|
|
|
|
|
|---|---|---|---|
| 20651 | गलहत्त्याइ | ना. | गलहत्ती लगाउने क्रिया वा प्रक्रिया। |
| 20652 | गलहत्त्याइनु | क.क्रि. | गलहत्ती लाइनु; गर्दन्याइनु। |
| 20653 | गलहत्त्याउनु | स.क्रि. | गलहत्ती लाउनु; घोक्य्राउनु; गर्दन्याउनु। |
| 20654 | गलहस्त | ना. | घोक्य्राउन तयार पारिएको हातको मुद्रा; अर्द्धचन्द्र। |
| 20655 | गलहस्ती | ना. | हे. गलहत्ती। |
| 20656 | गलहार | ना. | गलामा लगाइने, रत्न आदि अमूल्य वस्तु जडिएको हार; सुनचाँदीको माला। |
| 20657 | गला | ना. | १. टाउको र घडलाई जोड्ने बिचको गोलाकार केही लामो अङ्ग; घाँटी; कण्ठ। |
| 20658 | गला | ना. | २. सङ्गीतात्मक स्वर; आवाज। |
| 20659 | गलाइ | ना. | गल्ने भाव, क्रिया वा प्रक्रिया। |
| 20660 | गलाइनु | क.क्रि. | गलाउने काम गरिनु; गल्ने पारिनु। |
| 20661 | गलाउनु | प्रे.क्रि. | १. गल्ने बनाउनु; गलक्क हुने तुल्याउनु। |
| 20662 | गलाउनु | प्रे.क्रि. | २. टेक लिनेलाई कायल पार्नु; अपराध सकार्ने बनाउनु; पग्लाउनु। |
| 20663 | गलाम | ना. | १. बस्तुभाउ बाँध्दा गलामा पर्ने दाम्लाको भाग। (उदा.- गलाम सानो भए बस्तुलाई घटेसी लाग्ने डर हुन्छ)। वि. |
| 20664 | गलाम | ना. | २. गलामा फेरो पुग्ने; गलाभरिको। |
| 20665 | गलाम गाँठो | ना. | गलामा फेरो पुग्ने ठाउँमा पारिएको गाँठो; गलमगाँठो। |
| 20666 | गला लाग्नु | टु. | १. खाएको कुरा घाँटीमा गएर अड्किनु। |
| 20667 | गला लाग्नु | टु. | २. कुनै काम नगर भन्दाभन्दै गरेर बिग्रिसकेपछि चुकचुकाउनु; पछुताउ लाग्नु। |
| 20668 | गलित | वि. | १. गिलो भएको; गलेको। |
| 20669 | गलित | वि. | २. चुहेको; खसेको। |
| 20670 | गलित | वि. | ३. सडेको; कुहेको। |
| 20671 | गलित | वि. | ४. शिथिल भएको; थाकेको। |
| 20672 | गलित कुष्ठ | ना. | हातगोडाका औँला र त्यसपछि जोर्नीसम्मका अङ्ग गलेर बिस्तारै झर्ने कुष्ठ रोग। |
| 20673 | गलित यौवना | वि. | जवानी बित्नाले सबै कुरो हराइसकेकी (स्त्री)। |
| 20674 | गलिनु | अ.क्रि. | गल्ने होइनु; पग्लिनु। |
| 20675 | गले | वि. | गलेको; थाकेको; जुम्सो। |
| 20676 | गलेगन्ड | ना. | गलामा छालाको थैलो झुन्डिएको एक जातको चरो। |
| 20677 | गलेगोरु | ना. | १. काँधिएर राम्ररी नहिँड्ने वा मुस्किलले ठेलीठेली हिँडाउनुपर्ने गोरु। |
| 20678 | गलेगोरु | ना. | २. त्यस्तै गह्रुङ्गो स्वभावको मान्छे; अल्छी र लोसो मानिस। |
| 20679 | गलेनी | ना. | १. गोडाका औँलाका काप फुट्ने, च्यातिने र पाक्ने रोग। |
| 20680 | गलेनी | ना. | २. पाकेपछि कालो र खाँदा गुलियो स्वादको हुने, असारतिर पलाएर फली कात्तिकमा पाक्ने र मङ्सिरपुसमा मर्ने एक वनस्पति वा त्यसैको फल। |
| 20681 | गलेबन्द | ना. | गलबन्दी (उदा. - खुला दो-कान को राख्छ गलेबन्द भए कुनै। - लेखनाथ)। |
| 20682 | गलेश्वर | ना. | म्याग्दी जिल्लाको बेनी बजारबाट एक कोस उत्तरपट्टि कालीगण्डकी र राखुघाट खोलाका दोभानमा अवस्थित महादेव; पौराणिक उपाख्यानअनुसार सतीदेवीको गलो पतन भई शिवजी उत्पन्न भएको र प्रत्येक वर्ष बालाचतुर्दशीमा मेला लाग्ने सोही ठाउँ। |
| 20683 | गलैँचा | ना. | तनौटोमा सुतीको डोरी र बुनौटोमा भेडा वा भ्याङलुङको ऊन प्रयोग गरी विभिन्न रङका बुट्टा पारेर बुनिने, बाक्लो, नरम बिछ्यौना। |
| 20684 | गलैँची फुल | ना. | ससानो बोट हुने र रङ्गीबिरङ्गी फूल फुल्ने एक जातको फूल। |
| 20685 | गलो | ना. | १. कण्ठ; घाँटी; गला। |
| 20686 | गलो सेरा | वि. | हे. गलसेरा। |
| 20687 | गल्छी | ना. | १. एक ठाउँबाट अर्को ठाउँसम्म पुग्न ओर्लने वा उक्लने गौँडो; कतैबाट उम्कने वा कहीँ पस्ने गल्छेडो। |
| 20688 | गल्छी | ना. | २. दुई पहाडका बिचमा खोँच वा सोतो परेको ठाउँ। |
| 20689 | गल्छेडो | ना. | १. सानो बाङ्गोटिङ्गो र अप्ठेरो बाटो; साँघुरो गल्ली। |
| 20690 | गल्छेडो | ना. | २. बस्तुभाउ हिँड्ने वा मूलबाटोमा मोडिने छोटो बाटो; उनाउ बाटो। |
| 20691 | गल्छेडो | ना. | ३. खोँच परेको ठाउँ; त्यस्तै अप्ठेरो काम। |
| 20692 | गल्ड्याङ्ग्रो/गल्ढ्याङ्ग्रो | वि. | १. राम्रोसँग बोल्न नजान्ने वा बोली स्पष्ट नभएको; लठेब्रो। |
| 20693 | गल्ड्याङ्ग्रो/गल्ढ्याङ्ग्रो | वि. | २. स्वर मात्र ठुलो तर बुद्धि नभएको; सिधासाधा; लाटोसुधो। |
| 20694 | गल्ड्याङ्ग्रो/गल्ढ्याङ्ग्रो | वि. | ३. हुस्सु; लन्ठ। स्त्री. गल्ड्याङ्ग्री/गल्ढ्याङ्ग्री। |
| 20695 | गल्ती | ना. | १. नियम, रीति, सिद्धान्त आदिका दृष्टिले हुने वा गरिने भुल; भुलचुक; बिराम। |
| 20696 | गल्ती | ना. | २. भाषा, व्याकरणका दृष्टिले भएको वा गरिने भुल; अशुद्धि। |
| 20697 | गल्ती | ना. | ३. अनुचित काम; नसुहाउँदो आचरण। |
| 20698 | गल्थो | ना. | १. मुजा पारेर लाइएका फरियाको पोल्टामा पर्ने मुठो वा गाँठो। |
| 20699 | गल्थो | ना. | २. धानको रोपो सप्रेर मुठीभरि गाँजिएको झाङ; घाँस वा झारको ठुलो मुठो। |
| 20700 | गल्थोवाल | वि. | मुजा परेको गल्थो देखिने फरियाको पहिरन हुने (स्त्री)। |