|
|
|
|
|
|---|---|---|---|
| 29701 | जनप्रतिनिधि | ना. | जनताको हक, हित र अधिकारको सुरक्षाका निमित्त जनताले छानेको नेता; जननेता। |
| 29702 | जनप्रवाद | ना. | १. निराधार रूपमा चलेको हल्ला; उडन्ते खबर; अफवाह। |
| 29703 | जनप्रवाद | ना. | २. लोकोक्ति; जनश्रुति। |
| 29704 | जनप्रवाद | ना. | ३. अनुश्रुति; किंवदन्ती। |
| 29705 | जनप्रशासन | ना. | १. सार्वजनिक व्यवस्थाको प्रशासन; जनसाधारणको प्रशासन। |
| 29706 | जनप्रशासन | ना. | २. जनताका तर्फबाट उठेका तर सामान्य प्रशासनद्वारा समाधान हुन नसक्ने समस्याहरूको समाधानसम्बन्धी प्रशासन। |
| 29707 | जनप्रिय | वि. | सबैले मन पराएको; जनताका बिचमा विश्वास प्राप्त गरेको; जनताको प्यारो; लोकप्रिय। |
| 29708 | जनबल | ना. | सेना तथा सत्तापक्षका अतिरिक्त जनतापक्षको शक्ति; जनताको तागत; जनशक्ति। |
| 29709 | जनभवन | ना. | सार्वजनिक कार्यमा प्रयोग हुने भवन (पब्लिक हल)। |
| 29710 | जनभावना | ना. | जनताको इच्छा; जनमानसमा मुखरित भएको भावना। |
| 29711 | जनभाषा | ना. | १. जनसाधारणले दैनिक जीवनमा प्रयोग गर्ने भाषा; जनताको भाषा; अधिकतम मान्छेले प्रयोग गर्ने भाषा। |
| 29712 | जनभाषा | ना. | २. लोकभाषा; कथ्य भाषा; जनजिब्रो। |
| 29713 | जनम | ना. | हे. जन्म। |
| 29714 | जनमत | ना. | १. यो वा त्यो, दुई वा दुईभन्दा बढी विकल्प भएमा कुनै एकमा निर्णय दिनका लागि गरिने मतदान; जनताको राय; लोकमत। |
| 29715 | जनमत | ना. | २. संवैधानिक विवाद खडा भएमा सङ्ग्रह गरिने बालिग नागरिकहरूको मत। |
| 29716 | जनमत सङ्ग्रह | ना. | यो वा त्यो कुन व्यवस्था मन पर्छ भनी देशको राजनीतिक व्यवस्था छान्नका लागि अथवा दुई वा दुईभन्दा बढी विकल्पमध्ये कुनै एकमा निर्णय दिनका लागि जनताहरूले निर्वाचनमा झैँ मत दिने कार्य; जनमतको सङ्कलन (रिफरेन्डम)। |
| 29717 | जनमथात | ना. | जन्मेको थलो; जन्मभूमि। |
| 29718 | जनमानस | ना. | जनताहरूको मनोभावना; जनताको विचार; लोकभावना। |
| 29719 | जनमुखी | वि. | जनताका पक्षमा अभिमुख; सरकारी पक्षको विपरीत; जनताका हिततर्फ ढल्केको; जनताका पक्षमा उन्मुख। |
| 29720 | जनयिता | ना. | जन्म दिने व्यक्ति; बाबु; पिता। |
| 29721 | जनयित्री | ना. | गर्भधारण गरेर जन्म दिने स्त्री; आमा; जननी। |
| 29722 | जनरक्षा | ना. | प्रहरी, सेना वा अन्य माध्यमद्वारा प्रशासनका तर्फबाट गरिने जनताका जिउधन वा सम्मानको रक्षा। |
| 29723 | जनरक्षा अधिनियम | ना. | जनरक्षाका लागि तर्जुमा गरिएको वा गरिने ऐन। |
| 29724 | जनरञ्जन | ना. | जनताहरूलाई प्रसन्न राख्ने कार्य; मानिसलाई राजीखुसी राख्ने र अमनचयनमा राख्ने काम। |
| 29725 | जनरल | ना. | १. सेनाको उच्च अधिकृत; कर्णेलभन्दा माथिल्लो पद वा त्यसै पदको अफिसर; सेनाको महारथी। |
| 29726 | जनरल | ना. | २. सामान्य; साधारण। |
| 29727 | जनरल मेनेजर/म्यानेजर | ना. | विभाग वा संस्थानको उच्च अधिकृत; महाप्रबन्धक। |
| 29728 | जनरल सेक्रेटरी | ना. | विभाग वा सचिवालयको प्रमुख सचिव; महामन्त्री। |
| 29729 | जनरव | ना. | जनताले आफूलाई मर्का पर्दा वा आफ्नो हितका लागि नियम वा व्यवस्थामा परिवर्तन ल्याउनुपर्दा भाषण, अखबार आदिका माध्यमबाट प्रकट गर्ने विचार; जनआवाज। |
| 29730 | जनवरी | ना. | ग्रेगोरी पञ्चाङ्गअनुसार वर्षभरका महिनामध्ये पहिलो महिना; सोअनुसार नववर्षारम्भको महिना। |
| 29731 | जनवाद | ना. | १. शासनमा जनताको सर्वोच्चता कायम गर्ने समाजवादी राजनीतिक सिद्धान्त। |
| 29732 | जनवाद | ना. | २. माओद्वारा चीनमा विकसित एक व्यवस्था; नयाँ जनवाद। |
| 29733 | जनवाद | ना. | ३. जनतन्त्र। |
| 29734 | जनवाद | ना. | ४. जनतान्त्रिक दर्शन। |
| 29735 | जनवादी | वि. | १. जनवादको; जनवादसम्बन्धी। |
| 29736 | जनवादी | वि. | २. जनवादको सिद्धान्तअनुरूप चल्ने; जनवादमा विश्वास राख्ने। |
| 29737 | जनशक्ति | ना. | जनतामा रहेको बल, बुद्धि आदिको तागत; जनताको क्षमता; जनबल; जनताबाट प्राप्त हुन सक्ने श्रम, सिप, बल, बुद्धिजस्ता विभिन्न शक्ति। |
| 29738 | जनशक्ति परिचालन | ना. | जनताहरूको श्रम, शक्ति, विवेक, बुद्धि आदिलाई देशको निर्माण तथा सिर्जनापक्षमा लगाउने काम। |
| 29739 | जनश्रमदान | ना. | १. चन्दा, सहयोग आदिका निमित्त जनताले आफ्नै श्रम प्रदान गर्ने काम; जनताबाट प्राप्त हुने श्रमको दान। |
| 29740 | जनश्रमदान | ना. | २. दुरुपयोग हुँदा प्राचीन झारा, बेठी झैँ हुन जाने सम्भावना भएको तर सदुपयोग हुँदा ज्यादै हितकर हुन सक्ने श्रमदान। |
| 29741 | जनश्रुति | ना. | १. जनताहरूका भन्ने र सुन्ने परम्परामै बचेर आएका लोकप्रचलनका उक्तिहरू; लोकोक्ति; परम्परागत कहावत। |
| 29742 | जनश्रुति | ना. | २. अफवाह; होहल्ला। |
| 29743 | जनश्रुति | ना. | ३. लोकश्रुति; किंवदन्ती। |
| 29744 | जनसङ्ख्या | ना. | १. देश वा राष्ट्रमा भएका सबै जनताको गणना वा गनोट। |
| 29745 | जनसङ्ख्या | ना. | २. जनसङ्ख्याका साथै राष्ट्रका सामाजिक, आर्थिक, धार्मिक, भाषिक आदि तथ्यहरूको समेत सङ्ग्रह गर्ने कार्य; जनगणना। |
| 29746 | जनसङ्ग्राम / जनसङ्घर्ष | ना. | १. सबै तहका जनता मिली गरेको वा भएको सङ्घर्ष, युद्ध वा आन्दोलन; जनआन्दोलन; जनक्रान्ति। |
| 29747 | जनसङ्ग्राम / जनसङ्घर्ष | ना. | २. जनताका बिचमै दुई विरोधी पक्षमा भएको युद्ध; गृहयुद्ध। |
| 29748 | जनसमाज | ना. | १. मानवसमाज; मनुष्यसमाज। |
| 29749 | जनसमाज | ना. | २. जनसाधारण; जनवर्ग; जनसमुदाय। |
| 29750 | जनसमुदाय | ना. | १. मानिसहरूको हुल। |