला | ना. | १. पृथ्वी; धरती। |
| 720 | अचला | ना. | २. बौद्ध धर्मका दशभूमि वा त्रयोदशभूमिमध्येको आठौँ भूमि। वि. |
| 721 | अचला | ना. | ३. नचल्ने; स्थिर। |
| 722 | अचाइ१ | ना. | अचार । |
| 723 | अचाइ२ | ना. | आचमन गर्ने भाव, क्रिया वा प्रक्रिया। |
| 724 | अचाइनु | क.क्रि. | अचाउने काम गरिनु। |
| 725 | अचाउनु | स.क्रि. | हत्केलामा पानी राखी सुरुप्प सुरुप्प खानु; छुवाछुत वा आशौचबाट शुद्ध हुनाका निम्ति यसरी पानी खानु; कुनै देवकार्य र पितृकार्यजस्ता धार्मिक कार्यका सिलसिलामा हत्केलामा केही पानी राखी मन्त्रको उच्चारणपूर्वक सुरुप्प सुरुप्प खानु। |
| 726 | अचाक्ली | क्रि.वि. | १. हुनुपर्नेभन्दा ज्यादै बढी; मर्यादा नाघेर; अत्यन्तै; चौपट्टै; अचकाली। ना. |
| 727 | अचाक्ली | क्रि.वि. | २. अत्यधिकता; ज्यास्ती; अति गर्ने काम। |
| 728 | अचाक्ली | क्रि.वि. | ३. अन्याय; अत्याचार; थिचोमिचो। |
| 729 | अचाडु | वि. | १. कसैसित नमिल्ने; छुच्चो; छुल्याहा; निहुँखोजाहा। |
| 730 | अचाडु | वि. | २. अमिल्दो; नसुहाउने। |
| 731 | अचानक | क्रि.वि. | पूर्वसूचनाविना; एक्कासि; अपर्झट; अकस्मात्; एकाएक। |
| 732 | अचानु/अचानो | ना. | १. पशु आदि काट्ता हतियारको धार नबिग्रियोस् भनी काटिने पशुको गर्धनमुनि जमिनमा राखिने काठको ठेउको। |
| 733 | अचानु/अचानो | ना. | २. मासु आदि काट्ता वा थुँग्दा राखिने काठको ठेउको; थुँगनी। |
| 734 | अचानु/अचानो | ना. | ३. पशु आदि मार हान्दा अचानाले बेहोर्नु परे जस्तै चोट बेहोर्नु पर्ने स्थिति; त्यस प्रकारको सङ्कट। (उदा.- रामले श्यामसित बदला लिन मलाई अचानु बनायो।) अचानाको चोट खुकुरीले जान्दैन (उखान)। |
| 735 | अचार | ना. | मुला, करेला, गोलभेँडा आदि तरकारी, तिल, सिलाम आदि दानादार पदार्थ, निबुवा, कागती, लप्सी, आँप आदि अम्ल पदार्थ आदिलाई काटी, थिची वा पिँधी नुन, खोर्सानी र अमिलो तथा मरमसला र तेल हाली साँधिएको, पकाइएको वा सूर्यपाक गरिएको, भोजनलाई विशेष स्वादिलो बनाउन चाटिने वा खाइने पदार्थ। |
| 736 | अचार पार्नु | टु. | १. अचार बनाउनु। |
| 737 | अचार पार्नु | टु. | २. किचीमिची तुल्याउनु। (उदा.- धेरै नजिस्क्या, तँलाई अचार पारिदिउँला। )। |
| 738 | अचिनारु | वि. | चिनजान नभएको; अपरिचित। |
| 739 | अचिन्तनीय | वि. | १. मनले चिताउन नहुने वा नसकिने; अचिन्त्य। |
| 740 | अचिन्तनीय | वि. | २. मन र बुद्धिभन्दा परको; अज्ञेय। |
| 741 | अचिन्तित | वि. | १. नचिताएको; नसोचेको। |
| 742 | अचिन्तित | वि. | २. अप्रत्याशित। |
| 743 | अचुक | वि. | नचुक्ने; कहिले पनि खेर नजाने; भुल नगर्ने; विफल नहुने; अमोघ (अचुक निसाना, अचुक औषधी इ.)। |
| 744 | अचेत | वि. | चेतना नभएको; होस गुमेको; सुद्धी हराएको; बेहोस। |
| 745 | अचेतन | वि. | १. ज्ञान नभएको; होस नभएको। वि. |
| 746 | अचेतन | वि. | २. चेतन र अर्धचेतनपछिको, सचेत अवस्थामा थाहै नपाइने तर मानवीय क्रियाकलापलाई निर्दिष्ट गर्ने (मन)। |
| 747 | अचेल | क्रि.वि. | वर्तमान समयमा; हालसाल; हिजोआज; आजभोलि। |
| 748 | अचेलभरि | क्रि.वि. | हिजोआजको समयमा; आजकाल; आजभोलि। |
| 749 | अचैतन्य | वि. | १. चेतनारहित; ज्ञान नभएको; जड। |
| 750 | अचैतन्य | वि. | २. तर्कसम्मत नभएको। ना. |