|
|
|
|
|
|---|---|---|---|
| 75201 | रुझाउनु | प्रे.क्रि. | रुझ्ने वा भिज्ने पार्नु। |
| 75202 | रुझनु | अ.क्रि. | रुझ्ने स्थितिमा परिनु। |
| 75203 | रुढी | ना. | आँठे, बिफर, हैजा आदि सङ्क्रामक रोग; महामारी; देशान। |
| 75204 | रुण्ड | ना. | टाउको नभएको शरीर; धड; गिँड; मुर्कट्टा। |
| 75205 | रुदन्ती | ना. | एक प्रकारको महत्त्वपूर्ण बुटी; सञ्जीवनी। |
| 75206 | रुदिलो | ना. | रातो खालको भेट्नु भएको, पातको तल्लो भाग दाँती परेको हुने, अति बास्ना आउने फूल फुल्ने र पात एवं जरो, बाथ, जुका र चुर्नामा औषधी लाग्ने बुटोविशेष; रुधिलो। |
| 75207 | रुद्ध | वि. | १. पीडा, चिन्ता आदिले आवाज फुट्न नसकेको; कण्ठ रोकिएको। |
| 75208 | रुद्ध | वि. | २. बाटो छेकिएको; अवरुद्ध। |
| 75209 | रुद्धकण्ठ | वि. | कण्ठ रुद्ध भएको; गला रोकिएको; भक्कानु परेको। |
| 75210 | रुद्र | ना. | १. शिवको प्रलयकारी एक रूप। |
| 75211 | रुद्र | ना. | २. अजैकपाद, अहिर्बुध्न, स्रष्टा, विश्वरूपहर, बहुरूप, त्र्यम्बक, अपराजित, वृषाकपि, शम्भु, कपर्दी र रैवत- शिवका यी एघार गणको नाम। वि. |
| 75212 | रुद्र | ना. | ३. भयङ्कर; डरलाग्दो। |
| 75213 | रुद्रघण्टी | ना. | घाँटीको माझमा बाहिरपट्टि उठेको हाडको फुकुन्डो। |
| 75214 | रुद्र मल्ल | ना. | वि. सं. १३६५ तिर अरिमल्लका युवराज भएर रहने राजकुमार। |
| 75215 | रुद्रवेणी | ना. | गुल्मी जिल्लामा पर्ने बडीगाउँ र कालीगण्डकीको दोभानमा रहेको एक तीर्थस्थल। |
| 75216 | रुद्राक्ष | ना. | कथ्य. रुद्राच्छे। हाँगामा लामालामा हरिया केशर हुने सेतो फूल फुल्ने प्रसिद्ध वृक्ष वा जपमाला बनाइने त्यसैको साह्रो गोल काँडे बियाँ। |
| 75217 | रुद्राक्षि | ना. | १. वास्तु वा मूर्तिकलामा प्रयोग हुने अङ्गुलको तीन गुना बराबरको नाप; पर्वन, अग्नि वा विद्या बराबरको नाप। |
| 75218 | रुद्राक्षि | ना. | २. तीन अमल बराबरको नाप; तीन अङ्गुल। |
| 75219 | रुद्रानन | ना. | १. वास्तु वा मूर्तिकलामा प्रयोग हुने अङ्गुलको पाँच गुना बराबरको नाप; तल, इन्द्रिय, भूत वा वाण बराबरको नाप। |
| 75220 | रुद्रानन | ना. | २. पाँच अमल बराबरको नाप; पाँच अङ्गुल। |
| 75221 | रुद्राभिषेक | ना. | विशेषतः रुद्रीपाठ गर्दै शिवलिङ्गमा चढाइने जलको धारो। |
| 75222 | रुद्री | ना. | रुद्रको पूजा तथा उपासनाका निम्ति शिवलिङ्गमा अविच्छिन्न जलधारा दिँदै गरिने वैदिक पाठ; यजुर्वेदको रुद्रस्तोत्र। रुद्राष्टाध्यायी पाठ। |
| 75223 | रुधिर | ना. | १. रगत; रक्त। |
| 75224 | रुधिर | ना. | २. रातो रङ। |
| 75225 | रुधिलो | ना. | हे. रुदिलो। |
| 75226 | रुनारानी | ना. | सानातिना टुक्राटाक्री; ससाना रुना। (उदा.- बगरमा रुनारानीबाहेक अरू थोक के पो पाइएला र!) |
| 75227 | रुनु | ना. | १. बालुवा वा धुलाका कण। |
| 75228 | रुनु | ना. | २. ज्यादै थोरै परिमाण; रैन। |
| 75229 | रुन्कारुन्की | ना. | सानातिना धेरै रुन्का; रुनारानी। |
| 75230 | रुन्को | ना. | साह्रै सानो टुक्रो; रुनु। |
| 75231 | रुन्चे | वि. | १. सानोतिनो कारणले पनि रुने; पिच्चपिच्च रोइरहने स्वभावको; पिन्चे। स्त्री. रुन्ची। ना. |
| 75232 | रुन्चे | वि. | २. बालक-बालिकालाई रोऱ्याइँ लागिरहने रोग। |
| 75233 | रुन्चे | वि. | ३. लोकसंस्कृतिका अनुसार रोएको अभिनय गरेर दर्शकलाई हँसाउने विदूषक। |
| 75234 | रुन्चे भतेर | ना. | दुलही अन्भाउने दिन हुने, दुलहीपट्टिकै घरको भोज। |
| 75235 | रुन्झुन | ना. | पाउजेब, मुजुरा, सितार आदि झन्झनाएको वा बजेको शब्द; झन्कार। |
| 75236 | रुपन्देही | ना. | नेपालको पश्चिमाञ्चल विकास-क्षेत्रभित्र पर्ने लुम्बिनी अञ्चलको तराई खण्डमा स्थित एक जिल्ला। |
| 75237 | रुपलाइन | ना. | हे. रोपलाइन। |
| 75238 | रुपसी | वि. | रूपवती; सुन्दरी (नारी)। |
| 75239 | रुपहारा | वि. | रूप नभएको; नराम्रो; कुरूप। रुपहारा छोरी, हूपहारा छोरो (उखान)। |
| 75240 | रुपा | ना. | १. चाँदी। वि. |
| 75241 | रुपा | ना. | २. चाँदीजस्तो; चाँदीको। |
| 75242 | रुपाताल | ना. | पश्चिमी नेपालको गण्डकी अञ्चलको कास्की जिल्लामा रहेको एक प्रसिद्ध ताल। |
| 75243 | रुपामक्खी | ना. | चाँदीको धाउ। |
| 75244 | रुपासे | ना. | प्रेमी वा प्रेमिकाले परस्परमा 'राम्रो वा राम्री छौ' भनी व्यङ्ग्यसाथ गर्ने सम्बोधन; रूपसी। |
| 75245 | रुपियाँ | ना. | १. नेपाली सय पैसा वा दुई मोहर बराबर मूल्यको चाँदीको सिक्का वा मुद्रा; रुपियाँ। |
| 75246 | रुपियाँ | ना. | २. भारतको अघिको चौसट्ठी पैसा र अहिलेको सय पैसा मोलको चाँदीको मुद्रा। |
| 75247 | रुपियाँ | ना. | ३. त्यति नै मूल्यको अचेल चलेको कागजी मुद्रा वा नोट। |
| 75248 | रुपियाँ | ना. | ४. धनसम्पत्ति; दौलत। |
| 75249 | रुपियाँ पैसा | ना. | १. धातु वा कागजका विभिन्न प्रकार र मूल्यका मुद्रा; चलसम्पत्ति। |
| 75250 | रुपियाँ पैसा | ना. | २. रुपियाँ र पैसा। |