|
|
|
|
|
|---|---|---|---|
| 79001 | वर्णधर्म | ना. | वर्णअनुसारको पेसा, कर्तव्य वा स्वभाव र आचरण। |
| 79002 | वर्णन | ना. | १. क्रमबद्ध रूपमा आएको वा विस्तारपूर्वकको कथन; बेलीविस्तार; बखान्। |
| 79003 | वर्णन | ना. | २. कुनै कुराकानी वा घटना आदिको बेहोरा राम्ररी थाहा हुने गरी गरिएको बयान; विवरण। |
| 79004 | वर्णन | ना. | ३. प्रशंसा; तारिफ। |
| 79005 | वर्णनातीत | वि. | वर्णन वा बखान गर्न नसकिने; बेलीविस्तार लाउन कठिन; अवर्णनीय। |
| 79006 | वर्णनात्मक | वि. | १. वर्णन बेसी भएको; वर्णनसहितको; वर्णनयुक्त; वर्णनमय। |
| 79007 | वर्णनात्मक | वि. | २. वर्णनका पद्धतिद्वारा तयार गरिने वा भएको (वर्णनात्मक व्याकरण, वर्णनात्मक भाषाविज्ञान इ.)। |
| 79008 | वर्णनात्मकता | ना. | वर्णनात्मक हुनाको भाव वा अवस्था। |
| 79009 | वर्णनीय | वि. | १. वर्णन गर्नुपर्ने; वर्णन गर्न सकिने। |
| 79010 | वर्णनीय | वि. | २. प्रशंसनीय; सहनीलायक। |
| 79011 | वर्णपट | ना. | १. केटाकेटी वा सिकारुहरूलाई अक्षर चिनाउनका निम्ति अकारादि क्रमले अक्षर छापिएको ठुलो पत्र; भित्ते वर्णमाला; साउँअक्षर लेखिएको काठको पाटी। |
| 79012 | वर्णपट | ना. | २. सूर्यको किरण वा कुनै सेतो किरणमा सात किसिमका रङ्ग देखिने पट। |
| 79013 | वर्ण परिचय | ना. | १. अक्षरको ज्ञान। |
| 79014 | वर्ण परिचय | ना. | २. अक्षर चिनाउने पुस्तिका; वर्णमाला। |
| 79015 | वर्णभेद | ना. | १. सनातन धर्मअनुसार ब्राह्मण, क्षत्रिय, वैश्य र शूद्र गरी चार वर्णमा लाइएको भाग। |
| 79016 | वर्णभेद | ना. | २. उच्चता, नीचता वा रङका दृष्टिले मनुष्यजातिमा गरिएको भिन्नता वा भेदभाव। |
| 79017 | वर्णमाला | ना. | कुनै लिपिका साउँअक्षर क्रमैसँग लेखिएको पत्रसमूह; कखहरा पढाउने पुस्तक; वर्णपरिचय। |
| 79018 | वर्णलोप | ना. | शब्दमा हुने कुनै वर्णको लोप। (जस्तो- स्टेसन > टेसन, बाच्छो > बाछो इ.)। |
| 79019 | वर्णविकार | ना. | शब्दको कुनै एक वर्ण अर्कै वर्णमा परिणत हुने काम, वर्णको विकार। (जस्तो- संस्कृतबाट नेपालीमा आउँदा काकको काग, ग्रामको गाउँ, चक्रको चक्का इ.)। |
| 79020 | वर्णविचार | ना. | वर्णको स्वरूप, कोटि, उच्चारण, प्रयोग आदिको विवेचना वा व्याख्या गर्ने नियम वा विभाग। |
| 79021 | वर्णविद्वेष | ना. | काला, गोरा आदि वर्ण वा जातिका आधारमा सानोठुलो भनी भेदभाव गरिने प्रवृत्ति तथा हीनताजन्य भावना। |
| 79022 | वर्णविन्यास | ना. | वर्णको व्यवस्थित रखाइ; अक्षरविन्यास; हिज्जे; वर्तनी; खिप्ती। |
| 79023 | वर्णविपर्यय | ना. | शब्दका वर्णहरू अगाडिको पछाडि वा पछाडिको अगाडि हुने चाल; अक्षरहरूको उलटफेर। |
| 79024 | वर्णविभाग | ना. | १. हिन्दु धर्मका अनुसार छुट्ट्याइएका चार विभाग- ब्राह्मण, क्षत्रिय, वैश्य र शूद्र। |
| 79025 | वर्णविभाग | ना. | २. मनुष्य जातिमा रङका आधारले छुट्ट्याइने वर्ण वा श्रेणी। |
| 79026 | वर्णवृत्त | ना. | लघुगुरुको क्रम वा वर्णको सङ्ख्या मिलाई लेखिएको वाक्य; वार्णिक छन्दमा रचित पद्य। |
| 79027 | वर्णव्यवस्था | ना. | हिन्दु धर्मका अनुसार गरिएको वर्णसम्बन्धी व्यवस्था वा विभाजन। |
| 79028 | वर्णसङ्कर | ना. | दुई अलग जातिका आमाबाबुबाट जन्मेको सन्तान; ठिमाहा। |
| 79029 | वर्णागम | ना. | शब्दका सन्धि आदि हुँदा अगाडि, पछाडि वा बिचमा कुनै अक्षर थपिने काम। (उदा.- दि+आउँछ = दियाउँछ, दिलाउँछ -मा 'य' र 'ल' आगम इ.)। |
| 79030 | वर्णात्मक | वि. | वर्ण वा अक्षरमा लेखिने तथा लेखिएको (शब्द, पदावली आदि)। |
| 79031 | वर्णानुक्रम | ना. | अकारादि क्रम मिलाई गरिएको क्रम; अक्षरादि क्रम; अक्षरको सिलसिला। |
| 79032 | वर्णानुक्रमिक | वि. | वर्णानुक्रममा रहेको वा मिलेको; अक्षरको सिलसिलामुताबिकको। |
| 79033 | वर्णाश्रम | ना. | ब्राह्मण, क्षत्रिय, वैश्य र शूद्र चारै वर्णले पालन गर्नुपर्ने सनातन धर्मअनुसारका ब्रह्मचर्य, गृहस्थ, वानप्रस्थ र सन्न्यास आदि चार आश्रम। |
| 79034 | वर्णाश्रम धर्म | ना. | वर्णाश्रममा रहेर पालन गरिने कर्तव्य तथा सोअनुसार प्राप्त गरिने धर्म। |
| 79035 | वर्णित | वि. | १. वर्णन गरिएको; बयान गरिएको; भनिएको। |
| 79036 | वर्णित | वि. | २. चित्रण गरिएको; चित्रित। |
| 79037 | वर्णित | वि. | ३. प्रशंसा गरिएको। |
| 79038 | वर्णी | वि. | १. कुनै एक वर्ग वा जातिको। |
| 79039 | वर्णी | वि. | २. शील, धर्म आदि भएको (ब्रह्मचारी) आदि। |
| 79040 | वर्ण्य | वि. | १. वर्णन गर्न लायक; वर्णनीय। |
| 79041 | वर्ण्य | वि. | २. प्रस्तुत। |
| 79042 | वर्तन | ना. | १. रहने वा टिक्ने काम; बसाइ। |
| 79043 | वर्तन | ना. | २. विद्यमान स्थिति; स्थिरता। |
| 79044 | वर्तन | ना. | ३. व्यवहार। |
| 79045 | वर्तन | ना. | ४. जीविका। |
| 79046 | वर्तन | ना. | ५. घुमाइ; चक्कर। |
| 79047 | वर्तनी | ना. | १. विद्यमानता; स्थिति। २ शब्दअन्तर्गत वर्णहरूको विन्यासमा हुने आवश्यक क्रमिकता र विशुद्धपन; हिज्जे। |
| 79048 | वर्तनी | ना. | ३. जीवनवृत्ति; भत्ता। |
| 79049 | वर्तनी | ना. | ४. निवृत्तिभरण; पेन्सन। |
| 79050 | वर्तमान | वि. | १. अहिले भइरहेको वा चलिरहेको; समसामयिक। |